نصيحتكم ..

الاسبوع الي فات ملكت والحمدالله زوجي كان مبسوط واهله مبسوطين هذا الشي خلاني مبسوطه وطمني كثيير ..

ولبسني الطقم حلو ابيض مع دبله ..

الولد يقول كلام كثيير وكله حلو يعبر عن انه مبسوط وانا عادي الشعور بس شعور الطمئنيه لاني حسيت اني شاغلته ومعجبته على كلامه من ايام الشوفه ..

اهلى اعلى مستوى مادي من اهله .. لكن الولد يشفع له انه سنع وخلوق وراعي دين ونسب والكل يمدح وابوي منهار عنده يحسه مثالي ..

الصاعقه ان امي اليوم بعد مادرا اسبوع على الملكه بدينا نجهزه خلصنا الملابس الداخليه على قولت امي عشان نرتاح وقلت لها اليوم ابي اشتري ساعه رولكس بيضاء بألماس قبل مايطير المهر بالخرابيط قالت لي ايه ايه .. وشوي تقول لي ترى الطقم مو الماس قلت وشو قالت مو الماس زيركون ما انتبهتي له . قلت لها وش دراك قالت طلعت سوق طيبه وشيكت عليه .. اصلا كان واضح من اول ما شفته عليك دريت طيب ليش ماقلتي لي من اول .. الولد سألني الطقم عجبك قلت له ايه .. ليش ما قلتي لي عشان بوقتها اقول له .. قالت احسبك داريه ...

قالت لي انتي ليش ماتكلمينه وتقولين له غير الدبله وجبها الماس وبالمره قولي له غير الطقم قلت لها لا انا قايله لكم مستحيل اكلمه (( مبداء خاص ما اكلم وقت الخطبه ولا المكله ..)) يعني انا رافضه اكلمه وهو مافي شي اطلبه تبين الحين اطلب ...
انتي قولي لأمه قالت لا انا مالي شغل وابوك يقول بكيفهم احنا نشتري لك طقم ..


انا هنا اسودت الدنيا بوجهي ولاعاد قمت اشوف عيوني زغللت وكملت بياله الشاي الي معي وطلعت لغرفتي وصحت وبردت خاطري وجاء وقت التفكير الصح ..

الحلول المتاحه :
اطلب منه يجي للبيت واتفاهم معاه على موضوع الزيركون ..

اصر على امي وابوي يكلمون امه ..<< زي ما بدأو بالموضوع يكملونه ..

اسكت ولا كأن شي صار .. واكسب الولد واخلاقه واعيش على ستر الله معاه ..


اي استفسار غامض او حلقه مفقوده انا متابعه .. اهم شي اوصل لحل سليم ..

ياقلبي أول شئ مبارك عليكِ الملكه

تاني شئ إذا الولد فعلاً طيب وذو دين وأخلاق فأكسبيه وأتركي عنك وسخ الدنيا ...

ماهي إلآكماليات فقط

وأتذكري أن الحبيب محمد صلى الله عليه وسلم زوج أحد الصحابه بخاتم من حديد وأحدهم بمايحفظ من القرآن

مو كل شئ الفلوس والمظاهر ..أهم شئ في هادا الزمن الدين والأخلاق

هادا رأي والله يوفقك ويسعدك دنيا وآخره

__________________

يعني هو لازم يكـون الماس !؟!

اهم شي ذهب ولا انا غلطانه !!!!!!!!!!!!!!

__________________
{ احبــــ ـــكم بلا استثنـاء ~

هذا مو ذهب ولا الماس .. شي ما ينباع زي اكسسوار

لاياقلبي انتي فهمتي غلط !

هذا ذهب وينباع بس الفصووص الي فيه هي الزيركووون !

وينباااااااع بعد اختي جايـها بذهبها حق عرسها زي هذا طقمين واحد منهم باعته قريب وجاب لها 10 الاف ..

روحي تأكدي او صوري لنا الطقم او الأسـواره بس انا متأكده ان الفصوص هي الي زيركون اما الي مركب عليه ذهب !

مستحيل مستحيييييييييل يكون مو ذهب !

__________________
{ احبــــ ـــكم بلا استثنـاء ~

والله نصيحه مني وانا اختك اكسبي الرجال وماعليك من هالاشياء

وبعد الزواج راح يجيب اللي يعجبك واذابتسأليه اسأليه من وين شراه وبعدها راح تعرفين ذهب والاغيره

منوووووووووووور انا معاكي انها تكسب الرجال !!!!!!!!

وانا اتمنى انها غلطانه وان الطقم ذهب والفصوص هي الي زيركون !

بس لو فرضنا ان كلامها صحيح وطلع طقمها اي كلام ؟! لاهو ذهب ولاهم يحزنون ؟!

بالله هذا مو تصرف وققققح منهم !!

يعني السالفه مو بس رجال وطرت فيه !!!!!!!

يعني بجد حركه غباااااااااااء واستغفال كبيره .. هذا كله لو طلع الطقم مو اصلي وطقم اكسسوار

بس انا متأكده انه مو اكسسوار ان شاءالله مو اكسسوار ..

لأنه لو طلع اكسسوار هذا اعتبره نصااااااااب حشـا خاش سرقه عيني عينك !

ماحد يرضاها لبنته ولا لأخته !!

بس ان شاءالله ظنها بالطقم يخيب ويطلع ذهب ونرتاااااااااااااح ~

::

__________________
{ احبــــ ـــكم بلا استثنـاء ~

dant!L ان شاء الله يطلع ذهب مواكسسوار بس عشان البنت ماتاخذ فكره سيئه عن زوجها واهله انا افضل الشبكه تكون ذهب خالص عشان المواقف هذي
والله يوفقهاااااااااا يارب

مدري انا ما اعرف .. بس صدق اذا ذهب طمنتيني شوي

الله يوفقكم على ردودكم والله ودي اتأكد وبطلع ذهب ماودي بعوار الرأس والمشاكل

برد لكم إن شاءالله