السلام عليكم و رحمة الله وبركاته


احتاج مشورتكم بموضوع يخص ابني

ابني الله يحميه يا رب عمره سنتين و 9 شهور الان .

لما كان عمره سنتين انا كنت في الشهر التاسع و بوقت الولادة سجلته بحضانة للاطفال قريبة للبيت .. و كان يروح 4 ساعات فقط .

و استمر 4 شهور لكن مو متواصلة يعني 3 ايام بالاسبوع و بساعات معينة لاني بس كنت بدي يختلط مع الاطفال .. في الوقت اللي انا ممكن اشتغل فيه بالبيت و ادبر اموري مع الصغيرة .

لاحظت انه مرضه كان مستمر الرشح و الزكام و من ذلك .. و غير هيك كمان ضعف كتير .. و لاحظت مرتين اثر ل ( عضة ) بايده و بتعرفوا الاطفال كيف ممكن واحد فيهم يضرب الثاني ..

من وقتها ما رجعته الحضانة و خليته بالبيت بس اتفاجات من اسبوع اني مريت من جنب الحضانة بالصدفة فقرب مني و قالي ما بدي ( هو بداية كلامه الله يحميه ) قلتله ليش؟؟ بتروح تلعب و تنبسط قالي ( اضرب ) و انا متاكدة انه قصده الاولاد الل معاه


السؤال هل ممكن ابني يكون تعقد من دخول الروضة مع اني مو ناوية الا على 4 سنوات ان شاء الله يكون كبر و فهم . و الا برايكم يكون نسي الموضوع و يلتهي باللعب ؟؟؟

انا حاسة بالذنب

لكن ابني اجتماعي جدا يعني اذا رحت مكان فيه اطفال يتركني و ما اشوفه يروح يلعب معهم و ينبسط جدا

__________________
باحثة عن الحق