السلام عليكم

شحالكم ..؟

عندي مشكلة و ابي رايكم فيهاااااااااااا ..

مشكلتي تعرفت على واحد قبل سنة .. وهو كان يحبني بشكل مو طبيعي انا كنت متقبلته عادي و قلت

مع الايام اكيد راح احبه لان مثل ما يقولون الحب اوقات يجي بعد الزواج وانا احب ان يكون حبيبي هو نفسه

زوجي .. المهم تقدم لي و جاب لي فلوس التجهيزات .. قبلها بليلة تغيرت فجأه معاملتي له صرت ما احب

حتى اسمع صوته في التلفون احس اني راح استفرغ !! و رفضته و ما عدت احب اسمع اسمه و طاريه

و كانت امي تضغط علي حييييييييل عشان ارجع له بس ماكو مني فايده كل ما اسمع اصرار امي ازيد

باصراري على رأيي و صار له سنة مايقدر يقتنع بأي وحده دايم يقول حق امي مو لاقي نفس مواصفاتي

في اي بنت يتمناها .. و يوم امي فقدت الأمل و قالت له انا بخطبلك ..!! ما رضى

دريت من فترة ان متعرف على وحده و بيتقدم لها حق الزواج .. مادري ليش انقهرت و ظليت افكر فيه !

و سافرت لمدة اسبوعين و قلت رجعتي من السفر بكلمه .. الا يوم رجعت اكتشفت توه عقد !!!!


المهم قلت خلاص الله يوفقه و ما راح اكلمه .. فجأة اشوف مسج فاضي في موبايلي طرشت مسج

اسأل منو المرسل الا طلع هو !! و نطرت يومين و ما قدرت ابي اقول الي في خاطري هههههههههههه

قلت له انا نطرت ارجع من السفر و اكلمك في موضوعنا سابقا بس اكتشفت انك عقدت وكل شي في

هالدنيا قسمة و نصيب الا يقول لي أبي اكلمج و بتصل اسمعيني بس اتصل و قعد يبكي في التلفون يقول

ليش تركتيني و ليش جايه تقولين هالكلام الحين بعد ما فات الاواان ؟؟

و صارت معاملته ويا خطيبته الجديدة جافه و ماله خلقها .. ظلت بيننا مسجات يشهد الله انها رسمية

يقول لي انا كنت يأست منج قلت له شنو تبي مني المفروض انت ترجع تتقدم من جديد مو تقعد تنتظر

رد غير مباشر من امي !!!!

المهم للحين احنا مسجات و هو محتار بين الي ماخذها وبيني انا ..

مادري انا احبه ولا لا يمكن يقولون الشيء ما تحس بقيمته الا لين فقدته .. وانا هالشي صاير لي ؟؟


يقول لي ماقدر اكسر بخاطر خطيبته الجديدة لان مالها ذنب بس هو محتار وما يدري شيسوي ؟؟؟


قولي لي رايكم و شنو لازم اسوي


اشكركم

واسفه تعبتكم

نسيت اقول لكم اني قبل ما ارفضه بيوم واحد .. وحده طرشت له مسج وقالت له هالشي مستحيل اخليه يصير

يقول من مصادر موثوقه هو يعرفها ان هي سوت لي سحر .. و بعدها انا رفضته على طول !! ..

مدري شقولك !


مصدومه من تصرفك اللامسؤول والغير ناضج


اتركيه ولا عاد تكلمينه


لا الشرع ولا الاخلاق ولا العرف يسمح لك ولا يعطيك الحق باللي تسويه


خل الرجال يشوف حياته بعد ما يأس منك


الحين حلى بعينك ؟

__________________

مادري والله ياخوي ..شسوي بعد

انا اختك ..

اللي تسوينه انك تتركينه

بكل بساطة

وربي يعوضك بالأخير منه باذن الله

__________________

المشكلة ماقدر اتركه .. كل ما اتركه اشوف يرجع يطرش لي ..؟ وترجع السالفة من اول و جديد ...

اتركييييييييييية ليش الحين تجري وراة ويش ذنب خطيبتة

اكيد بعد ما يتركها بتغيريي رايك وتقولي نفس الكلام بالاول


الله يكتبلك الي فية الخير والنصيب الاحسن الي تتمنية

__________________

غيري رقمك ووصي والدتك لا ترد عليه خلاص


محتاجة جهاد مع نفسك يا أختي حتى تتغلبي على الهوى

اجعلي قلبك متعلق بالله سبحانه وتعالى



يقول تعالى: (وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى فَإِنَّ الْجَنَّةَ هِيَ الْمَأْوَى)


الرجل محرم عليك .. واذا كان هو ضعيف كوني انت الأقوى

واقطعي الاتصالات تماما بينك وبينه

__________________

السلام عليكم
سبحان الله اللي يصير عادة ان الشاب ممكن هو اللي يلعب بعواطف البنت ويتعرف على اكثر من وحده ، بس انت اللي تلاعبتي بعواطف هذا الرجال يعني انتي رفضتيه ولما الرجال شاف بنت غيرك انتي زعلتي وضايقتي طيب ايش اللي تريدينه؟؟!! "بنات الناس مو لعبه وكمان عواطف الرجال مو لعبه" ، الرجال كان شاريكي ورايدك وانتي اللي رفضتيه ، الحين اتركي الرجال بحاله ولا تشتتي تفكيره حرام شرعا اتصالك به حتى لو مسجات حرام ، مثل ماقالت الاخت بكر الشايب غيري رقم تلفونك ووصي امك ما ترد عليه وما تعطيه مجال ، لا حول ولا قوة الا بالله ......

تصرفك خطأ
بعد ما تم كل شي صرتي ما تتقبليه وبارادتك رفضتيه
طبيعي يروح ويخطب ويتزوج اجل تبينه يجلس بدون زواج عشانك!!

وأخطأتي مرة ثانية لما جيتي تفصحين له عن مشاعرك وهو خلاص عقد على غيرك

اطلعي من حياته لا تخربينها له وربي بيعوضك
ماهو نصيبك .. ويمكن ربي رده عنك لانكم مو حق بعض

__________________
يارب لِذْتُ ببابك راجية عفوك ورحمتك,خذ بيدي إلى ما أصبو إليه وإرحمني برحمتك التي وسعت كل شيء,اللهم ارزقني زوجاً ولا تذرني فرداً وأنت خيرالوارثين ..اللهم اغفر لمن دعا لي

مشكورين اخواتي جزاكم الله خيرا .. وان شاء الله اعمل بنصيحتكم ..

مع محبتي