السلام عليكم ورحمة الله ،،

أسعد الله أوقاتكم بكل الخير ،،

مرت على ملكتي ولله الحمد والمنه قرابة العشر ايام وفي هالايام كل يوم مكالمات هاتفيه طبعي انا خجوله ومو من النوع اللي يحب الهذره وزوجي ماشاء الله عليه يحب يتكلم كثير وفترة ملكتي تقريبا ً 5 أشهر يعني مده طويله وأحس مو حلوه كل يوم مكالمات بغيت اسال اللي مروا بفترة ملكه مطوله هل ازواجكم يدقون عليكم كل يوم ولو دقوا وش المواضيع اللي ممكن تكلمون فيها بشكل عام ++ قضت سواليفه والشي الثاني ودي اقوله بطريقه غير مباشره يقلل من هالمكالمات اخاف يصيبنا شي من الملل بس خوفي انه يزعل او يظن شي ثاني ياليت تفيدوني وغيري وسلامتكم .

__________________
1-5-1433هـ
الحمد لله رزقت بأجمل بنوته ربي يخليه ويصلحه ..

مبرووك متفائله ~

والله يتمم لك يارب ويسسعدك مع زوجك ~

شوفي يالغلا كل واحد بيرد راح يرد على الي يحسه قريب من نفسيته او تجربه مرت عليه ~

وانا راح اقولك للبنات الي حولي وكلمو رجالهم بفترة الملكه ~


المهم اسمعي /

بنت خالتي تملكت وقعدت 9 شهور ماشاءالله ليل نهار قبل النوم بعد النوم و3 مرات باليوم قبل الأكل وبعده
واذا طلعت برا وبالسياره وكل شي ههههههههههههه

مااشاءالله ~

وراعي سوالف زوجها يعني تطوول هي وياه يسولفون ~

ومااحسها حست لا هي ولاهو بالملل بالعكس تعلقوا ببعض وتعرفت عليه كثير ~

ولااثر هالشي على زواجهم ..
يمكن اكثر شي خلا زواجهم بيرفكت هو المكالمات

سبحان الله امس اسأل بنات خالاتي وخواتي من اكثر وحده حسيتوها مبسسسوطه مره يوم زواجها ( وكانوا عدد البنات الي تزوجوا 5 ينات ) واقولهم مين الي كان الفرح مبين بعيونها

وتمشي بالزفه والله كنها فراشه بتطير ماشاءالله لاقوة الا بالله ~

قالوا فلانه ( الي هي بنت خالتي ) .

يعني بفترة المكالمات علاقتهم كانت قويـه ~ انا اشوووفها انها احلى فتره واجمل ذكريات

لاتحرمين نفسك منها واذا بيخفف خليها بظروفها .. ~ مو تدجينها بوجهه كذا بيتحطم ..

وبعدين توك مالك غير 10 ايـام يمكن عشان كذا متحمس ومكسر جوالك هههههههه
اخاف باتسر تجين تقولين ماتصل ماكلم هع


اما عن سـوالفه ~

عاد ابدعي .. / حكيه عن يومك وش سويتي واسأليه اسأله عن حياته وتفكيره وش يحب وش يكره
واذا جاوب عليك انتي جاوبي على اسألتك عشان هو بعد ياخذ عنك فكره ~

وشاركيه بسوالفه ومواقفه .. اسأليه عن مواقف صارت له بدوامه او بطلعته اشياء تضحك وهيك !

،

__________________
{ احبــــ ـــكم بلا استثنـاء ~

انا كانت ملكتي نفس مدة ملكتك

وبحكم انه مشغول طول اليوم بالدوام والعمل والتجهيز كنا نخلي المكالمه مره وحده اخر اليوم
نجمع فيها كل السواليف
احكيله شي حصلك خلال اليوم وهو نفس الشيء بهذي الطريقه رح تفهميه اكثر اجل ايش فايدة فترة الملكه غير عشان تتقاربو اكثر وتزيلو الحواجز ويصير بينكم تفاهم ؟
وما يمنع خلال اليوم ترسلي مسج من هنا وهناك يحلي يومه

الله يوفقك ويتمملك على خير..

