السلام عليكم و رحمة الله و بركاته

(قبل كل شئ .. اللي يجي عشان يتشفى بالأعضاء يبتعد عن موضوعي رجاءً
كنت بأكتب موضوعي في الإستشارات الخاصة لكن حابة أستفيد من نصايح الأعضاء .. أكرر نصايح رجاءً)

بإختصار شديد و قبل كل شئ ..
كنت البنت البارة بأمي و كانوا الكل يعلقوا دايما علي بإنه أمي تحبني و يعلقوا على أمي إنها تحبني
أكثر من البقية و مع إني ما كنت احس أبدااااااااااااا بالشئ هذا و كنت أبر بها عشان ربي ..

لكن المشكلة ..
إنه من يوم تخاصمت مع أمي (و لأول مرة انفجر) ..
و تفاجأت بإنه مشاكلي مع زوجي انتهت تماما ..


فكري متوقف من يوم زعلت أمي ، لإني ما أحب أزعل أحد مني و علشان ربنا ما أبغاه يغضب علي
و بنفس الوقت بس أفتكر الذكريات السيئة و الأليمة اللي ذقتها من أمي و أحس قلبي شايل كثيييير
و إني أعاني من عقد بسبب أمي و الحمد لله تخلصت من العقد من زمان ، و إنه أسباب تعاستي اللي
ذقتها سابقا و الحمد لله انتهت كانت بسبب أمي و لكن كانت عندي عقدة من زوجي و أمي لها دور
كبير في الشئ هذا ، و ما انتهت العقدة و عرفت أسبابها غير بعد ما انفجرت هذاك اليوم


ما أعرف من فين أبدأ ؟؟؟؟؟؟؟ و ما أقدر أتكلم مع أحد ..
لإنه أولا ، شئ ماضي و انتهى .. و ثانيا لإنها أمي و ما أقدر أكرهها أو أحقد عليها لا سمح الله

لكن اللي بيصير فيا حاليا إني بديت أسترجع الذكريات كلها كأنه فيلم و أبدأ أفهم لييييه كان بيصير كذا ؟
أبدأ ألقى أجوبة و تفسيرات لكل اللي كان يصييييييير ، بعد ما فهمت أمي و ليتني ما فهمتها
ليتني جلست على سذاجتي و عماي ..


أنا ما أكره أمي ، بس قلبي شايل كثيييييير على أمي ، أدري عن فضايل الأم و أدري كل الأشياء هذه
و الدليل إنها تمدح فيا دايما قدام الكل (من ورايا مو من قدامي)
لإنه عمرها ما مدحت فينا


إيش الحل ..
بأحاول أصالح أمي عشان ربنا ، بس قلبي حزييييييييين و زعلان و شايل الكثيييييير و هي رافضة

بأعطي مثال للتوضيح : تصير مشكلة سابقة بيني و بين أختي و اكتشفت دحين إنه السبب أمي ..
أخوي يتضارب معاي مثلا و اكتشفت دحين إنه السبب أمي .. أبوي الله يرحمه كان يعصب زمان و نخاف
منه و نشوف إنه أمي الطيبة و الهادية ، و اكتشفت دحين إنه السبب امي ..

حتى إني تزوجت في الأخير عشان أرتاح من مضايقات أمي لي و تحريض أخواني و أخواتي لها علي ..
و تغيرت أمي معاي للأفضل من يوم تزوجت ، لكن بدأت مشاكل بيني و بين زوجي و السبب أمي ..
كل تعاستي ألقيها على أمي ..



هذا كله أمي ما تدري عنه ،، و ما راح ينفع أقوله لها لإنها أسلوب الحوار معدوم جدا مع أمي ..

