مشاكلي مع والدي ومع نفسي - منتدى عالم الأسرة والمجتمع

08-01-2010, 08:30 PM

شرقاويه عسوله

عضو جديد

تاريخ التسجيل: Jan 2010

المشاركات: 3

مشاكلي مع والدي ومع نفسي

السلام عليكم
كيف حالكم بداية انا كنت من زمان اقرى مواضيعكم سواء كانت زوجيه اواهليه اواي شي
كنت متردده لكن ماخاب من استشار
بسم الله الرحمن الرحيم>>>

شمرت اليدين
قصتي يامحفوظين السلامه يمكن بتشتكم لكن هي محاورها الاساسيه
1-مشكلتي مع نفسي
2-مشكلة ابوي معانا
عموما مالكم بالطويله
انا من يومي صغيره وانا شيطانه

واهبل بالناس وكنت معروفه اني تهاوش واطول لساني للاسف هالصفات ظلت فيني ولو جزء بسيط
ابوي كان شديد علينا كلنا بس كان يشتغل بشركة بترول ارامكو بس دوامه شفتات مانشووفه الانادرا
بس والله العظيم وادري انك بتلوموني بس ماقدر اكرهه من يومي صغيره اكره ريحته كلامه مشيه سوالفه ضحكه المجلس الي يجلس فيه اقووم منه ماحببببببه ماعمري تقبلته ابدا هوكان يضرببني يومي صغيره حتى لمن صارعمري 15 ااو16 وانتوا تعرفون الطفل يركز بباله هالشخص مش مصدر امان
كبرنا وكبرت همومنا =الله يسعدنا والمسلمين اجمعين
اقلها من اسبوعين البنات يتمنون ازواجهم يصيرون مثل ابهاتهم وانا وش اتمنى خلف الله علي اصلا اسم الله علي يجني واحد مثله

تزوجت اختي وتزوج اخوي بعدها بسنوات
ماتذكرشي يمكن لاني صغيره ماتذكر مشاكل ابوي وامي بس كانت اتذكر انه يهاوشها على ادنى شي وكانه كامل وامي الناقصه
تقاعد وامي تقاعدت ينقال تفرغوا لنا امي والله ياحبني لها مع انها دايم تحطمني بس طيبه وبسرعه تسامح وقلبها ابيض
بعكسه هو يييييييييييييييييييييييييييييييمه وربي مابالغ وش اوصف لكم قلبه قاسي صخر صخر قسم بالله ماقد يوم خذنا اوضمنا اوقالنا كلام حلووو حتى لمن يتكلم عن الناس يتكلم عنهم بالفاظ مستحيل صراحه تطلع من اب قدوه مفروض لنا مع انه يسوي نفسه مطوع وهو رب الكعبه مايمت للدين بصله بتصرفاته وهمجيته وقسوته مع انه مايضرب امي بس يذيها نفسيا وهذا بذاته يدمر اكثر من الضرب

اجل ياجماعة الخير اخوي تزوج وبعد سنه سافر لحاله يكمل ماستر وهو برا زوجته صارت مريضه بالنهاية اكتشفوا فيها الخبيث وهي توها صغيره عموما الحمدلله على كل حال تخيلوا اخوي والله العظيم ماطلب منه فلووس لانه يدري بيقوله لاتجي ولالا اصدقاائه الي هناك تقاطو بتذكرة سفره وجا يوم جا يقوله خلاص انت رح كمل دراستك وابوها وامها يتكفلون بعلاجهاااااااااا ؟>>>هذا بالله رد وين الكلمه الطيبه وين رح يولدي وانا اتكفل بعلاجها مع العلم انه موب ناقصه شي والله العالم كم يملك من الفلوس في البنوك
لانه ايش مايصرف علينا امي لانها معلمه ومتقاعده تصرف علينا قبل كم سنه سوو امشكلة كبييييييره وباع عمارة امي الي بالاسم بس لها ماعمره عطاها اجارتها وقط عليها كم مية الف ببعدانا خيرها بينه وبين العماره مع العلم ان امي ماتبيه ولاهي طايقته بس صابره عشانا ورضت بيعتها وهي تحسب عليه

تخيلوا ياجماعة الخير وربي شاهد علي ماكذب ولابالغ احنا عياله احسن ناس بالعايله الحمدلله ربي موفقنا بدراستنا ونطلع الاوائل والحمدلله ناس يشهدلنا باخلاقنا واخواني في وظايف مرموقه
ومع ذلك موب عاجبه واحنا اسوء الاولاد والبنات في نظره وهوماهوب راضي علينا واحنا فينا ومافينا وحنا تربية امنااا يكفيني فخراذا تربيه امي وقدرنا نوصل للي نوصل عليه بعد توفيق ربي
من يتمنى يشووف عياله كذا ومايفرح؟؟؟؟ قسم بالله انه مايفرح ولايفخر فينا بس اسم كذا عيال حرام يتزوج ويظلم مره ويظلم عيال حرااااااااااااااااااااام