__________________

الله يبارك فيك ويخليك لعيون ترجيك دانتيل ،،

ماشاء الله الله يسعد بنت خالتك يارب وان شاء الله تعدي هالفتره على خير يارب ،،

بس عندي تجربه معاكسه لقريبه طالت فترة ملكتها وزوجها يكلمها ليل نهار صبح وظهر وعصر على قولتك وزيارات ومالى ذالك تزوجوا والحين من متى لمتى يجلس في بيتهم،،

ويمكن لاني متخوفه من طول فترة الملكه لاني اول وحده من خواتي اتملك لهالمده واحنا متعودين ملكه وعقبها باسبوعين الزواج سلمتي دانتيل على التجاوب والنصائح مووفقه يارب ،،

كرستاله آمين ومن قال ،،

الرسائل ماعندي مشكله ارسل باي وقت بس المكالمات ودي نقلل منها بس ماني عارفه كيف ...

شكراً لردك

__________________
1-5-1433هـ
الحمد لله رزقت بأجمل بنوته ربي يخليه ويصلحه ..

حبيبتي انا قضيت حوالي 4 سنين خطوبه

منهم 9 شهور خطوبه فقط

والباقي ملكه

وتقريبا كنا نتكلم اكثر من 4 أو 5 مرات في اليوم

ده غير الزيارات والطلعات

عيشي حياتك ولا تقلقي ما رح تملي وخمس شهور ملكه قليل جداااااااا

__________________

ما رفع مكاسب شركات الاتصال الا امثالنا من الشباب .. الله يعين من القهر ودي اشتري لزوجتي جهاز لا سلكي بس ماادري وين يوصل خخخ >> عموما يااختي العزيزة أنا شاب وأمر بهاذي الفترة وصراحة نهائيا مااعتقد ان الرجل بيمل بالعكس تماما كل يوم يعرفك اكثر وتعرفيه اكثر وكل ما طالت المكالامات زالت الحواجز بينكم ولا تفكرين في اي موضوع عادي المواضيع تجر بعضها وصدقيني الموضوع بيجي ممكن بدايته كحة منه وبعدها تتوالى ال مواضيع >> عن تجربة .!!

الله يتمم بخير لنا ولكم يااارب


دمتم بخير ...

__________________

اللهم اني اسألك الجنة ونعيمها وما قرب اليها من قول وعمل
واعوذ بك من النار وجحيمها وما قرب اليها من قول وعمل

والله وأنا أخوك حلي مللك لنا الآن تقريبا ثلاة أشهر بسط وفله
ومسجاااات يوميا لكن المكالمات في الأسبوع مرة واحدة نأخذ تقريبا ثلاث
ساااعات وأربع ساعااات متفاااهمين لبعض الله يديمها بينا لأني ناقشته
في ذلك وقالت موافقة ....فأنا أرى في الاسبوع يوم واحد أو يومين

جميلة و مهمة المكالمات فترة الملكة
و تخليكي تعرفي خطيبك أكثر
و إن شاء الله ما في واحد بيمل من الثاني
شيلي من بالك هذا الهاجس و عيشي حياتك

__________________

زوجة أحمد أسعدتني جداً بردك حالياً بدأت أتجاوز مرحلة القلق والله يسهل وييسر وفقك الله مع أحمد وبلغكما الذريه الصالحه شاكره لك أختي الغاليه ،،

نفس الكلام ورد علي من ماي هاسبن أبو عابد فيه شريحة تستخدم كتلفون ثابت والى ثابت تخفف كثير من الصرفيه عليك والله يوفقك ويتمم أمرك على خير شاكره لك تواجدك وتعليقك أخي ،،

سمو الله يتمم أمرك على خير ويوفقنا وإياك شكراً لتواجدك أخي ،،

بإذن الله شاكره لتواجدك غاليتي مها ،،

__________________
1-5-1433هـ
الحمد لله رزقت بأجمل بنوته ربي يخليه ويصلحه ..