السلام عليكم
اطرح مشكلتي واعطوني الحل متزوجة من ثلاث سنوات وعندنا طفلين
زوجي ما شاء الله عليه ربي يحفظه ويخليه لنا يحبني وانا احبه واااااجد بس المشكله انه من النوع اللي ما يعبر عن مشاعره بسهوله وما عنده كلمات الغزل والدلع اللي تحب تسمعها كل انثى اجهز له كل اللي يحتاجة وقبل ما يرجع من الدوام اتزين واحط مكياج واغير لبسي في كل يوم مرة استقبله بالقصير ومرة بالطويل ومرة فستلن ومرة قميص وبنطال وكاني احيانا بروح حفلة المهم لما يرجع ويشوفني ما فيه يوم قال لي انت اليوم غير ...طالع احلى...انت قمر...ومن هذا الكلام وانا عاد الشيطان بدا يلعب لعبته احيانا اقول ما راح اتزين اليوم لانه ما يهمه وما تفرق معه وبكون عادي بس ارجع بعدين واقول لا ما يصير هذا زوجي ولا بعدين في يوم يقول لي انت ما كنت تتزيني لي والحين اريد ريكم ايش اسوي رغم اني اسمعه كلمات حلوة اشتقتلك وفقدتك وحبيبي وعيوني وكل الكلام الحلو لاني سمعت المثل فاقد الشي لا يعطيه فانا اعطيه بس هو ما يعطيني حتى كلمة احبك اسمعها في اليوم مرة وحدة واحيانا يقولها بعد ما انا اقولها
باختصار المشكلة اني احب اسمعه يتغزل في ولاني ما اسمع منه هذا الكلام بدت نفسي او الشيطان تجبرني اني ما اسمعه هذا الكلام وما اتزين له
ساعدوني اذا عندكم حل