++++++++++++++++++++++++++++

بأتكلم عن نفسي ،، عشان اللي ما يعرفك يجهلك .. بس ماهو مدح وووو إلخ فقط توضيح لإختصار الوقت
- صريحة جدا و أحاول دايما أوصل الفكرة بدون ما أجرح الشخص يعني بدون وقاحة لإني أكرهها
- حساسة لأبعد درجة و ما أشيل في قلبي على أحد و أسامح إذا الشخص اعتذر و أنسى ،
و علشان كذا جيت أتكلم دحين لإنه قلبي تعب و ماقدرت أتحمل و دحين اللي فهمت كل اللي كان
يصير في الماضي
- الحمد لله شهادتي و وظيفتي عالية و لي علاقات عديدة و زوجي يحبني و أهل زوجي يحترموني
- علاقتي بربي بإذن الله تكون طيبة ، أحاول دايما أتقرب من ربنا و ارضيه
- متواضعة و ما أحب الغلط و أكره الإستغلال و الغرور و الإستعلاء ..
- عصبية و عنيدة و ما أسكت عن الغلط .. يعني آآآآكل في نفسي كثييييير لكن غير متهورة ..
أسكت مرة و اثنين أقوم ألمح و أصلا يبان من شكلي على طول ، و ثالث مرة خلاص استوب
ما كنت كذا ، بس بسبب أمي صرت كذا غصب عني ، لإنه كان حقي دايم ينهضم و أسكت
- قيادية و أكره الشئ هذا ، لكن الظروف خلتني كذا ،، لإنه قراراتي غالبا تجي صائبة و أفكر قبل لا
أتكلم و ما أثق في أي شخص غير ربنا و أحب أستفيد دايما من أبسط شئ في الحياة
- أحب أساعد الضعفاء، و أحاول أسعد اللي حولي و أضحي ما أفكر في نفسي و زوجي مرة عيونه
دمعت و قال زوجتي مسكينة ، دايما تفكر في اللي حولها و ما عمرها فكرت في نفسها ، تفكر في
زوجها ، ولدها ، أمها أخواتها أخوانها ،، بس ما تفكر في نفسها أبدا
و مرة زميلتي بكيت و قالت لييييه تقسي على نفسك كذا ؟؟؟؟ تقول بكيت عشاني ..؟؟؟
- حنونة ، مبتسمة ، قوية يقولوا هههه ، هادية ما أحب المشاكل و مع كذا تجيني المشاكل ماعرف
كيف ؟

++++++++++++++++++++++++++++

إيش الحل مع نفسي ؟؟؟؟؟؟؟؟؟؟؟؟؟

أمي زعلانة مني ، لكن بداخلي ما أحس بالندم لأول مرة و تجيني كل الذكريات الأليئمة اللي مريت بها
في حياتي و لأول مرة أفهم أمي و أكتشف أشياء كثيرة و كل ما فهمت تفسير شئ ، قلبي يوجعني
أكثر و أحس إني انقهر من أمي ، ما أكرهها هي أمي ، بس قلبي شايل وو أحس إني تعبتتتتت خلاص
و من يوم ما أمي زعلنا أنا و هي من بعض ،


انتهت مشاكلي مع زوجي (بأوضح النقطة هذه)
علاقاتي بالناس ما عمره صارت فيها أي مشاكل ، و دايما أحلها بكل ودّ - إن صار فيه اختلاف بيوم -
لإنه أمي ما كانت تتدخل فيها و لا كانت تدري عني أصلا و لا عن شئ في حياتي
بس لاحظت إنه زوجي ماني قادرة أتعامل معه بحكمة مثل علاقتي مع الآخرين ، و صرت أسأل نفسي
كثير عن السبب ؟ و يوم اختلفت مع أمي لأول مرة .. بديت أفهم أشياء كثيرة بحياتي من طفولتي لحد
الآن ، و مافيش أي مشكلة بيني و بين زوجي و الحمد لله و رجعت أقدر أحل كل شئ مثل قبل



أعرف حقوق الأم و الدليل إنها كانت دايم تقول للكل إني أحسن وحدة أبر فيها بس كنت أضغط على
نفسي عشانها و عشان ربنا .. بس أنا في الأخير بشرررررر ، عقدتي أمي ..
ساعدوني ، أتخلص من المشاعر السلبية تجاه أمي ..
ترى ، عمري ما حسيت إنها أمي و حتى أخواتي هذا هو احساسهم تجاه أمي و قالتلي أختي مرة
بس الفرق إني كنت أدعي ربنا إني أكون بنت بارة بأمي و كنت أقرأ كثير عن حقوق الوالدين


ملاحظة :
- اللي بيرد رجاءً .. يحمد الله أولا على نعمة الأم ، كم تمنيت إني أحس إنه عندي أم بس للأسف
- اللي بيرد رجاءً .. أنا ما جيت إلا بعد ما خلاص كرهت حالي و تمنيت الإنتحار بجد .. و يوم تقربت من
أمي و فهمتها كثييييييير عشان أكون بارة بها أكثررررررر بس ليتني ما فهمتها
- و جزاكم الله كل خير ..

