السلام عليكم ..

هذا ثاني موضوع لي بالمنتدى ..

عندي مشكله .. يمكن البعض مايعتبرها مشكله !!

بس هالشششي معي من 3 سنوات تقريبا

نبدأ

ولد عمتي اضافني بالماسنجر .. وصرنا نسولف سوالف عاديه شخبارك شلونك .. انتي أي صف ههههه <- القطاعه وماتسوي

المهم انا كنت اميل لولد عمي .. وصرت اسولف لولد عمتي عنه .. (( يعني ولد عمي يصير لولد عمتي ولد خاله )) <-

وكان عادي معي يسولف ..

جا مره شاففني هذا ولد عمتي بالعيد .. رجعت البيت ولقيته عالماسنجر .. قالي انا احبك من يوم كلمتك . . بس استحيت اقولك .. ويوم شفتك ماقدر اصبر


وصرنا نسوولف عااادي .. ومع الوقت بدا يتمادى .. كل كلمه والثانيه انا احبك ..
انا اعشقك ..
بسوي لك كل شي تحلمين فيه ..
ليه ماتحبيني

صراحه بالبدايه كنت معجبه فيه بس يوم بدا يقولي كلام حلو بديت انفر منه واتقزز مدري ليه

حاولت احط حد للموضوع لكن ماقدرت !!

بحكم ان الناس تقولي انتي طييبه مررره !!

وصراحه انا ماعرف اقول لاحد بوجهه لاتسوي كذا ولاماقدر اكلمك ...

حاولت اقوله اكثر من مره .. بس هو مع العشره الماسنجريه ههههههههه

عرفت شخصيته .. يعني كل ماصارت سالفه .. يطلع نفسه من الموضوع وانه مابخل علي بشي .. واني انا ماعطيته وجه .. وان مافيه زيه ..

دايم دايم كذا

انا قلت خلاص لازم احط حد لاني صراااحه صار يجيني غثيان منه مدري ليه

وحذفته .. !!!

مرت 6 شهور تقريبا ورجعنا لكن ماكلمنا بعض فيها الا شخبارك شلونك يمكن مرتين .. وكلها ماسنجر طبعا ..

بعدين هو رجع زي اول ... احبك واعشقك ومدري ايش .. وكان دايم يحب يسوي من كل شي قضيه ويجلس يناقشها .. لما يصير اي شي سخيف .. يجلس يكتب اشياء كثير ويناقش فيها ساعتييين

وهو موضوع تافه حتى مو مووضوع ..

انا هنا للمره الثانيه قررت اني احذفه ههههههههههههههه

علمت امي !

وكانت متفهمه الوضع قالت احذفيه ولاتكلمينه ..وامي كانت تقولي انها ماتحبه ماترتاح له ! كشخصيه يعني

قلت له اسفه ماقدر اكلمك وامي درت بالموضوع !

تحسبون قال طيب ..

قال واذا عرفت !! وش فيهااا <---- هنا ارجع واقولكم دايم يطلع نفسه من الموضوع .. ويحطني غلطانه .. وان مالي حق احذفه

حذفته

ورجعنا هههههههههههه ... ومره ثانيه اتقزز منه ..

اخر مره رجعت معه لاني صراحه خايفه

تدرون ليه

لانه انسااااان جرررريء !!! كان دايم يقول بقول لامي تخطبك لي لحد ياخذك .. لانه هو يدرس برا

وكنت انا اقوله لا لاتقولها .. كنت حاطه ببالي اني ممكن اوافق ..

لكن مع اصراره وكلامه واحبك واحبك مدري وش جاني وصرت انفر منه ... ويوم تركته كان معزم يقول لامه ..

كأنه غصب يعني !!!!!!!!!!!!!!!!

وكان يهددني يقول لو يخطبك احد غيري والله لاخرررب !!!


وش رايييكم فيه ؟؟؟

وش الحل انا خايفه من تهديدااته ...


لاني صراحه احسه انسان جريء من يوم صار يقول احبك وهو كل اسبوع ببيت جدي يجي يجلس عشان بس يشوفني امر ولايسمع صوتي

مو انساان جريء ؟؟

وش تنصحوني اسوي ؟!؟!

ايه صح انا عمري 18 <-- يعني تراني صغيره ههههههه

واحيانا افكر شلون من الحين انفر منه اذا قال احبك ومدري ايش .. احس مستحيل اتزوجه !!

ساعدوني وش اسوي فيه


( يووه احس كلامي كثير ههههههههه بس معليش جلست افضفض )

ايه على طاري ولد عمي اللي كنت اميل له .. ترى خلاص . . يعني ماله علاقه بأني انفر من ولد عمتي

ولد عمي كان حب طفوله ههههههههه

ايه صح قبل لايجي احد ويقول ليه تكلمينه ومايصلح ومدري وشو ..

ادري ان حتى ماسنجر مايصلح .. وعشان كذا مابي اكلمه .. يعني انا ماقول اني صح يوم اني اكلمه ...

وانا مابي اكلم احد الين اتزوج واكلم زوجي بس ههههههههههه <- عشان يعني احسه فارس احلامي

لاحظت اني كتبت المووضوع وجلست ارد على نفسي p:

__________________
اللهم ارزقني الزوج الصالح الذي يكون لي جنتي في دنيـاي وأكون له جنته في دنيـاه..}
"اللهم اغنني بحلالكـ عن حرامك"

يحبنــــــــــــي ولكن <<< عنوان مسلسل

يعني الصراحه ودي اضحك !!

مثلا اضحك ولا شلون ؟!

