السلام عليكم

انا لي سنه متزوجه وهالسنه هاذي كلها مشاكل انام على مشكله واصحى على مشكله وكل شهر او

شهرين راميني عند اهلي

زوجي شخص عصبي دوامه من الصباح لين الساعه 9 او 10 بالليل

تخيلو يكلمني من دوامه يهاوشني ويقفل السماعه بوجهي كنت اقول يمكن معصب من شي بالدوام

تحملته صبرت عليه صبرت على تعامله واسلوبه معي شخص بارد بالفراش مايصلي تعبت معه حاولت كثير ب

بس بدون فايده يمارس العاده السريه امامي وبدون حياء ولا احترااام واذا كلمته بهالموضوع يعصب ويقول

ماقدر اتركها متعود عليها يناظر افلام وصور اباحيه لاب تبه دايم مقفل وحاط له رقم سري وجوالاته ياويلي

ياسواد ليلي لو لمسته او قربت لها تخيلو الحمام الله يكرمكم يدخل جوالاته معه اذا نام قفل واحد والثاني

يحطه تحت المخده قايمه بالبيت وفيه بس يدور علي الزله زوجة اخوي تصير عمته ذبحتني هالعمه الي هي

زوجة اخوي تتدخل بحياتنا يحترمها بشكل مو طبيعي يسمع كلامها تخيلو اذا رحت لااهله اقول اجلس معي

خلنا نتقهوا ونجلس ساعه ونرجع سوا يقولي لا تبين تسلمين وتطلعين معي يالله تبين تجلسين اجلسي

وانتظريني لين اجيك وهي تخيلو تدق عليه تعال خلنا نروح لااهلي الي هم اهله يجيها طاير و يجلس معها

لين تطلع تخيلو ينتظرها اذا شافتني معه تعاندني وهو يساعدها تسوي حركات تستفزني تلمسه تمسكه

على جنب وتجلس تسولف وتضحك معه مايجون يجلسون معنا لا تخيلو يطلع هو وياها لمطاعم وكفيات وانا

من اخذته اترجاه يطلعني لكفي ورافض صايره كأنها ضرتي وهو عبد مطيع لها واقول لامه وتقولي انا امه

عجزت عنه ويعاملها احسن من معاملته لي ويحترمها ولا يحترمني مابيدي شي تعبت فهمته تكلمت معه

مافاااد جت فتره هو تغير وصاير يعاملني زين انا حمدت ربي وانبسطت وقلت اخيرا راح ارتاح من هالعمه ومن

هالمشاكل وبديت اشكيله واطلع له كل الي بقلبي والي مضايقني وثقة فيه كان بيني وبين اخوي مشكله

ومتهاوشين وكنت اشكيله ابيه يوجهني ويساعدني ويريحني ومنها افضفض له اطلع الي بقلبي تعرفون

الوحده تقول اذا ماشكيت لزوجي من اشكيله المهم تخيلو توفت اختي الله يرحمها هي وحيدتي مالي

غيرها كنت انا وياها دايم مع بعض مانستغني عن بعض تعرفون عزاء رحت لااهلي رجعت للبيت بعد اربع ايام

الرجال متغير اسلوبه وتعامله صار اسوء من قبل تخيلو يستفزني انا تعبانه وحالتي النفسيه مرررررررره تعبانه

مارحمني ماحس فيني قاسي فجئه وحنا جالسين قالي انا ما ابيك وماني مرتاح معك وانتي ماتحبين

عمتي والي مايحب الي احبه ما ابيه وقالي قومي شيلي ملابسك بوديك لااهلك رحت لبست عباتي

وطلعت بعد ساعه دق علي قالي اطلعي قلت ليش قال خلاااااااااااص اطلعي وبس جلست اصيح انا لعبه

بيده امي تقولي لاتطلعين وهو يصرخ علي بالجوال اطلعي انا زوجك وغصب عنك تطلعين المهم طلعت

ورجعت للبيت بس مارتحت ونفسيتي تدمرت اكثثر من بكره رحت لامي العصر جاء هو راح لاخوي الي بيني

وبينه مشكله قال كل الي قلته عنه وجاء اخوي وتهاوشنا حسبي الله عليه سبب بيني انا واخوي فتنه وكبر

المشكله اكثر وياليته قايل بس الي قلته له لا زود على كلامي وقال كلام انا ماقلته المهم جاء واحد من

اخواني جاب زوجي وتفاهم معه وراضانا بس انا ماسامحته وكنت شايله عليه بقلبي وحسيت ثقتي فيه

انهدمت صرت اشوفه انسان حقير ووصخ كرهته المهم رجعت للبيت وانا مو مرتاحه وهو ماقدر وضعي ولا

بالظروف الي امر فيها واهلي يمرون فيها ولا حالتي النفسيه حتى ولا اعتذر من الي سواه ولا حس بخطاه

صار اسوء بمليون مره من قبل صار يذلني يعاملني كأني شغاله يستفزني تخيلو انا من التعب انام قبله صار

يصارخ يناديني بأسوء الاسامي والالفاظ يصحيني من النوم يقولي قومي جيبي لي ببسي يهددني بالطلاق

بطريقه غير مباشره يقول لي كلها ايام وترتاحين مني وارتاح منك الايام بينا وكنت اطنشه وما ارد عليه كان

يقولي الباب يوسع جمل لين مليت قلت له ياخي ماتبيني طلقني ريحني وريح نفسك قال لي لا بعطيك

فرصه يمكن تتعدلين وانا منجنه وش اتعدل انا وش مسويه عشان اتعدل حسبي الله عليه والله اني قايمه

بالبيت ومدللته حتى اغراض البيت انا اجيبها مايعرفني بشي حتى اهلي هم الي يجون ياخذوني ويرجعوني

من اخذته ماوداني ولا جابني لمكان الا يمكن خمس مرات بس حتى السوق اهلي يودوني مايعرفني بشي

بس يدخل ينام ياكل ويلبس ويطلع حتى السوالف مايسولف حاولت معه بكل الطرق بس مافيه امل

ملاحظه هو مطلق قبلي وعنده بنت وبنته بين امها وجدتها امه هو

المهم جتني امي وقالت وش حادك على هالعيشه تعالي لبيتك معززه مكرمه رحت لاامي وطلبت طلاقي

ووفق على طول انا اقول يمكن يبي يرجع لطليقته عشان كيذا كان يتعامل معي كيذا على اني افوق طليقته

جمالا

انا مادري الي سويته صح اني طلبت طلاقي منه ولا خطاء وش رايكم انا محتاره ساعدوني برايكم

وادعو لي ربي يرزقني ويعوضني احسن منه وينصرني عليه