السلام عليكم ورحمة الله وبركاته
اليوم جايبتلكم مشكلة جديدة وبدي تقولولي شواعمل
انا متزوجة من اربع سنين وعندي ولدييين
وعايشين انا وزوجي بالسعودية
والله طول فترة زواجنا ما صار مشكلة بيني وبين زوجي
كانت تصير مشاكل وتنتهي بيومها ونحنا نموت ع بعض
دخل بالمشكله انه زوجي الحمدلله وضعه المادي مرتاح جدا بشغلة
والحمدلله يعني من سنتين فقط وهو بطبعه حنون جدا وطيب لدرجة لا توصف
المشكلة بدأت لما كنا الصيف الماضي ناويين ننشتري بيت النا ببلدنا
بس للأسف الموضوع تفركش وضل المبلغ بحساب اخوه لانه كان عامله وكاله ليشتري البيت
وبعد فترة عرفنا من الناس انه اخوه متصرف بالمبلع كله واشترى سيارة لحسابه
من غير ما يخبر زوجي او يستأذنه
زوجي لما عرف زعل شوي وبعدين صار يقول هاد اخوي ومش غلط اني اساعده انا زعلت كتييير
انه حقنا ياخدوه بهالسهوله وما رجعوه لحد الان
صار يقولي زوجي هدول اخواني ومالك دخل بينا
فتمشكلت وقلتله احنا مو متغربين حتى ياخدوهن وبعدين نصير نطالب بحقنا
لكن لا حياة لمن تنادي سكتت ورجعنا
وبعد فترة يعني من شهر اجا اخوه التاني عقد عمل عنا بوضع احسن من زوجي
وجاب عيلته معه بس للأسف هاد اخوه مهندس وكل راتبه رايح للهوى وفوق هاد عليه ديون بلاوي
اجا عنا وطلب من زوجي انه يدفعله حق تكت الطيران له ولعيلتله وقال يرجعله اياهن بعدين
مع انه الشركه بتأمنه بالتكتات وراح زوجي ودفعله
انا عرفت ورجعت صارت مشكلة بينا ليش بتعمل هيك والكارثة انهم اخوانه ما بيرجعوا شي والله وما بيحترمونا
متل مرته اللي دايما ع افخم الماركات وتضل ترمي حكي انها شي كبير علينا
مع انه كله اللي بتعمله وبتشتريه كله بالدين
ومن اسبوع اخوة نفسه المهندس راح اشترى سيارة فخمة
على حساب زوجي يعني اللي ضل مع زوجي اخدهم واشترى السيارة فيهم قال مشان ما يحط ع حاله قرظ للبنك
وبعدين بيرجعهن لزوجي
وانا هون طار عقلي انه احنا شو دخلنا يا ربي احنا متغربين مشان نأمن اولادنا ولا مشان نعطيهم لاخوانك
وانا طول الفترة اللي مضت كنت اوفر مع زوجي مشان نعمل شي وبكل سهوله اجو واخدوهن
وزوجي متنح انه انا غلطانه وانه هو صح وبيساعد اخوانه ومبسوط ع حاله
مع انهم والله بياخدو رواتب اعلى من زوجي
هن مبسوطين ع زوجي لانه بيعطهم وما بيعترض
وانا هلأ قولتله اني رح اترك البلد وارجع لعند اهلي
لحد ما يصحى انه عنده اولاد ولازم يأمنهم بشي
وانه مش متغربين مشان اخوانه يتفشخروا بالسيارات واللبس وكل شي ع حسابنا
ولسه غير اللي بيبعته هيك كل فترة وفترة الهم
والله صارلنا فترة انا زوجي مش طايقين بعض ع الاخر بسببهم
ولما شاف انه بدي احجز وارجع لاهلي صار يترجى في
انه لا اتركه لانه ما بيعرف يعيش من غيرنا وانه بدو يشترلنا بيت ع الصيف الجاي
وبرضوا
وكل ما افتح السيرة معه انه ليش بتعطيهم بنرجع نطاوش ويقولي هدول اخواني ولازم اساعدهم
وهو مقتنع بهالشي
وانا حلفت اني مار ح اوفر معاه شي يعني رح اصير اصرف كل الفلوس اللي معنا يعني مبذره لانه ما فايده من التوفير
والله طفشت احكولي شو اعمل اهلي بيقوليلي انه معاك حق
بس لا تخربي بيتك بسببهم
وانا خايفة انه نضل ع طول بنفس الوضع
والله مقهورة
احكولي شو رأيكم ضرووري والله رح اموت لانه اول مرة يصير مشاكل بيرة بيني وبين زوجي
والوضع مكهرب ع الاخر
الله يخليكم ساعدوني وطمنوني انه في امل انه يصحى زوجي