السلام عليكم ..
هذي اول مشاركة لي في هذا المنتدى .. قريت فية كثير بس مالقيت احد مثل حالتي ..
انا مخطوبة من اربع سنوات يمكن بس ما صار ت بيننا ملكة وطول وقت الخطبة ما اكلمة ولا شي .. حتى معاملتي لخواتة رسمية مرة قبل ثلاث شهور طلب من اختة انهم يسوون بي مقلب وانة يدخل معنا في المسن على اني ما ادري انة خطيبي وقعدنا نسولف للصبح على انة وحدة من البنات .. طلب من اختة اليوم اللي بعدة انها تضيفنا سوا وتطلع .. وكلمني لحالي قال لي انا خطيبك وانا اللي كلمتك امس .. ممكن اضيفك في ايميلي ..رفضت بس بعد اسبوع اضافني وقبلت على انة بس مسن .. وقعدنا فترة شهر وصار يكلمني بالجوال وكل ما اقول لة عيب ولا ما يصلح يقول كل الناس تدري اننا لبعض وبعدين انا اعرفك واعرف من مربيك ومن هذا الكلام اقنعني بس قلت لاختي الكبيرة السالفة وقالت هذي حركات شباب يبي يعرف انك تعطينة وجة ولا لا .. وكل ما احاول ابعد عنة عشان ما ابي اخرب على نفسي يحس اني مو مهتمة فية وان الحياة شاغلتني عنة .. محتارة مدري ايش اسوي .. وموعد الملكة للحين ما تحدد بسبب ظر وف خاصة بس ابوي واهلي راضين وكل الناس تدري اننا لبعض .. ما ادري كيف اتصرف معة هذي الفترة .. الله يخليكم مرررة احتاااج نصيحة
واسفة على التطويل ..

يا أختي لاتفتحي على نفسك باب لا في الجوال ولا في المسن ما دمتم في فترة الخطوبة لأنه لازال رجل أجنبي عنك.. مثله مثل أي رجل آخر..
قولي له أهلي ما يرضون بهذا الشيء وأخاف يدروا بالموضوع وتحصل مشاكل.. فخلينا نوقف مكالمات ومحادثات إلى ما بعد الملكة.. عاد إذا ملكتوا خذوا راحتكم في الكلام وانبسطوا..
الله يتمم فرحك على خير..

__________________
قرأ وهيب بن الورد رحمه الله قوله تعالى {وإذ يرفع إبراهيم القواعد من البيت وإسماعيل ربنا تقبل منا} ثم بكى! وقال: (يا خليل الرحمن ترفع قوائم بيت الرحمن وأنت مشفق أن لايتقبل منك) تفسير ابن كثير1/167

اختي ...

ما راح اكلمك بالدين لان الدين واضح في هالموضوع ....

انا اقولك اقطعي هالموضوع لا مسنجر ولا تلفون لو كانت النتيجة ان كل شخص بطريق ...

خله يقول مو مهتمه والحياة شاغلتنك .. خله يقول اللي يبي الحين افضل من انه يقول لك شي ثاني بعد ما تتزوجينه ....

نصيحة لك ... بدت ماسنجر والحين تلفون بكره بيقول نطلع سوى مع اختي .... لا اقول هالكلام لان اخلاقة مو زينه أو اي شي ... انا اقولك مثل اللي يبي يتعلم يسوق ... وده يسوق سيكل ... وبعدها سيارة ... وبعدها طيارة ... والشيطان اشطر منه في هالسوالف مافيه ...

وقفي كل شي وبكل ادب وقوليله انا انجريت معاك هالشهر .. وابي ارجع لربي واذا انت مو قادر تصبر دق باب ابوي وخلها رسمية وبشرع الله ... اما انه يقول حنا لبعض من وحنا باللفه ... اقول هالكلام ما يأكل عيش

دمتي بود

__________________
أيتها الزوجة النكديه: كم هي الحياة تعيسة بوجودك... وكم تصبح أجمل بدونك

.
.
.
قوليــله إذآ يقـدر ايخبـر أهلج عن الي يبـي , خليـه يطلبـه !
والاحتمآل الأكبر إنــه رح يرفـض ,
,.
قوــلي له ,
مـآ يرضينـي أتصـرف هالتصرف وأنـآ في بيت أهلي ,
لا صــرت لي وصرت لك رسمـي .,
لك إلـي تبيـه .,
.

__________________

ارفضي التحدث معه ماينهانا الله عن أي أمر عبثا والمصلحه لك برفض التواااصل ....وبعدالملكه....


...............خوذي راااااحتك معه والله يوفقك يااااااااااااااااااااااارب

السلام عليكم ورحمة الله وبركاته


ذحين بسرعه غيري كل شي ...........جوالك .....المسن .....اي شي له علاقه بيه ...........الشي اللي مايرضي رب العالمين مانبغاه مانبغاه مانبغاه ......اللهم اغننا بحلالك عن حرامك ........و خلي اللهم الاول والاخير انه مايرضي رب العالمين ....بمعنى اتركيه عشان الله وحده بس ........من ترك شيئاً لله عوضه الله خيراً منه



وصدقيني لو طنشتيه وماعاد كلمتيه .....صدقيني راح تكبري في نظره ......


وكمان ما اعتقد أنه يرضاها <لأخته> ابـــــــــــــــــــــــــــــــــــــــــــدا !!!!!!!

بلغي اهلك بالوضع ضروري جدا
و اسمعي نصيحتهم
لا تتهاوني في الموضوع
من ناحيه الحرام و الحلال انتي عارفه الحكم
لكن كمان عشان مايشعر انك بنت فلتانه و طايشه
بلغي اهلك و خليه يعرف انك بلغتي اهلك
و اقطعي العلاقه نهائي لحد ماتصير الملكه لانها بدأت بدون علم اهلك و صار فيها تجاوزات حتى صورتك في عين خطيبك غالبا اتغيرت

الله يوفقك

__________________
يوم مشرق أخر

التواصل وفهم طريقة التفكير شي جيد لكن لابد يملك عليك قبل
والا بيفكر فيك اشياء اخرى

__________________
لا حول ولا قوة الا بالله ,,,, ابو سعود

قوليله بعد الملكة ممكن اكلمك وتجي تزورني اما الان انت غريب عني

صدقو اوالله لاتفتحي على نفسك باب

الله يوفقك

__________________

قولي له بسأل أمي -أو المسؤولة عنك سواء خالة أو غيرها- عن مكالمتنا لبعض وبتكبرين في عينه
ابعدي عن مكالمته لأنك انتي الخسرانة ولو خطيبتي كلمتني قبل الملكة وتبادلنا المشاعر فلن يعجبني هذا أبدأ لأنه منافي للحياء وللدين أيضا ولن تكبر في عيني إلا إذا رفضت ذلك أو على الأقل أخبرتني أنها تسأل أحد والديها وكانت مكالمتنا لضرورة مثلا أخذ رأيها في أمور تتطلب رأيها من مسكن أو غيره وأيضا تكون المكالمة خالية من العواطف تماما وتكون بوجود الأهل وبقدر الحاجة والأفضل أن لا تكون هناك مكالمات ولا مسن فما الفائدة من التسلية معك وأنتي لم تصيري زوجته بعد

فكري أختي في كلامي الله يوفقك وعجلوا بالملكة بعد ما تسألين عنه وتستخيرين بركعتين وتتضرعين لله يدلك على الخير في دعاء الاستخارة

وفقك الله وإيانا وجميع المسلمين*

__________________
اللهم اشف أبي واهده وأطل عمره
http://www.66n.com/forums/showthread.php?t=175017