السلام عليكم ..

بكتب لكم واعذروني على اسلوبي الركيك بس ابي احد يساعدني ..

أنا متزوجة لي تقريبا سنتين إلا احب زوجي ويحبني اكتشفت بعد زواجي انه يعاني من الاكتئاب

بين فتره وفتره لاي سبب بسيط يجيه الاكتئاب لانه حساس ويفكر في الماضي والمستقبل ويحس انه

فاشل قلت له يروح لطبيب نفسي لكنه رافض بقوة قلت ميخالف امشيها يجيه الاكتئاب ويروح ويطلع ما في احسن من نفسيته لكن قبل شهرين تقريبا جته حاله يكره كل اللي حوله ويبي يطلقني وينتحر وانا كنت حامل جلست ادعي واستغفر وقريت عليه ورجع طبيعي ويقول كني كنت في كابوس ..

مشيتها قلت يمكن عين ..

يوم كنت في النفاس عند اهلي كان يكلمني بالتلفون بعد ما سكر التلفون ارسل رساله ضيقتي صدري
ياليتني ما كلمتك يا زين الدنيا بدون حريم ما اذكر قلت شيء يزعل بس قلت له ان عيني توجعني قال روحي للطبيب قلت ما يحتاج بسيطه وكا مواعدني يجي عندي الجمعه ارسل ما ابي اجلس معك ..

جلست ادعي واستغفر واقرأ عليه بالنية ..

بعدها ارسل رساله لا تلوميني انا محطم نفسيا وجسديا وعقليا وفكريا وقال انتي احسن زوجه عطيتيني كل اللي احتاجه ......

الان انا توني مخلصه من النفاس لي اسبوعين اعاني من ضيقة صدر واكتئاب اقول ياليتني ما تزوجت ولا ولدت واشياء ثانية ما ادري هذا اكتئاب النفاس ولا صرت مرضة نفسيا من زوجي ..

احس حياتي معه في خطر على اعصابي اخاف يتغير مزاجه صرت اخاف من رسائل الجوال بديت انفر منه كنت احبه حب ما ادري وش اسوي اخاف نفسيتي تدهور وانا متحملته واداريه ..

حبيبتى بالبدايةضرورى جدا زوجك يروح لطبيب نفسى حاولى معه قدر المستطاع الطب النفسى الان ليس كما سبق من اعتقاد بعض الناس له بانه عيب احد يذهب لطبيب نفسى لان الناس بتقول عنه مجنون خلاص انتهى هذا العصر وهذا التفكير الا من القليل من العقول اعتقد الغير مواكبة لهذا العصر او للعلم بصفة عامة
ثانيا
انتى لازمك قراءة جيدة او حتى انك تذهبى لطبيب او اخصائى نفسى حتى تعرفى كيف تتعاملى معه بحيث ان تساعديه على تخطى ازمته وبنفس الوقت لا تتاثر نفسيتك بذلك

واخيرا عليك بالدعاء المستمر والصدقة مع يقينك بالله تعالى

__________________
اللهم بارك لى فى اولادى وزوجى وعوضنا خيرا مما فقدنا

اقنعيه بلعلاج عند دكتور نفسي

وخذي ماء واقريء عليه وخليه يشرب منه


ارقي نفسك

وهو بعد


عليك بلدعاااااااااااااااااء ثم الدعاء .

أولا : قبل أن أتطرق لموضوع زوجك أعتقد أن ما تمرين فيه من حالة اكتئاب هي اكتئاب ما بعد النفاس

أختي الكريمة

بعض الأشخاص يرون أن الذهاب للطبيب النفسي عيب وبعضهم يعتقد أن الذي يذهب للطبيب النفسي فيه شيء من الجنون

هذه المعلومة السابقه تجعلني أسألك سؤال ألا تعتقدين أن زوجك من هذا الصنف ؟

ما أريد ايصاله لك الآن أن زوجك محتاج تشجيع وواحد يوقف معه ومافيه غيرك بحكم إنك تمرين بنفس الظروف اللي يمر فيها

اطلبي منه الذهاب لطبيب نفسي للكشف عن حالتك وبعد موافقته اقترحي عليه اقتراح وقولي له

بما إني ذاهبه للطبيب وش رايك تعرض حالتك عليه ممكن يتشجع ويتجرأ لأن شريكة حياته مثله والقناعة اللي كان مقتنع فيها ممكن تبدأ تتلاشى إذا شاف إنك لاتعيبين الطب النفسي وتؤيدينه

أختي الكريمة

عندما تقولين له اذهب للطبيب أنتي تزيدين عليه الإكتئاب لأن أمرك له يشعره بنقصٍ فيه

وكذلك الرجال لايحبون الأمر وإنما الطلب أو العرض

مثال: وش رايك ، ممكن ، إذا كنت تقدر ، إذا ما يكلفك ..... الخ

وفقكم الله وحماكم من كل مكروه

__________________
إن بعض القول فن ، فاجعل الاصغاء فناً ..
>> المعرف لرجل <<

أختي الكريمة..
أحيي فيك الحرص على زوجك وحسن صبرك عليه..

