السلام عليكم ورحمة الله وبركاته....
انا قد كتبت مشكلتي مع اهل زوجي انهم احس مايحبوني ولا القي منهم وجه مع اني ساكنه لحالي ما اجيهم دايما وهذا العيد طبعا رحت اعايدهم اول يوم دخلت عليهم حسيت انهم مايعطوني وجه يخافون اني اكثر زيارات وانا بصراحة قررت في نفسي مااروح عندهم الى في الاعياد فقط احس تصير معي مواقف مثلا لما طلعت وحدة من جمعتنا تقول ام زوجي اجلسي خلنا نسهر ولما شفت منهم التكشير قلت خلني اطلع احسن قالتلي بدري يعني ماتمسكت فيني وقالت اجلسي وانبسطي واخت زوجي لمادخلت جلستني في المجلس وطلعت وجلست في الصالة تحسون الحركة هذي حلوة؟؟؟ولما قلت لزوجي قال يكفي اني انا احبك وابغاكي اعطوني رايكم كيف التعامل معهم وكيف تكون زيارتي لهم وام زوجي لا يمكن تكلم وتعزمني اذا اجتمعوا بناتها في عطلة الاسبوع وماتعزمني الااذا كان في عزيمة لاهل زوجها واذا كانوا اهلها ماتعزمني الامرة وانا مااشره عليها امكن تبغى تنبسط هي وخواتها بس الي حازفي نفسي انها اذا اجتمعوا بنتها يوم الاربعاء والخميس ماتقول اعزم مرت ولدي علشان تنبسط مع اني مااقصر معها ومع بناتها اناديهم في بيتي وبنتها المتزوجة جلست اربع السنين من يوم تزوجت ماعزمتني وبعدين قلت انابزورك ورحت لها في بيتها والحين ماعمرها نادتني وانا يوم ولدت زرتها ويوم طلعت من الاربعين عزمتها ويوم ولدت مازرتني الافي المستشفى وبعد 20 يوم جت لي في البيت يعني ماشافت بنت اخوها الابعد عشرين يوم ابغى تردون علي لاني في حيرة ومعليش طولت عليكم بس وش اسوي من الحرة الي في قلبي

فضة يا قلبي وين تزوريهم بالأعايد وبس لا ما يصلح أبد أبد
هم مثل أهلك الحين
أخر الأسبوع ما يحتاج دعوه الكل يزور أهله ( وهذا المفروض متفقين عليه من زمان يعني تزوري أهلك الاربعاء و أهل زوجك الخميس )
ليه التكلف ما أزورهم إلا بدعوه !!
وإذا زرتيهم لا تصيرين مثل الضيوف رجل على رجل وهاتي قهوة وهاتي شاهي
لا خليك مثل بناتهم وعامليهم كويس صدقيني بينتظروك كل اسبوع
برضو لا تطولين عندهم تعشي وأمسكي البآب ( يابخت من زار وخفف )
موفقه خيتو

__________________
ي رب رضاك و الجنة

مرحبا يافضه
لاتشيلين في خاطره ترى فين ناس مثلهم انا اهل زوحي مافرق معهم اجي ولا مااجي كله واحد ولا يفكرون يعزمزني الا بعزايم عمانهم بس كيفهم انا اروح لهم مره بالاسبوع ساعه ونصف اسلم واتقهوى وامشي لا يضيق صدرك لانهم مادروا عنك

أتوقع يعتمد على حسب علاقتهم مع ولدهم و اللي هو زوجك

ماعليش حبيبتي

بس حبيت اعلق بالنسبة للبنت المتزوجة
مالو داعي تتحسسي من هالشيء

خوات زوجي عمري مافكرت أزورهم او حتى شلت بخاطري انهم مادعوني لبيوتهم
مع انهم يجون لبيتي اللي هو بيت أخوهم
وبنفس الوقت زوجات اخواني ماعمري فكرت ادعوهم لبيتي
أخواني اهلا وسهلا
بس زوجاتهم اشوفهم عند اهلي ومعزتهم بصدري كبيرة الحمد لله
ولما يقولوا لي تعالي بيوتنا اقول اهم شيء الجمعة وهي اسبوعيا ببيت اهلي تكفي

الزيارات ماهي دليل المعزة ياما ناس 24س متقابلين وكلن يرمي على الثاني كلام يسم البدن
و البيوت ماصارت مثل اول
صغيرة ومفتحة ماتهيء لتعالوا ونجيكم

الواحد يكون خفيف ولبيب

الله يسعدك

فضة حبيبتي ...

أول شي لا يضيق صدرك .. الوضع طبيعي جداً ... دائما أشوف البنات الكثار خلاص يكونون مكتفين ولا يبون أحد .. وانتي من الأساس ماعودتهم عليك ..

صدقيني ومن خلال اللي أشوفه ... الرسمية مع هيك عوائل أفضل من الميانة ... لا تقطعينهم ماتروحين إلا بالأعياد ... روحي كل اسبوع فقط قهوة وامشي ... لا تطولين ... عشان بعدين ان شاء الله يعرفون أولادك أهلهم ...

