السلام عليكم ورحمة الله وبركاته ..
سوف أطلق العنان لنفسي حتى تكتب كل ماأعاني فيه لأني تعبت تـــــــــــــــعبت والله المعين ..
أنا مارتبت كلامي قبل أن أكتبه هنا ..فالسموحة ..
الموضوع أو المشكلة اللى أعاني منها الوحدة الفراغ و احتياجاتي المفقودة في زمن الماديات والروتين ..
لو أبتدي من الطفولة كنت أعاني ولا كأني طفلة تعيش الحياة ببراءة ، لكن مافائدة من العودة للماضي فأنا أكبر وأنضج بمعاناتي والحمد الله على كل حال ..
لاأعلم ساعات أقول ليش ربي جعل لكل شخص فينا أم وأب ما الفائدة من تواجدهم هل هي فقط المادة لكن بدون مشاعر أو اهتمام بدون النظر وإرواء احتيجاته الأساسية دون الكماليات؟؟ !!...
أفتقد التواصل الجسدي من الصغر " لدرجة أني أقول من جدك ياشيماء الحضن والتطبيب والقرب الجسدي مهم بالنسبة لك أو أنه حاجة طبيعية عند كل البشر " أفتقد الإهتمام أفتقد السؤال عن الأحوال ماأحصل بس حتى من يقولي كيف حالك أو أيش سويتي اليوم؟ كذا من نفسه بدون ما أنا اللى أكون مبتدية السؤال أو حتى الإتصال ...
أنا كل يوم اتصل على ماما تقولي ايش تبغي أقولها؟ "لازم هذا السؤال لأن لازم أبغى حاجة ،فلوس علشان أتصل" ..
وإذا مر كل يوم ما اتصلت ماترجع تتصل وتسأل عن السبب عادي حتى لو كنت مريضة أو تعبانة نفسية من ضغوط الحياة..
هي بس تتصل إذا تبغى حاجة ..
تخيلوا مره حصلت مشكلة كبيرة عند أهلنا في اليوم تتصل على أكثر والله ماتتخيلوا جاء على بالي وقلت ياريت يكون عندهم مشاكل دائما علشان ماما تتصل علي كذا ..
غالباً أتفاده أفضفض لها عن أي شيء لأنها ناقدة وتجلس تقارن وتفكر دائما مادياً ..
أما جانب بابا فهو مزاجي درجة أولى إذا يبغى يكلمني يتكلم وتعدي ثواني كيف حالكم طيبين وانتهى وإذا مافيه مزاج يكلمني يقوم يصرفني..
~*~
أما بالنسية للناس اللى أعيش معاهم أختي وستو ..
ستو لها عالمها الخاص لاأحد يقترب منه في كل شيء..
أما عن أختي أنا في الشرق وهي في الغرب مختلفين تماما متناقدين تماما هي حياتها أغاني أفلام وبلياردو وأنا ولا من هذه الأشياء أحبها وأشوفها تضيع للوقت هذا غير الحلال والحرام ..
حتى أكلها وشربها يعني تقريبا مره مرتين في الأسبوع نأكل مع بعض وهذا غير النوم تجلس تسهر وكذا..
يعني مافي تواصل وأنا لما أكلمها عن الأحداث في المستشفى أو عن البنات أو عن أي موضوع كأني أكلم نفسي في النهاية أسكت وأزعل في نفسي لأنها طوال الوقت مشغولة بلياردوا مسن أغاني في أذنها..
خلاص أحس نفسي أبغى أنفجر من كثر ماأكبت في داخلي ماأعرف أيش أسوي ..
~*~
ولو جينا لجانب الصديقات ..
الصداقات اللى أيام المدرسة معظمها تحولت إلى زمالة إلا اثنين وحدة فيهم للأسف ثم للأسف قطعت صداقتنا العام وحكايتها تطول لأن الموضوع فيه عين وفي حياتها صديقة غيرتها للأسوأ ( واللى لاحظته واستنتجته أن البنت كانت تحب صحبتي حب بنات ومن هذا الكلام بالرغم إنها متزوجة وتغار مني ودائما تبعد صديقتي عني ) للأسف فصارت ترفض نصائحي "لأننا نحن متفقين نساعد بعض من أيام المدرسة على الطاعة فصرت أشوفها تميل للمسلسلات التركية بشكل مبالغ وأغاني ومواضيع كذا فلما أنصحها ماتحب تسمعني " وقفت معها لكن طلبت أني ماأتصل عليها ولا أرسل رسائل وإيميلها غيرته يعني انتهت علاقتنا بالرغم حاولت كثير أرجعها وسامحتها على كل اللى حصل لكن بدون فائدة ..
أما الآخرى فهي رفيقة دربي اللى من يوم ماتزوجت "لها الآن تقريبا سنة ونصف وعندها بنوته" صارت ماتكلمني إلا لما تحتاج تفضفض عن زوجها وخياناته وأنا اللى أتصل وأنا اللى أسأل وأنا اللى أسمع لها وأنسى نفسي أعطي وأعطي ومافي أحد يعطيني لدرجة والله أتصل عليها ودي تسمعني أحصلها هي كمان تحتاج أحد يسمعها أقولها أنتي أبدئي وتكلمي أيش صار وأيش حصل وأنصحها لما أجي أتكلم عن نفسي يلا شيماء زوجي راح يجيء زوجي يبغى أكل بنتي صحيت آآآآآه دائما حتى لو حاولت في بداية المكالمة أن تكون لي ماتسمعني ..
وتجلس بالشهور ماترد على اتصالاتي ولا رسائلي ولما تحتاج تكلمني تقوم ترد ..
حتى لو رسلتها أنا محتاجتك ردي علي ..أو أبغى أستشيرك في حاجة ضرورية ..لاحياة لمن تنادي ..
هي للأسف مررره تغيرت بعد الزواج يعني ماكانت كذا ..
وأنا الآن ماأدري كيف أتعامل معها أطنشها أم أستمر أتواصل معها مهما وجدت من تنطنيش لأني من جد فقد الأمل معاها لأني دائما أكلمها أعاتبها أذكرها أنها ماتنسى نفسها على حساب زوجها وبيتها لكن لافائدة ..
~*~
21-02-2010, 12:37 AM
ضوابط المشاركة
العرض الشجري