انا كتبت موضوع والحين ما لقيته وكان بعنوان والدة خطيبي فرقت بينناانا على هذا الرابط

والدة خطيبي فرقت بيننا وهو يريدني ..

ما قدرت انسى خطيبي الاول ورفضت ابن عمي على امل ان مشكلتنا تنحل الولد يبيني بس امه مو راضيه وخالته تقول كلمها مرتين بعدين المشكلة ومارضيت وتقول هو يبيك وشاريك بس مايقدر يسوي اي شي من دون امه يبي طريقه يقنعهاخالته قالت مالها دخل في الموضوع عشان ماتسير مشاكل انا اموت باليوم الف موته والله ساعات ابكي الى درجة الانهيار دراستي صعبة ومحتاجة اركز فيها وهالموضوع اثر على مستواي لدرجة فكرت اتركها (عمري 25وكملت دراسات عليا )الله يوفقكم اكتب لكم وانا منهارة ساعدوني كيف الطريقة الي يقنع فيها امه انا تعبت لي شهرين وانا انتظر وماصار شي نفسيتي تعبانه صرت انسانة شبه منعزلة والله موعارفة اعبر من حرقة قلبي ساعدوني وادعولي اتمنى تردو علي لاني اعتبركم اخوات (اسفة دمعتي خنقتني موقادرة اكمل)هذي قصتي ساعدوني

شكرا يا خوي لانك اهتميت بموضوعي وسالت .ام فلان خطبتني لولدها مرتين المرة الاولى كانت في شهر 3 الماضي وانا فكرت واستخرت ووافقت بس اهلي ماردوا للناس خبر والله العظيم بسبب ظروف لله الحمد تهد جبال وفي شهر 8 امه اتصلت للمرة الثانية وانا حسيت انهم شاريني بما انها اتصلت مرة ثانية قلت لامي موافقة وايضا والله العظيم كانت عندنا ظروف قالت امي يفرجها ربي ونرد خبر وفي شهر 10 اتصلت امي عليهم عشان ترد خبر بالموافقة وكان الاتصال كالتالي امي السلام عليكم كيفكم كل عام وانتم بخير يا ام فلان كانت عندي ظروف اخرتني عن الرد وامي ماكملت كلامها ام الولد بعد السلام وكيف الحال يا ام فلانة احنا مرتبطين مع ناس الخبر جا على مسمعي زي المصيبة بعد ما وافقت واقتنعت وبعد الاتصال بالسهل تقول كذا يا ناس انا انسانة لي احاسيس ومشاعر والولد يبيني وهالشي عرفته عن طريق خالته بس امه معندة وتقول خلاص الموضوع انتهى ووصلني الخبر من خالته انه كلم امه مرتين عشان هالمشكلة تنحل واناوهو مالنا ذنب نخسر بعض بس هي جاوبته بالرفض احيان اتمنى الموت ولا عاد افكر بهالموضوع تعبت من انتظار شي شبه مستحيل وعجزت انساه حياتي تغيرت بسبب هالموضوع ساعدوني

السلام عليكم
اختي نريد توضيح اكثر منك حتى نستطيع نصحك ومساعدتك
اولا انت تقولين خطيبي الاول يعني انت كنت مخطوبه السؤال الان هل تم فسخ الخطبه وما هو السبب؟؟؟
ثانيا انت تقولين "على امل مشكلتنا تنحل " ما هي هذه المشكله؟؟؟ ومع من هذه المشكله بالتحديد؟؟؟
ساعدينا حتى نقدر نساعدك ادعو الله ان يفرج همك ويبعد عنك الهم والحزن ان شاء الله ....

اخوكم "شمعه تحترق" سابقا

عزيزتي

والدة ( اللي مو خطيبك) مافرقت بينكم

يابنت الحلال صيغي المشكله صح الله يهديك.. للنقل امانه

الآدميه ماسوت شي غلط

تقدمت لكم وماطلتم في الرد .. كم شهر؟ خمسه شهور

ثم تقدمت مره ثانيه وعمري بحياتي ماقد سمعت عن حرمه تتقدم لنفس البنت وهي ماردت عليها من كم شهر!!!!

ومع ذلك برضو امك ماردت عليها.. كمان شهرين !!!!!!!!!!!!!!!!!! وتبونها برضو تنتظر لمتى؟

مجموع مدة الانتظار سبعه شهور في ذمتك هذي وين صارت؟ والله انها انسانه ولا اطيب منها والا غيرها والله مايسويها


كان الاولى من امك الله يهديها ترد عليهم وتقول موافقين وحياكم الله ولكن عطونا مهله نعدل شوية ظروف

والا احنا موافقين وتم

ام الولد انا ما الومها ومو حلوه بحقها ابدا انها تتقدم كمان مره ثالثه وهي انزرعت مرتين تنتظر رد منكم


العنوان الافضل لموضوعك ... امي اخطأت كيف نحل الموضوع مو ام خطيبي فرقت بينا ... الله يصلحك



وبعدين هو خطب خلاص ...يعني الله يعوض عليكم بأحسن من بعض ولا تدرين وين الخيره

لكن الاهم ان امك تتعلم ماعاد تخلي احد ينتظر ( شهووووووووووووووووووووووووووووووور )

(مشكلتي اصدق)مشكورة عالرداذا امي تاخرت بسبب ظروف المفروض من امه عالاقل تسمع امي مو تقطع كلامها وبالاخير انا الي رحت فيها لكن الله ييسر وتنحل هالمشكلة

حبيبتي قلبي انكسر

اولا سلامة قلبك من الانكسار

ثانيا يا غالية

خلك مؤمنة ايمان تاااام بأن الزواج قسمه ونصيب

استخيري كثيرا وثقي بان ما يكتبه الله لك هو الخير


لعل في زواجك من هذا الرجل بالذات ما يضرك فصرفه الله عنك

كوني مؤمنة وسيرتاح بالك


ولو ربي كاتبه لك .. سيعود وستتزوجينه ولو كنتي في الصين

__________________

تخيلي انك طالبه من شخص طلب وراح زرعك شهور في شهور في شهوووووووووووووووووووووووووووووووور


لسا حتسمعينه؟


ما اعتقد

اختي امك هي الي غلطت وحدة مكان ام خطيبك الي يبي يدتقدم

ما فكرت اصلا مجرد تفكير تكلم ثاني مرة

الغلط كلة عليكم

لا تلومنهم وتصرفهم كان صح

ويش تبينهم يسون يعني تجي تبوس رجلك وتتوسل

ولا ايش وانمتوا حتي مكالمة ما رديتوهم ويش هالظروف الي تلطع الناس

كل هالوقت ما اتوقع ان اي ضرف في العالم بيمنع مجرد الرد ورفع السماعة

لا تحطين علي الحرمة حرام عليكي

والله يوفقك ويكتبلك الي في الخير

__________________

شكرا لكل الي ردوا علي اخواتي اخواني الباقين وينكم ردو لو بدعوة جزاكم الله خير

الله يحنن قلبها عليكم ويجمعكم تحت سقف بيت واحد عاجل غير أجل

آمييييييييييين يارب العالمين

__________________
اللهم ان كان خيراً فجعله من نصيبي .. وإن كان شراً فجعل فيه الخير وأجعله من نصيبي

احلامي بسيطة الله يسمع منك يا قلبي ويسعدك دنيا واخرة انت وكل الي تفاعلو معي وانتظر من الباقين ردود