بس اللي يزعل في حكايتك .. أم زوجك كيف اذا عزمت ما تعزمك ؟؟؟ عزيمة عزيمة .. ولا بس مسيار ؟؟؟ يعني هالعزيمة فيها حريم عيال الخالات ؟؟ وهل الخالات اذا عزموا يجون زوجات أولادهم ؟؟ ولا هذا القانون ما مشى إلا عليك ؟؟؟

على فكره بعض العوائل عندهم دواير " عزايم " مسمينها دايرة بدون حريم العيال .. فقط الأمهات وبناتهم ...

الله يعينك ..

أختي الغالية

بصراحة هذه أول مشاركة لي في المنتدى ويشرفني أن يكون ردي في مشكلتك، ومن وجهة نظري فهي ليست مشكلة كبيرة تحتاج منك أن تحملي في خاطرك،

أهم ما في هذه الحياة أنتي وزوجك وعلاقتكما مع بعض وغير ذلك فلا يهم أنما هي مجاملات من أجل أن تسير الحياة، فلا يضيق صدرك وهوني ما في نفسك، قومي بما أمرك الله من صلة الرحم وعملك أن شاء الله في ميزان حسناتك،

أنتي في كل الأحول جديدة عليهم في الحياة ولربما تكون أطباعهم هكذا، فأنتي أتيتي من بيت له طبعة الخاصة، وأهل زوجك يكون لهم طبعهم الخاص، فمن الصعب أن تكوني منسجمه معهم في كل أمور الحياة،

أهم شىء قومي بزيارتهم في المناسبات، أي قومي بعمل الواجب وأنتهى،

ولاتخبري زوجك أن هناك تصرفات تصدر من أهله تسبب لك الضيق مهما يكون هم أهله وسيبقون أهله مهما صدر منهم،

عموما اسال الله لك التوفيق والسداد وأعانك على تربية أبنتك التربية الصالحة التي يرضى الله عنها،

عزيزتي فضة
شي فعلا يحز ف النفس وياثر فيها مهما كان زوجك يحبك وانتي مرتاحة تحبي ايضا ان اهله يكونو معاك طيبين ويحبووك بعد

انا اشووف ان انتي مثل ما اقالوا الاخوان والاخوات فوق ان تزوريهم بدون ما يقولوا لك هم ماهم غرب عنك عبارة مثل اهلك
تروحي لهم نص ساعة مثلا شرب قهوة او شاي وجلسة خفيفة وانتي ماشية

او تمريهم تسلمي وانتي واقفة وتمشين
هنا راح يحسوون انك تحبيهم وتواصليهم وفن نفس الوقت ما تثقلي عليهم وايد

اما بالنسبة لام زووجك لما تعزم وما تعزمك انتي جربي مرة اعملي عزومة خفيفة يعني وادعيها هي اول وحدة حسسيها انك تحبيها , وان لها قيمة عندك , جيبي لها بين فترة وفترة هدية بسيطة ,, خلك معاهم حبووبة دوم مبتسمة

وبعد هذا شووفي النتيجة اعتقد انهم راح يحسوا انك تحبيهم وبدورهم راح يحبووك
و انشاءالله خير حبوووبة

ودمتي بود ,.....

أشكر كل من ردعلى وجزاكم كل خيرفرحتوني باهلكلام الحلو بس حبيت ازيد على كلامي بعض الاخوات تقول زريهم نهاية الاسبوع لكلم زوجي يقول بنزوركم تقول بنطلع يعني حتى مره رحت عندها قوها لي شهر عنهم زوجي كلم امه وقال امسكوها للعشاء وانا بجيب العشاء قالت معزومة للعشاء مع اني جيابة القهوة والشاي والحلاويعني كل مره ابغى ازورهم على الخفيف تتعذر بطلعات فقلت ماعاد اكلم واقول بزوركم وعلى العموم انتظر ردورد اكثر

فيه عوايل من هالنوعية

فيه احتمالين:
إما انهم متضايقيم منك في شيء
مثلا لبسك عند ابو زوجك او اخوانه
عدم مساعدتك لهم بالبيت
ماتحترمين خصوصيتهم
انبساطية ببيتهم بزيادة

أو
نسميهم بالعامية عيونهم ضيقة
مايتحملون احد يزورهم

بهالحالة على رأي الأعضاء اللي قلبي
عودي خالتك على زيارة اسبوعية وتكون بوسط الاسبوع -بيوم محدد لك-ومو شرط تواجد البنات ومعك عزك قهوتك وحلاك
تتقهون ساعة وتمشون

كذا بتحترمين نفسك وتحافظين على كرامتك
وعلى فكرة هالنوع يتحرم جدا الشخص الخفيف وتزيد غلاته

ولاتهلكين نفسك معهم بالمواجيب
لاتعزمين بناتهم وتسوين حفلات وشغلات اكتفي بالواجب خالتك وبس

ومعليش يمكن انتي متعودة عند اهلك الوناسة وسعة الصدر بس أقلمي نفسك عليهم
ولاتقولي لزوجك شيء لأنه غالبا يكون طبع بالعائلة ككل

الله يسعدك ياعسل