::

شوفي الصدق دمك شربات ..

بس تصرفاتك كخه اوب زينه !

شفتي عيال عمك ذولا [ شنقل ومنقل ].. شيليهم ولأقرب سلة محذوفااااااااااات ..

يعني ديليت .. لابو من جمعهم ...

الصراحه انتي واضح انك مرحه جدا من كثر الـ { هههههههههه } بالموضوع .. ومن طريقة واسلوب كلامك ..

وغير كذا انتي صغيره مو محتاجه احد يغثك ويخربط على راسك وعجبني على ان عمرك صغير بس عقلك

هااااااااااااااااااااااااااااااذا كبررررررررررررره << فيس فاتح ايدينه ..

مااشاءالله عليك ..

فا دامه يغثك ويلوع تسبدك .. طنشيه ولا اقولك غيري ايميلك

لاتجين وتقولين لي ناس يعرفوني ولا مميز ولا مادري وش ؟

مانتي طالعه احسن من ايميلي .. مافي وظيفه الا مقدمه عليهم وحاطه ايميلي ..

وفوق هذا يوم شفت هيلق يرسلون على ايميلي شي مو زين وتجيني اضافات غريبه شريت مخي وغيرته ..

هذا وانا مستقبلي متعلق بالأيميل بعد الله عزوجل.,.

ثاني شي .. خليك ثقيله .. ومهما الولد مسـوي يحب وخرابيط .. صدقيني بالنهايـه يحب البنت العاقله الثقيله الرزينه

طنشيه لو ربي كاتبه من نصيبك بيجيك وهو يحبي على ركبه بعد

ولو مو من نصيبك مو جايك لو انتي تنهبلين ههههههههههه

وبعدين انتي توك كتكوووته .. ولاحقه على احبك واعشقك ومادري ايش !!

صدق شي يغث بالذات اذا مو بالحلال ..

الله يكملتس بعقلتس ..

__________________
{ احبــــ ـــكم بلا استثنـاء ~

هههههههههههههاي وش ذا

أما أحبك وأعشقك هذاا اسحبي عليه من جد كأن الحب بالغصب

شوفي اترررركيه واحذفيه واحذفي طوايفه بعد

بعدين الواحد لما يحب المفروض مايعبر عن حبه بالشكل البشع هذا على العموم زي ماقالت لك الاخت غيري ايميلك أفضل حل ولما تشوفينه عند جدتك لاتعطينه وجه وتجاهليه





و إن شاء الله تاخذين ولد عمك اللي تحبين طبعا اذا كان فيه خير لك......... وماتدرين يمكن نصيبك مع أحبك وأعشقك............ مووووفقه حبيبتي

احــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــذفيه ثم احــــــــــــــــــــــــــــــــــــــــــــــــ ـــــــــــــــــــــــــــــــــذفيه

ثم احــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــذفيــــــــــ ــــــــــــــــــــــــــــــــــــــــــــــــــ ـــــــــــــــــــه

شوفي ياستي وش بيسوي مشاكل هي الدعوه غصب:@

ريحي راسك وضميرك بس

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

أختي الفاضلة ..
حب ولد عمتك لك ميزة كبيرة جدا من مميزاته ، و هو ليس مضطرا لذلك فالبنات امامه اشكال و الوان ، و ربما ما جعله يجترأ عليك في كلام الحب هو سوالفك معاه علي الماسنجر و ربما ايضا من شدة حبه لك يريد ان يجعلك تحبينه من هذا الكلام ، نعم ما فعله معصية و لكنك ايضا ارتكبت معصية .. محادثتك له علي الماسنجر .. فلا تتهمينه بالجرأة و تتركي نفسك .. و لكن انظري اختي الصغيرة في دينه .. هل يعرف الله .. انظري في اخلاقه و معاملاته .. انظري الي عقله و حكمته هلي يجيد التصرف ؟
ولد عمتك له مميزات كثيرة .. اكبرها انه يحبك .. يعرفك جيدا فلن يشك في ماضيك .. والدك له عليه كلمة و سطوة و بيعمل له الف خاطر .. امه تحبك بحكم انها عمتك و ستبقي عليكي و تخاف علي مشاعرك ..
فكري في الامر بروية و اجعلي امك تقرأ مقالتي تلك و لا تخافي من تهديداته ، فهذا مجرد كلام من خوفه ان تضيعي منه ..

[gdwl]لون الورد
دانتيل
..صرت كذا وأنا أقرأ..
ربي يسعدكم.[/gdwl]

__________________
.. ربي لك الحمد والشكر ..

الحـــلم الدافيء ..

ياااااالبى الضحكه .. دووووم يارب ~

__________________
{ احبــــ ـــكم بلا استثنـاء ~

ههههههههههههه والله من جد زي ما قالت دانتل
دمك شربااااات يا بنت

احذفيه خلاص ويومين بترجعينه ههههههه
بكرة ياقلبي تكبرين وتضحكين من تصرفاتك ترى كلنا مرينا بعمرك ولنا مثل تجاربك

نصيبك بيجيك خليك من كلام انا احبك وانا ابيك
اللي جاد ويبيك صدق بيجي يخطبك من اهلك مو يقول لك كلام بس

__________________
يارب لِذْتُ ببابك راجية عفوك ورحمتك,خذ بيدي إلى ما أصبو إليه وإرحمني برحمتك التي وسعت كل شيء,اللهم ارزقني زوجاً ولا تذرني فرداً وأنت خيرالوارثين ..اللهم اغفر لمن دعا لي