السلام عليكم
ما ادري وشلون ابتدي كلامي يمكن تصدقوني ويمكن تقولون من نسج خيالي اختي الله يسامحها معقدة وشخصية مريضة حصل بينا مرة سوء تفاهم بسيط على الطبخ خلته كبير وقامت تبكي عند امي عشان تسبب مشكلة لكن الموضوع انحل بوقتها وما نست الموضوع وحقدت علينا وترصدت لنا بالطالعة والنازلة واتهمتني انا واخواتي الباقيات عند امي واختي الكبيرة لدرجة وصلت انها تتهمني باني افسد اخواتي الصغيرات واني اكرههن بامي ولسبب لا اعلمه كانت اختي الوسطى تمر بمشكلة بزواجها فكنت اساعدها ونقضي وقت طويل نتناقش في حل المشكلة حتى لاتعلم امي فتتضايق ونحن نخاف عليها حيث انها من اصحاب الضغط وبعد تحريض من اختي المريضة خلت اختي الكبيرة تظن انني احرض اختى الوسطى واغيرها عليها ما قدرت اتحمل فانفجرت وتخانقت معاهم مادريت الا امي تطردني من البيت واختي الكبيرة تتهمني باني افرق الناس
انقهرت وبكيت ورحت لبيتي وحلفت ما اجيهم حتى بالعيد بس مقهورة كيف يصدقون فيني وانا ما ضريت احد تخيلوا انها مستمتعه بالموضوع
يالله مادري وش اسوي وش اقول لزوجي لو يقول ليش ماتروحين لاهلك
انا ما اقدر اصبر وابعد عن اهلي احس اني بدونهم ضايعة اشتاق لهم ولضمة امي وضحك خواتي ولعب اخواني حتى لاصوات عيال خواني وهم ينادوني عميمة