السلام عليكم ورحمة الله وبركاته

نبتدي العمل بشوق كبير وبهمة أكبر ولكن ما أن نبدأ نتعرف على أجواء العمل وما يتخللها من مشاكل وغلطات حتى يبدء الضيق يأتينا.

أخبروني في العمل قبل أيام أنني رشحت لدورة خارج البلد فرحت الكثير وكنت أنتظر من زمان مثل هذي الدورات لأنها راح تساعدني كثير في عملي.

أخبرت أخي كونه ولي أمري وشجعني عليها وقال أنه راح يسافر معي كمحرم بدات أملأ الاستمارات وعمل الازم وكنت طول الوقت فرحه وأستعد من كل الجهات، بقى فقط الفحوصات الطبية وهي أمرها سهل ما تاخذ إلا يوم واحد فقط.

أمس قبل نهاية الدوام أتصلوا فيني أنهم قد رشحوا شخص آخر لدورة:::::::: طيب وأنا قالوا إن شاء الله المرة الجاية

ما اوصف لكم حالتي...........

سبحان الله الموضوع وما فيه كله واسطه في واسطه ضاق صدري وحسيت بالظلم والاهانه

صار لي ايام وأنا خلاص مستعده والحين يختارون غيري وأخي قدم طلب إجازة عشان يجي معي

حاسة بالخجل من أخوي ومن زميلاتي ومن نفسي تفشلت فشله كبيرة

الله يسامحهم يظلموا وما يحسوا بالمظلوم

اللي مريحني أن قبل لا أوافق كنت مستخيره ربي والحين أقول وأردد دائما في نفسي عساها خيره من رب العالمين عساها خيره من رب العالمين

لكن بصراحه في قلبي كبته وضيقه وحاسه بالظلم