حبيبتي هدي حالك وما اعرف ايش اقولك

عندي بس كلمتين سمعتهم مرة وفعلا اقتنعت فيهم كثيير

أحياناً الأهل يكونوا نعمة ولازم نحمد الله عز وجل عليها

وأحياناً يكونوا ابتلاء يختبر الله في صبرك ورجوعك لله عزوجل

وشي ثاني الاهل هم واقع يجب أن نرضى به رضينا ام أبينا

احنا مافينا نغير فيهم أي شي

مالنا غير الدعاء لهم بالهداية وحسن الحال

أما احنا واجب وواجب وغصب كمان علينا نرضيهم ونطلب رضاهم بشتى الوسائل وإن كان هم مارضيو

روحي واجلسي عند رجولها وابكي وقوليلها انا ما انام اليل ولا نهار لانك زعلانه مني ومن هالكلام حتى تسامح

لان رضاها هو فيه توفيقك بالدنيا والآخرة

كنت اتمنى اكتب اكثر بس مشغووولة مرةة
وان شاء الله بس فضيت لي رجعة ثانية

اسال الله ان يوفقك دنيا وأخرة ويرزقك بر والديكي وبر ابنائك يارب

أختي بنبوتة

تعرفي إنه الكلام هذا قلته لأخوي الصغير مرة .. أنصحه إنه معلييييه يحاول يسمع كلام أمي
و يتجاهل تجريحها و قسوتها و إهانتها له ؟؟؟؟؟؟؟؟؟؟؟

أخوي هذا ماشاء الله تبارك الله ، في سن المراهقة لكن بجدددددددد انسان ناجح بحياته
صح منطوي و ما يحب يخرج كثير ، لكن ماشاء الله عقله أكبر من سنه و كلامه منطقي

بس أمي ما تبغاه يسمع و لا يرى و لا يتكلم
إذا قال رأيه في شئ ، شتمته و سبته ،، على كل شئ تنتقد ..

أخوي الصغير من القهر صار يطول لسانه عليها أحيانا ..
و أنا شايفة بعيني إنه أمي تستفزه بأي طريقة لحد ما يغلط عليها و يخرج عن طوره
و إذا تكلمت معها و أحد دافع عنه ، تسبه برضو و تشتمه و تدعي عليه ؟؟؟؟؟
ماعرف تبغانا نتضارب عشان ترضى علينا ؟؟؟؟؟؟

تكلمت مع أخوي من غير ما أمي و لا أحد يدري ،، و نصحته ..
بس خلاص تعبت أنا بنفسي ..


أحس كل ما تكلمت ، كل ما انشال جزء كبييييير من الهم ..

سبحان الله

والله بالصدفة الآن كنت اسمع هالمقطع قبل ما اقرا مشكلتك

حبيتك تسمعيه معي

المنتدى يمنع وضع روابط خارجية


موفقه ان شاء الله

أختي بنبوتة

الله يجزاك كل خيييييييير ،،
إيش أعمل طيب ؟ أنا تعبت خلاص ..

أمي حطمت كل شئ حلو في داخلنا و دمرت كل شئ حلو نملكه

أخواني و أخواتي يعانوا من عقد نفسية ،، صح ماهي ظاهرة ..
لكن واضح جدا ،، اللي منطوي مع ذاته ، اللي خجول مرة ، اللي عصبي مرة ..
و كل واحد شايل عالثاني ؟؟؟؟ كل ماحاولنا نتقرب من بعض ، بعدتنا أمي من بعض ؟؟؟؟

فيه شئ كمان
أمي عندها حب التملك بشددددددة ، بكل أسف
و ليتني ما فهمت أمي


و كل ماتقربت من أمي ، كل ما أخلاقي صارت سيئة و قلبي قسي أكثرررررررر

اختي الكريمة ..
تعاملي مع والدتك من خلال الله عز وجل وليس من خلال مشاعرك ..
صدقيني بأني اعلم تماماً مامعنى ان تكون الأم غاضبة على احد أبنائها !!
راضي امك ثم تعاملي معها إبتغاء مرضاة الله
ستتحسن الأمور مستقبلاً بإذن الله
ولاتنسي قول الله عز وجل
(وإن جاهداك على أن تشرك بي ماليس لك به علم فلا تطعهما وصاحبهما في الدنيا معروفاً )
هذه صحبة الوالدين الكفار (المعروف) .فما بالك بالمسلمين ؟؟
أسأل الله لك الخير والصلاح والسعادة ورضى الوالدين