وأقول لك..
انت ترديك حجم المعاناة التي يشعر بها!
وتدركين مكانتك الحقيقية في قلبه..فلم الخوف؟

أرجو منك غاليتي أنه مهما حصل لا تخافي
وأن لا تعيشي أيضا في رعب من تصرفاته...

اجعلي في خيالك كل التوقعات..
فلا تنصدمي من اي تصرف لأنك تعرفين اصلا أنه يحبك وفي أشد الحاجة لك..
واي سلوك هو نابع من معاناته

غالبا تعالج المراة المشكلات النفسية للرجل.. أو تخلقها!!
وارى فيك حس الطبيب الحاذق!

هل يستخدم الانترنت؟
ربما دخوله في مواقع اجتماعية ونفسية تدفعه للمشاركة بها

استمرارك بالصبر على سلوكياته وعدم تكرار انه بحاجة الى طبيب أو انه يعاني من مشكلة او حتى انه عصبي أو أو.. سيخفف من الحالة كثيرا
لأن مجرد انه يشعر أنك تعانين منه سيزيده هذا سوءا..

احزنني تعبيرك بديت أنفر منه... وكنت أرجو أن تبدليها بعبارة أرحمه!

فهو من الواضح انه يعاني

حاولي أن تفتحي معه حوارات ثقافية ترفع من مستواه..
دخوله في الدورات التدريبية لتطوير الذات ستغير منه الكثير..
لكن لا تطرحيها كحلول..بل اذا كان يهتم بهذه الأمور اجلعيها اقتراح مثلا اقترحي عليه انك انك ستدخلي في أحد هذه الدورات وهذا يجلعه يفكر بنفسه ايضا..

وفري عدد من الكتب حول هذا الموضوع...متناثرة في المنزل..

هناك الكثير من القنوات التي تقدم برامج من هذا النوع..
أتذكر برامج الدكتور عبد العزيز الأحمد
خصوصا أن المشاركين بعضهم ذوو شهادات عليا ومتفوقين اجتماعيا مما يشجعه على الالتحاق بها

وأخيرا الدعاء فهو وحده الشافي ومالك القلوب..

فرج الله همك وكربتك

أنا اعاني من الفزع وقلت له احجز عند طبيب نفسي لي ولك

وحجز لكن لو نذهب للموعد ..

انا لا ابين له خوفي وقلقي بالعكس اشجعه وارفع من معنوياته ...

لكن انا خايفه انه في يوم ينتحر او يطردني ويطلقني والطبيب رافض بشدة يروح له يارب فرجك ..

وخايفه نفسيتي تدهور ..

سبحان الله تذكرت مواضيعك اللي كتبتيها في المنتدى من قريب في رمضان لما رفض يوديك لا هلك ولما كنت تكلمينه وانت نفاس وكان تعبان وخفت عليه وهو زعل اذا ماني غلطانه لكن حبيبتي شفاءه باذن الله في القرآن لازم تداومي انت وياه عند شيخ راقي ومعروف مداومه فعليه لين ربي يشفيه وانت كل اللي معك ردة فعل طبيعيه لانك قلقانه من المستقبل معه بما انه مزاجيته متقلبه الله يشفي لك زوجك ويجمعكم بالحب دائما يارب

الله يعينكم ويشفي لك زوجك وتعيشوا احلى حياة سعيدة يارب العالمين .
انا من رأيي انه يذهب لأي من الأطباء واذا رفض كلمي احد اخوانك وخليه يكلم اقرب واحد له ويسمع كلامه ويروح معاه للدكتور واذا مانفع اكثري من الدعاء وحاولي تخلي القران شغال في البيت بصوت منخفض وانصحك بشريط الرقية الشرعية لشيخ القطامي او السديس .

__________________
[rainbow](( رحــم الله والداي ، وأسكنهـمـ فسيح جناته ))[/rainbow]

الله يفرجها عليك زي ما فرجها علي


ماعنده اصحاب والا اخوان ينشغل معهم ؟

واذا هو مكتئب انتي لابد تصيرين قويه

حرام بينكم طفل
وثابري ع المويه القري عليها والزيت

لابد منها
بعد الحج روحوا مكه اجلسوا لكم فيها اسبوع زمان بدون الطفل

غيروا جوا هناك

روحوا المدينه

والله مدري وش اقول
بس انسي الطبيب النفسي

ودايما استغفري واقنعيه هو بعد بالاستغفار

الله يفرج عليكم

__________________
[/IMG]

الله يشفية ويرفع عنه

حاولي بالقراءة ان شاء الرحمن ينفع بها