أنصحوني زواجي على الهاوية!!!
السلام عليكم ورحمة الله وبركاته
تدرون اخر مرة دخلت فيها المنتدى كانت في 13-5-2009 يعني من زمااان جدا
رجعت هنا بستشيركم لأن ماني لاقية لمن أحكي أو أشكي ...
ضاقت بي الدنيا وبعد الله تعالى مالقيت غيركم أشكيلكم همي وياريت تكونو عند ظني بكم
المهم
مشكلتي أكيد مع زوجي !!
خليني أذكر محاسنه قبل عشان لا أظلمه :
هو كريم - ينفعل بسرعة بس يرضى بسرعة - هو طالب علم شرعي ويحب القراءة كثيرا في الكتب الدينية - وهو ملتزم دينيا وخلقيا
متزوجين لنا 5 سنوات ولي منه ولدين والحمد لله
مشاكلنا سببها أولا أصحابه :
- زوجي يحب أصحابه بشكل ما أقدر أوصفه لكم دايما يبحت عنهم او هم يدورون عليه من الشغل يرجع على طول يكلمهم يطلع معاهم تصوروا حتى أحيانا في أجمل اللحظات مع بعض لو اتصلوا فيه يقول لا لازم أرد عليهم ... مايعرف يقول لهم لا أبدا حتى لو عاطيني أنا موعد لشي يلغيه عشانهم بس العكس مو صحيح أبدا !!
كل يوم مشاكل وزعل علشان يرجعلي متأخر وإذا رحت لمكان بكره نفسي وبخجل جدا من الناس لأنه بيتأخر علي
لما بسأله ليش تحبهم كذا بالشكل هذا ؟ ليش تحب تقعد معاهم أكتر مما تقعد معاي ؟ يقول لأنهم يحبون الكتب ونقعد نتناقش ونستفيد (وهذا ماهو دايما صحيح لأنهم يطلعون أحيانا كتيرة على مقاهي ومطاعم والخ) .
- إذا رجع البيت باكر بيدخل إلى المكتبة ويمسك كتاب ويقرا أو يجلس على الكمبيوتر
لو جيته او كلمته يقول انتي لا تساعديني على طلب العلم ...
- أو يقول روحي اهتمي بالأطفال وخليهم ينامو وبعدين تعالى انا بستناك ... طبعا هو دايما مادخله بالأولاد أبدا وكأني جايبتهم من الشارع مايساعدني أبدا لا في البيت ولا في الأولاد أبدا أبدا
وأنا ماعندي شغالة وتخيلوا ولدين واحد عمره عامين ونص والتاني عمره 10 شهور
- لا وكمان لو رجع للبيت ولقى ان البيت مو مرتب (وانتو عارفين الأطفال ايش يعملو) بيصير يزعل ويلومني ليش البيت مو مرتب لو أقوله ما ألحق على البيت والاولاد أو أني حتى والله أكون توني رتبته بس هم وسخوه يقول كل النساء عندهم أطفال وحتى أكتر منك ليش كلهم قادرين يتحملو مسؤولية بيتهم وانتي لا ؟؟
- كمان زوجي عصبي جدا واستهزائي جدا جدا واستفزازي كمان .. يعني متلا أجيه أطلب منه شي متلا يقولي لا ويصير يستهزأ بي ويسخر مني بأسلوب كذا فكاهي ويضحك علي يستفزني جدا
أنفعل أنا وأعلي صوتي شوي وأصير أحاول استفزه أنا كمان ... وهو لو غضب يمكن يضربني وسبق وضربني أكتر من مرة قبل !!!!
- كمان مابيتحمل أي غلط مني لو رفعت صوتي ينجن ويقولي أنتي مرأة وانا الرجل يجب أن لا ترفعي صوتك أبدا أبدا مهما مهما صار ويصير يذكرلي الأحاديت وحقه علي !!
تصدقوا مرة ضربني عشان نسيت أقيس لابني حرارته وراح هو قاسله حرارته وهو مريض فوجدها 40 !!
ومرة ضربني عشان ابني الكبير جرح الصغير قال كيف ماتنتبهي !!!!
- ورغم كل اللي ذكرته أنا كنت متحملته لأنه بصراحة يجي يعتذر أحيانا ويقولي كلام حلو فأنسى كل شي .... بس زوجي صاير في طبعه من سيء إلى أسوأ وعلاقتنا كمان صارت تسوء
المشكلة انه لما يجي للبيت (أحاول دايما يكون مظهري حلو قدامه) يمكن ماهو لاقي
شي مشترك نساويه مع بعض رغم اني متخرجة من نفس مجاله !!
هو مايتكلم كثير (رغم انه يتكلم كتير مع اصحابه) بس معاي لا
تصدقون أنا ابتديت دايما اللي أدعوه للفراش لأن هذا الوقت الوحيد اللي أحسه قريب مني !!!
أنا اسفة طولت عليكم بس والله مجرووووووووووووووحة وماني عارفة شسوي
الحين تصدقون هو طلع من الصبح ومارد الا الليل جاب عشاء تعشى هو وانا كنت أنوم الصغار جلسنا شوية يمكن نص ساعة وبعدها كالعادة كان منهك وقالي خلاص انا بروح أنام رحت أجري غيرت ملابسي حتى ألحق عليه قبل ينام كلمته قلتله مالحقت أتكلم معاك قالي انا من بدري جالس معاك (النصف ساعة هادي يحسبها كثييير) قلتله انا متضايقة وفي قلبي منك شيء قام يضحك ويستهزأ بي زعلت منه وقمت من السرير وخليته جيت على الكمبيوتر .. ناداني مرتين يمكن وبعدها ناااام ما تعب نفسه ختى يلحقني أو يشوف شن فيني !!!
ساعدوووووووووووونيي أرجوكم والله نفسيتي تعباااااااااااااااااااااااااانة
__________________
**سبحانك اللهم وبحمدك أشهد أن لا إله إلا أنت أستغفرك وأتوب إليك**
التعديل الأخير تم بواسطة daimound22 ; 20-03-2010 الساعة 06:07 AM
20-03-2010, 03:38 AM
ضوابط المشاركة
العرض الشجري