أخوي الفاضل أبو فراس

تعاملي طول عمره مع أمي عشان رضا ربنا ،، حاولت أكسب قلبها بس خسرت المعركة
و السبب ، إني بنت و ماني ولد ،،

و مع كذا بأنظر للموضوع بشكل إيجابي و أقول في نفسي ، يوم كنت صغيرة كنت أحاول أثبت لأمي
إنه الولد مو أفضل من البنت و بسبب الشئ هذا ، نجحت و الحمد لله في حياتي بتفوق
و أنا بنتها الوحيدة اللي بين أهلي ،، إدارة المدرسة نادوا أمي و كرموها في مجلس الأمهات
و أعطوها شهادة الأم المثالية ، و مازلت محتفظة بالشهادة .. و كنت أحصل على الترتيب الأول في
المدرسة و الطالبة المثالية ،، أبوي كان يفتخر بيا و الحمد لله ، بس أمي دايما نظرتها لنا إنه نحن
و لاشئ ، لإنها تربت كذا مع أمها ..

على كثر عيوب أخوي و أخلاقه السيئة مع الكل ووووو إلخ بسبب الدلال الزايد ،،
بس تشوف إنه البطل ، إنه و إنه و إنه ،، و إذا حاولت أعمل معروف معاه و أساعده و أنسى إساءاته
لي ، فأمي تشوف إنه الشئ هذا غصب عني ،، لإنها جابتنا نحن خدم للأولاد ؟؟؟؟؟؟؟


أنا راح أسعى عشان أرضي أمي ، لكن بأرجع مثل زماااااااان ..
أوصلها و أسأل عنها ،، لكن ما أفتح قلبي لها و لا لأحد ..
هذا اللي يوجع لي قلبي ، ليييييييه كذا تعاملنا و تكرهنا ؟؟؟؟؟

طول عمري تمنيت يكون عندي أمي و كنت أسعى عشان أكسب حبها بأي طريقة
بس يوم فهمتها في الأخير ، اكتشفت إنه مستحيييييل ،، دايم تقول أنا ماعمري حبيتكم

من يوم تزوجت من 5 سنوات ، و أنا أتقرب منها أكثر من قبل و أحسسها إنه قلبي و عقلي
معها .. و أنصح أخوي الصغير يسمع كلامها وو مهما كان هي كبيرة و نتحمل وووو إلخ
و ما أنكر فضل زوجي بعد الله ، إنه كان دايم يطلب مني أتقرب من أمي و هي تحرضني عليه

ما أحب أتكلم كذا عن أمي ، بس أنا بجدددد ابغى أتخلص من مشاعري هذه اللي بداخلي
اللي كتمتها سنين و تجاهلتها و في لحظة ألم و قسوة منها و سخرية و استهزاء و تحطيم ، انفجرت بالبكاء

أمي تتلذذ بإهانتنا و كسر الثقة بداخلنا
أخواني و أخواتي تنقصهم الثقة بشخصياتهم و الحمد لله إني تخلصت من العقدة هذه
لإني كنت دايما أقرأ كتب و أصاحب بنات صالحات و الحمد لله و أحط حرتي في الدراسة

طوووووووووووووول عمري بعيدة عن أمي ، أو بالأصح هي بعيدة عنننا
كنت أحسبها تحبنا و أبحث عن حبها و حنانها و أرضيها بأي طريقة

لكن طول عمرها ساخطة علينا و السبب ، إنه ربي خلقني ( أنثى ) ..
تقولها بصراحة لنا ، أنا أكره البنات و ما عمري حبيتكم و إنتم اتولتدوا و جيتوا للدنيا عشان تخدموا أخوانكم الأولاد

و الحمد لله إنه أبوي الله يرحمه كانت شخصيته قوية ، لكن كان حنون و قلبه طيب و ما يرضى أحد يغلط على البنات

سبب الزعل :

أنا تزاعلت مع أمي بسبب إني وصلت لمرحلة خلاص أبغى أتطلق فيها من زوجي عشان أرضي أمي
تكلمت مع زوجي و نفسيتي كانت خلاص متعبة و قلت له نحن لازم ننفصل خلاص و كنا نازلين لأهلي و أهله

جلست مع نفسي كم يوم في بيت أهلي و أفكر في شريط حياتي كلها ..
سألت نفسي عن عيوب زوجي و محاسنه ، و لقيت إنه أعطاني الحنان اللي أمي ما أعطتني هو أبدا
عالأقل عمره ما جرحني بكلمة و يراعي مشاعري حتى لو غلطت أنا عليه

