انا شاب اعزب في سن الزواج و الحمدلله موظف وعندي القدره الماديه اني اتزوج من ثنتين مو وحده بس

لكن كل ما اشوف عيوب الزواج اهوّن و اقول وشي لي وللمشاكل والهم

وانا اشوف اخواني و اخواتي المتزوجين وحتى اللي حولي و اشوف مشاكلهم و ماعمري شفت احد مبسوط مع زوجته كله مشاكل و في احسن الاحوال تلقى الزوج و الزوجه متقبلين بعض بالغصب.


الزوجه اذا جاها العذر الشرعي ما ادري وش يصير بهرموناتها و يصير مزاجها متقلب و عصبيه و حاله يرثى لها يعني الرجل يحط بحسابه ربع حياته مع زوجته نكد من اولها ،واذا اخذت حبوب منع الحمل تصير عصبيه و مو طايقه احد و اذا حملت الله يعين تقعد تتوحم و تصير مشاكل و اذا كان حظك عاثر يمكن تتوحم فيك و تقوم تدخل معك في مشاكل ولا في احسن الاحوال تروح بيت اهلها و نفس الشي مع سالفة الهرمونات يعني اختصار الموضوع 9 شهور نكد و بعدها نفاس و بعدين تبي طلاعه و اذا ماجبت لها الله يعينك ولازم توديها و تجيبها للسوق و عند صديقتها و لازم تزور اهلها بين كل فتره و اذا رحت تسالك وين رايح و لازم تراضيها بمكالمه وانت برى ولا برساله جوال ولا تزعل وتشيل بخاطرها ولا تقولون بخيل او ماتبي تتحمل مسؤوليه لا والله بس انا قاعد احسبها و شايف ان العيشه كلها مسؤوليه و هم و مافي منها جزء حلو (إلا يمكن اول شهرين زواج قبل مايبان كل واحد على حقيقته)وطول حياتهم كل واحد يقعد يخطط على الثاني اللي يقول على زوجته باربيها (كانها عدوّه مو زوجه) و اللي تقول على زوجها بافلّسه حتى مايتزوج و هي تبرم بوزها وهو يعفس وجهه وفي احسن الاحوال يوم مبسوطين متصالحين و خمسه ايام متخاصمين و مايحتاج الواحد بس ياخذ لفه خمس دقايق في قسم المتزوجين و تنسد نفسه (الله يعينهم ولا يبلانا) وحتى المقبلين على الزواج ماسلموا من المشاكل اللي زوجته تقوله جبلي جوال واشترلي ما ادري وشو و عطني مصروف و الا اللي تبي المهر الفلاني و صار الزواج عباره عن شكليات و مفاخرات.

مرات اقول لنفسي يا ابن الحلال خلك زي ما انت عزوبي و مرتاح و مرات اقول اخاف العمر يروح و اتندم و في نفس الوقت الواحد وده يعف نفسه عن الحرام (الحمد لله ماعمري كلمت بنت و لا عمري سافرت برى المملكه) و مثل مانتم شايفين الفتن صارت في كل مكان

فقلت في نفسي اسال المتزوجين بالله عليكم وبصراحه وش الحلو بالزواج ؟

اسال الله التوفيق
وان شاء الله ماتندم

وكرر دائما

ربنا هب لنا من ازواجنا وذرياتنا قرة اعيناً واجعلنا للمتقين اماما

جزاك الله خير

====================
في العاده تلقى مواضيع محتواها يدل على حياه سعيده مثل "كيف استقبل زوجي من السفر" ولا وش اجيب له هديه وهالمواضيع موجوده لكن كل موضوع من هالمواضيع يقابله عشرين مشكله ! علشان كذا اقول كلها مشاكل ، واذا كان اللي قلته فوق مافيه حتى ريحة مشكله فالله يستر يعني البلاء اشد و اعظم

