طلاقي سبب نجاحي - منتدى عالم الأسرة والمجتمع

09-12-2009, 07:15 AM

أم داليا

كبار شخصيات المنتدى

تاريخ التسجيل: Jan 2006

المشاركات: 2,782

طلاقي سبب نجاحي

كيفكم ان شاء الله تمام,,
حبيت اكتب من اللي اشوفه وعشته>> اخلصي فهمنا

بصراحه استوقفني حال الكثيرات من جنسي انها لما تطلق تكره الرجال

ويضيق صدرها وتحس ان الحياة واقفه على رجال واحد وانها ماهي لاقيه احد تعيش وياه..

معليش ابيكم تسمحون لي بهذي الكلمه الانثى الغبيه اللي ماتفهم هي اللي توقف حياتها

من اجل رجل فيه الف واحد احسن منه بس من يفهمها..

بناااات نحن من نفرض انفسنا ونجعل الكل يعجب فينا وليس المجتمع من يفرضنا

الطلاق قد يكون هو بدايه نجاحك وسعادتك اجعليها نقطه ايجابيه في حياتك

وليست سلبيه وابدي حياة جديده مليئه بالحب والروعه جنني نفسك وونسيها يتونس اللي

حولك وسوي ديليت لطيليقك من مخك شيليه بدون رجعه لاتفكرين فيه

لانه بصراحه رجال هنت عليه ودخل المحكمه وطلقني يهون علي زي ماهنت عليه

اجعلي الطلاق سر نجاحك اجعليه يكون سبب تفوقك

طوري من نفسك وشخصيتك اهتمي بلوك حقك خليك مبتسمه

ارفعي راسك انتي مااجرمتي تزوجتي بالحلال وتطلقتي بالحلال ماسويتي شي حرام

لاتلتفتين للطبقه الجاهله من المجتمع ...

اذكر موقف المني اول ماتطلقت ولكني يوم قلبته براسي اخذته شي بصالحي وعجبني ههههه

بالفصل الاول كنت افطر انا وحده من خوياتي وحسيت بفمها حكي قلت لها وش فيك

قالت ودي اقولك شي بس اخاف اجرحك قلت لها قولي عادي

قالت تدرين البنات وش يسمونك قلت وش يسمونني قالت يسمونك سندرلا المطلقه

بدايه الامر حسيت راسي يدور بعدين ضحكت وقلت لها قولي لهم تقول دورو جزمتي وعطوها الامير

خخخخخخخ قلبتها عليهم ماعندي وقت

اللي ابي اوصله خلي اي شي يوصلك تحسين انه ممكن يضايقك اقلبيه لصالحك

ولا تهتمين لاحد خلي همك نفسك وبس اهتمي بنفسيتك لاتعجزين قبل يومك هههههه>> مسختيها بالضحك برآآآ

لاتقولين اذا خطبك شاب لم يسبق له الزواج مابيه بيعايرني لالالالالا

صدقيني مااقبل وخطبك الا لانه شاريك ويبيك الطلاق مايعيب نحن من نعيب انفسنا

ماراح يعايرك الا لو انتي خليتي له طريق للعيار حتى ولو كنتي بكر..

بالنهايه ..

اتمنى ان تتقبلو موضوعي بصدر رحب وتعذروني على الاخطاء والتقصير...

تحياتي,.,

وتروه منقول لعيونكم

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 07:30 PM.

روابط سريعه