زوجي جاني امس قال لي ..شرايك نسوي عشا للعمه الكبيره ؟
لها اسبوعين عند ولدها ..وبعد اسبوعين بترجع ديرتها
قلت حبا وكرامه .. بس عند مين جالسه؟
قال ولدها الكبير
قلت اسفه
ما ابي زوجة الولد تشوف حتى خيال بيتي
قال : افا ليه ؟
قلت : لأن لها حركات قرعا معاي مالها تفسير الا انها قليلة ادب ومش محترمه مع احترامي لعمتك!
قال : اف .. كل هذا وساكته؟
قلت : ليه بتروح تأدبها ؟ اللي ماله كبير ما يخاف من احد
( هي يتيمه الاب والام بس لها عشرين سنه متزوجه امداها ما تأدب مع اهل زوجها )
قال ليه وش سوت ؟
قلت له على اللي سوته معاي من اول زواجنا وكانت هذي اول مره اعلمه في مواقفها
المهم منها شغلتين
اني رحت زرتها مع حماتي في بيتها ..وطول جلستنا وهي ماتكلم الا حماتي
وامعانا في قلة الادب تتشكر حماتي على الشغلات اللي انا جبتها وكأني مو موجوده .. احراجا لي قدام العمه الكبيره .. قصدها اني ماجبت شي لها ..بس حماتي الحمد لله قالت لها ان الشغلات مو من عندها وانها مني ..
واحنا طالعين من بيتها تقول لحماتي زوريني مره ثانيه لا تقطعيني ( قصدها لا عاد اشوفك انتي يا مشكلتي )
والموقف الثاني كان قبل اسبوع في عشا للجماعه
قدام امة الله .. تسلم على الحريم وتعطيني ظهرها وتمشي ما تسلم..وتقعد تطالعني بنظرات خلت الحريم ينتبهون لي ولها .. بس الحمد لله هي اللي تطالع بشكل غلط وانا شكلي جدا طبيعي ومندمجه مع الناس ومبسوطه وعايشه جو العشا .. وهي مشغوله بحسدها مدري بكرهها مدري بجنانها مدري بأيه!!!!!
وتتعمد تكلم اللي على يميني وعلى يساري وتطنشني .. طول فترة العشا وانا بس اتنقل وابعد عنها علشان لا اعطيها مجال تقلل ادبها علي وهي وراي .. تتنقل معاي عشان تخز .. وتتكلم مع اللي حولي وتطنشني
الحرمه كبيره مو صغيره .. ولا بيني وبينها اي تعامل الا في المناسبات فقط سلام وتحيه بس !!!!!!!!!!
قلت له : ما احترمتني وانا رحت لها بيتها .. وبين الناس استلمتني نظرات كلها كره وحقد .. اشغلت نفسها بي وفيه كم حرمه انتبهت لها ولحركاتها .. يفكرون الناس اني غلطانه عليها والا شي !!!!!!!!
ترضى تدخل بيتك احد ما احترمك في هالموقفين؟
قال لا ولا ارضاها لك ..هي ليش تسوي كذا؟
قلت الله يعلمها .. ما ابغاها تموت فيني .. اصلا لو ماهي عمتك ماكان دريت انها في هالدنيا .. بس ع الاقل شوية احترام.. اذا مافيه احترام .. تطنشني قدام الناس زي ماطنشتني في بيتها ..
قال لا خلاص كنسلي ..
قلت لا ما اكنسل .. اذا راحت بيت ولدها الثاني .. نناديها .. اما في بيت ولدها الكبير مستحيل
اليوم الصبح صحينا رايقين جدا جدا جدا
قال لي فكري بالعشا الله يسعدك وعموما ما بيصير الا اللي يريحك
الحين
ماودي اكسر بخاطره ابد
نفسي افاجئه واقول له تم ..نادهم
بس والله ما اقدر .. نفسيا
يعني انسانه بهذي الحركات شلون ادخلها بيتي ؟
واذا ناديتها .. ما اعرف اطنشها زي ماهي سوت
وبصراحه قلبي مقفل من ناحيتها .. ما اعرف انافقها واتضيحك معها
القدر والحشيمه للعمه .. اما هي !!!!!!!!!!!!!!!!!!!!!!!!!!!!!!!!!!!!!!
شتسوون في محلي ؟ بدون مثاليه الله يوفقكم ابي حل يرضي زوجي ويريحني ؟
21-03-2010, 01:37 PM
أشيروا علي في عزومة أهل زوجي ((حُلت ولله الحمد ))
ضوابط المشاركة
العرض العادي