السبب يا أخي انه القسم هذا هو تجمع للناس اللي يعانون من مشاكل أكتر من الناس اللي ما عندهم مشاكل
لأن بطبعنا كمجتمع شرقي نخاف كثيراً من العين و الحسد لدرجة كبيرة
ولذلك
فإن السعيد في حياته الزوجية نادراً ما يكتب شي عن سعادته
بينما المتزوجين الذين يمرون بمشاكل يكتبون مشاكلهم لأنهم يثقون بأعضاء المنتدى و حلولهم و كذلك لتحاشي البوح بالاسرار الزوجية للأقارب و المعارف فالانترنت تتيح فرصة اقتراح حلول المشكلة من دون معرفة صاحب المشكلة
بالنهاية
المنتدى و قسم المتزوجين خصوصاً لا يمكن ان يكون معياراً لقياس مدى سعادة المتزوجين في المجتمع
بارك الله بكم و بثباتكم على طريق الهدى
حاول جاهداً الثبات على العفة و ان شعرت انك بحاجة للعاطفة ابحث عن الزوجة الصالحة و انضم لكتّاب هذا القسم و لكن بالمواضيع الايجابية ان شاء الله

__________________
.
.

استودعتك أهلي في سوريا يا من لا تضيع ودائعه

أمر شباب اليوم عجيب
حنا ماصدقنا هالايام المنتدى شبه خالي من المشاكل وخاصة الخيانة بانواعها
تجي تقول خذلك لفة
يعني اذا كنت مبسوطة باكتب موضوع مفيد
طيب اذا ماعندي شي اكتبه لازم اقول للناس ان ماعندي مشاكل؟؟؟!!!!
الحمد لله في مشاكل جتماعية ومشاكل اسرية ومشاكل صحية ومشاكل عامة
حبكت الا على المتزوجين يعني ولا شووو
يعني متخيلين انا الزواج نووووووووم بالعسل
الزواج حياة يشوبها كل مايشوب الحياة العادية
وترى كلللللل اللي كتبته
مافيه ولا ريحة مشكلة
هذي امور تصنف عندنا بالعادية
المشاكل تكون في قلة الاحترام او ترك الحقوق او الاهانة او الضرب
هذي المشاكل الحقيقية عندنا
تبي تتزوج وتنبسط افهم الحياة وطبيعة المراة
مثل اذا توظفت وتريد تنجح لازم تفهم رغبات الرئيس وطبيعة العمل
نجي على الحلو في الزواج
الاستقرااااااار النفسي- المودة-الاستقلالية-الذرية-الانس بالصاحب
وغير ذلك بحسب منظور كل شخص
وفقك الله

احلى ما في الزواج انه فطرة الله غرسها بالانسان

واللي فطرته مو عدلة هو اللي ما يبي يتزوج

اسال المتزوجين كلهم في واحد متزوج وما يبي عيال؟؟

مستحيل

الابناء والزواج وحياة الاستقرار كلها فطرة من رب العالمين

ومثل ما قالت اختي ام داليا حتى الشغل في مشاكل هل معنى هذا ان كل واحد يقعد في بيته ولا يشتغل تجبنا للمشاكل

وانا اختي اللي ما ذاق العسل ما يعرف حلاوته

__________________
لا اله الا انت سبحانك اني كنت من الظالمين

همممممم أنا مو متزوجة بس باقول رأيي

أحلى مافي الزواج: الاستقرار النفسي و العاطفي

وصاحبة تحبها وتحبك.... تحن عليها وتحن عليك..... تخاف عليها وتخاف عليك...... تدللها وتدللـك.... تطلب رضاها وتطلب رضاك.....

اما المشاكل فعادي حتى وانت عزوبي عندك مشاكل ... يعني انت ماعندك ولامشكلة الحين؟ اكيد فيه ...

بس الزواج والله حلو ومهم

الله يوفقنا بازواج حنوووووووووووونين ومتفاهمين ياااااااااااااااارب العالمين

بصراحه ردك عجبنى جدااااا دا راي برضوووا

استقرار نفسي وعاطفي بس اهم شي يكون يفهم طبيعه زوجتو

وفعلا المشاكل ورانا ورانا اهم شي التفاهم الله يرزقنى ويرزق كل بنات المنتدى اتزوج مادام تقدر واختار زوجه صالحه مناسبه لك

__________________
ياررب ارح قلبي وعوضني خير

بنت مكة قولي آميييييييييييييييييين ..

انا وانتي نعرس الشهر الجاااااااااااي :14::14:

بس اعزميني

__________________
اللهم هب لي من لدنك زوجاً تقياً حنوووووووووووووناً وسيما واجعله قرة عينٍ لي واجعلني قرة عين له قولوا آمييييييييييييين

اميييييييين يارب انتى اول واحده ابشري

__________________
ياررب ارح قلبي وعوضني خير