اجل لمشكلتي مع نفسي
انا والله العظيم تعبت كثثثثثثثثثثير من نفسي ومن تحطيم امي لي
انا الحين باول جامعه اختي لمن كانت بهالسن متزوجه بس ليش لانها بيضا وانا سمرا هذا بنظرها
انا موشينه والله العظيم اني مقتنعه بنفسي واشووف نفسي مو جميله بس راضيه اتم الرضى على نفسي لكن هي لاوالف لاااا دايم تلمح حتى لوموقصدها بس انا افهمها
هذا فلانه انخطبت وهذا وهذا بتقولون اني صغيره بقولكم بنات عيالتنا هالسن يكونون متزوجات مع انه بنت خالتي كبري ولاتزوجت بس مره انخطبت وهذا بنظر امي شي عظيم
دايم تجيبلي اشياء تفتح بشره ودايم ودايم قسم بالله يوم اني باول ثانوي جلست اصيح صياح مش طبيعي
حنا عندنا وراثه بعايله ابووي تطلع اصابيع رجل من الرجلين طول بعض الاخيرين انا مورجل لا الرجلين كلهم
ودتني مستشفى عساس ايش تسووويلي عميله اواي صرفه
كرهتني بنفسي والله احيانا احتقرنفسي ثقتي شبه معدومه بنفسي بس مومعنا هذااني انطوائيه اواني حزينه لا بالعكس وسيعة صدر واضحك واسولف مع الناس وان كانت على قولتهم هم مغرروه
<<<يارب اجعلني باعين الناس كبيره وبعيني صغيره
من اقولها امي نبي نطلع نبي نسافر نبي نروح نبي نجي ترد علي لالالالا لاجا رجلك ولاتزوجتي هويوديك يطلعك يسفرك كيفك معه
وشهالرجال الي بيجيه مشفوحه وابي كل شي يسوويه وهو ياحظي كم راتبه بيصير من زين الرواتب<<الله يرحم الحال بس

وانا عصبييييييييييييييييييييه ماتحمل يقولني كلمه ونا مو من النوعيه الي اطبخ ماطبخ الا اذا قيل لي واشياء يسطيه بعد حلا شي سندويشات خفايف بس من ويييين لوووين
عاد اخذيلك انتي ولد انتي انتي انتي بلا من رب العالمين علي
ولمن اطول لساني انتي قلليه حيا انتي وانتي ماعرفت اربيك
وانا على طول اجلس اصيح واقولها كان موتنيني انتي اصلا ماتحبين الله ياخذني واموت واهلك من ذا العيشه الي ماقدشفت فيها شي عدل
وهي بعدين تتحسف وانا اتحسف
بس الزبده من سالفتي ماقولكم مابي اعرس ابي اعرس بس جد عشان على قولتتها طلعه وسفريات هههه لاني مو وجه مسؤليه لان على قولتها لوخذاني واحد بيرجعني وبيقولي مالت عليك وعلى امن ربتك

شسوي اذا مالي خلق طبخ اغصب نفسي ماحب وربي ماحب
جد اغلب يومي كليه نت نووم اكل من المطاعم
وانا من النوع الي يهتم بدراستي فاجي تعبانه ابي انام ابي اربح عن نفسي مابي اطبخ معني والله اساعدها يعني احشي لها اواحط بدالها الغدا اوالعشا (انشب عنها)
ومع ذلك مايبين في عينها اخرها اليوم وقبل كمن اسبوع لمن استلمت اول مكافاءه عشتيهم على حسابي اليوم الي بعده انتي فيك وانتي مافيييييك
حياااااااااااااااه تجيب المرض والهم؟؟؟ الله يكون بالعون بس
.................................................. .........................
حبيتت افضفض لان مهما صار صديقتي بيوم من الايام لو فضفضت لها بتقلل من مستواي اوعيشيتي وانا ماحبب اقلل من شخصي
اتمنى اتمنى انكم تشووفون لي حل واذا مافهمتوا شي قولوا لي وافهمكم لاني سردت سردا بدون ماوضح التفااصيل

<<<<تكفين لاعاد توصفين

التعديل الأخير تم بواسطة وردة بين الثلوج ; 09-01-2010 الساعة 09:55 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه