لما كنت في بداية العشرينات

واسمع انه فيه احد بيخطبني

كانت فرحة تغمرني

ويبدأ التفكير في المعرس وعش الزوجية

وماتلبث هذه الفرحة ساعات معدودة حتى تتلاشى ويعقبها الضيق والكدر

ولكن اسلي نفسي بأن القادم افضل والفرص امامي

فأنسى ما حدث وأعود لطبيعتي

اما الآن فقد اختلف شعوري عند سماعي بخبر قدوم خاطب
لم تعد تلك الفرحة التي كانت تغمرني كما في السابق

بل صار يأتيني هم وقلق شديد

هل سيكون مناسب ام كالعادة

وإذا كان مناسب هل سأعجبه ويقبل بي

ام سينصرف ويتركني في حالة يرثى لها

امس قالت لي خالتي ابي اكلمك في موضوع
قلت لها خير

قالت: في عريس
شافت ملامح وجهي تغيرت وماكنت مسرورة
قالت لي شفيك ليش محبطة
قلت لها لان صار اللي يتقدمون كل واحد احسن من الثاني
قالت الواحد ماييأس
واخبرتني عن العريس على قولتها
واذا توقعي كان في محله
ابن خالتي اصغر مني بعامين مطلق من ايام وعنده 3 او4 اولاد
وانا لااااااا ارغب فيه لما فيه من الصفات اللي ما احبها وغير اني اعتبره مثل اخي
وقالت لي كلام جرحني ( انتي في عمر الفرص امامك قليلة مو احسن مايتقدم لك واحد كبير ياخذك عشان تكونين خدامة له او تربين عياله)

ما له داعي هالكلام يعني انا ناقصني زيادة احباط كافي اللي فيني

صار خبر الخطبة هم وغم بدل ما افرح واستانس
هل شعوري هذا طبيعي

__________________
يارب افرجها

تعوذي من الشيطان واكثري الاستغفار
ولاتيااااااااسين
واعلمي ان ربك رحيم
ادعي واشكي لربك وتفاااااااااااائلي خير
والله يووفقك ويسعدك ويرزقك مايسرك

وش العانس وش هالكلام

توكلي على ربك
وادعي
وان شاءالله نشوفك احلى عروووووووس
وباحلى مملكة

__________________
دعواتكم لي
الله يجزاكم خير

بلاش دا الكلام وان شاء الله لاعنوسه ولا شي


اذكرى الله وربنا يرزقك بي الافضل يارب

__________________
ياررب ارح قلبي وعوضني خير

حبيبتي بنت ديرتي

حبي نفسج وعزيها ورزيها

ولا تحسسين احد كلش انج تتاضيقين لما احد يخطبج

ومثل ما قالوا خواتي تفائلي وتفائلي وتفائلي

حتى لو شفتي نجوم الليل بالقايلة هم بعد تفائلي

يكفي الانسان من التفاؤل ان يعيش لحظات حلوة يفكر بالخير اللي ممكن ايي

وولد خالتج اذا مالج رغبة فيه لا تاخذينه

خلج جذي حرة طليقة مثل الحمامة

احسن من انه ياخذج وتعيشين مع انسان انتي اساسا مو متقبلته

والله يرزقج بولد الحلال اللي يعوض صبرج

__________________
لا اله الا انت سبحانك اني كنت من الظالمين

يااااحبيبتي أنتي عزيزة مكرمه عند أهلك ليش التفكير هذا ؟؟؟؟؟؟؟
وكلمتك عاانس زعلتيني عليها ليش تقولين عن نفسك كذ؟؟؟؟؟
وأبد ماأخفيك أحيانا الانسان يجيه حالات احباط من اللي يتقدمون له لكن هذا شعور المفروض مانلتفت له لان الواحد ينتظر رزق الرحمن ولما يجيك شعور وترحمين نفسك تذكري ان رحمة ربي بك اكبررررررررر من نفسك
وكلام خالتك والناس هذا ماينتهي أبد وخلي عندك مناعه ولايهمك ....وبالله يعني لما أكبر معناه أرمي نفسي على أحد ماأقتنعت فيه أي تفكييير هذا من جد مجتمع فااااشل أحس اني اخذت راااحتي ههههه الله يوفقك يااارب ويرزقك عاجلا غير اجلا الرجال اللي يسعدك وكلل العزابيه

مطلق من ايام ويبغى يتزوج هذا هو قمة الخطا

اما انتي اخية اتركي كلامها وراء ظهرك واهم شئ القناعة وتاكدي ان رزقك سوف يأتي بأذن الله سبحانه

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

اختي أنتي اكيد مشاعرك طبيعيه وعاديه جدا ممكن تحصل باي احد لكن اذكري الله وتذكري انه في ناس اكثار مثلك
واذا شايفه ولد خالتك مو مناسبك لك خلاص خاصه انه توه مطلق وما مداه يفكر بمشكلته الا ويفكر بزوجه

وان شاء الله الله يرزقك الزوج الصالح

[QUOTE=سحابة الصحراء;2363833]مطلق من ايام ويبغى يتزوج هذا هو قمة الخطا


هذا الكلام من ذهب

انا مطلق لي 8شهور مافيه عيال وهلي ناشبيلي يلحون علي وانا رافض الزواج لين فهموها ولاعاد كلموني

لان فيه ايام حلوه وايام مره لاين الواحد ينسى ويفتح صفحه جديده مع نفسه وصعب تظلم بنت الناس

ابعدي الوسواس عنك ... ولا تحطين في بالك انك عنستي ..؟؟...

بعدك يا قلبي بنووته ... لاتهتمين لكلامهم ..والفرص مازالت امامك كثيره

انتي بيدك تختارين الي تبين وترفضين الي مايناسبك

وغير هالكلام ارميه ورى ظهرك