بس إنه ما يملى عين أمي لإنه فقير و أسباب تانية ، و أمي شافتني ساكتة و مسرحة و صارت تشتم فيا من دون سبب
و كنت أتجنبها أو أطنش و أتجاهل أي كلمة و هي ما تدري إنه كلامها زي الرصاص على قلبي و أسكت و أتجاهل
و علشان تقهرني أكثرررررررررر و تستفزني تبدأ تسب في زوجي و تنتقص فيه أمامي

تجيب عيوب زوجي و تتريق عليه أمامي بدون أي سبب ، و ما تدري إني كنت مع زوجي على الحافة خلاص
و كلامها هذا هو اللي مسبب لي مشاكل مع زوجي ، كل ما حاولت أرضيها على حساب نفسي و حساب زوجي
ما يعجبها شئ ، أحاول أداري و أمشيي و أطنششش بس برضووو ترجع أمي تفتح لي مواضيع من عندها
تبغى تستفزني بأي طريقة ، و مو أوول مرة خلاص صرت أفهمها مثل الكتاب المفتوح

و بعدين آخر شئ ، بعد كم يوم زادت أكثر أمي في الكلام و صارت تقول لأخوي و أخواتي كلام بلساني أنا ما قلته
و داااااااااااااااااااااايما كانت تعملها معاي و يحقدوا أخواتي و أخواني علي و أقوم أكبر عقلي و أطنششششش
تقوم تستفزني بأي طريقة و تجيب عيوب زوجي أمامي و يوم وجهي ينقلب أو أتجاهل الموضوع

تتصل على أختي و تشتكيها عني و تقول كلام عني ما قلته و إنها هي اللي جالسة في حالها و أنا اللي بأغلط عليها
أنا لإني فاهمة أمي ، فكانت يوم تشتكي لي عن أي وحدة من أخواتي ،، أقوم أقول لأمي ما تقصد و إنت خفي عليها
وووو إلخ ، يعني أهدي الأوضاع ، بس أخواتي و أخواني لأ .. يصدقوا أمي و يقوموا يحقدوا علي سنوات
ليت ساعات ؟؟؟؟؟؟؟؟

و أنا عارفة إنه أمي ما ترضى عننا لو ولعنا لها أصابعنا العشرة ،، و السبب إنه أمي عندها عقدة من (البنات)
كلنا عارفين الشئ هذا و هي تعترف بالشئ هذا

دحين أفتكر كل الذكريات من يوم و عمري 5 سنوات ،، إلى اليوم ..

أنا طالعة على أبوي صريحة و ما أشيل في قلبي على أحد ..
و افتكر كلمة قالها أبوي الله يرحمه (عمره أبوي ما تكلم عن أمي بسوء) بس مررررررة عصب منها و خرج عن طوره
و ما كنت أدري ليه يعصب ؟ مرة وحدة تكلم و قال لي و ما أنسى كلامه

قال ، إنتوا ممكن تشوفوني عصبي و أعصب بدون سبب .. بس بكرة إذا كبرتوا تفهموا كل شئ و تعرفوا إنه أمكم أنانية ..
هذه الكلمة الوحيدة اللي قالها .. بس أمي ياما تكلمت عن أبوي الله يرحمه و سبت فيه قدامنا و قدام أهلها تتريق عليه
بس قدامه كانت تخاف منه .. أمي تعرف إنه كلامها عن أبوي يجرحنا ، بس تحب تستفزنا ماعرف ليه ؟؟؟؟؟

و تبغاني نفس الشئ أعامل زوجي ،، و هذا سبب زعلها مني كمان
لإني بالغلط قلت لها ، زوجي له حقوق علي أكثر من أخوي .. و ما نسيتها أمي و حطتها في راسها



طيب إيش الحل ؟

ارضي أمي ، و لا شعوريا أتأثر بكلامها عن زوجي و ماقدر أتحكم في نفسي و هي تعرف إيش يستفزني ،،
أمي تحب تستفزني و باين مرة حتى زوجي مرة قال لي ، ماعرف ليه أحس أمك تغار منك ؟
و جلست أضحك و أقوله مستحييييل .. طبعا زوجي دايما يقولي أسمعي كلام أمك و لا تزعليها
و دايما ينصحني أقدم كلامها على كلامه ، و ما يدري إنها تتكلم عنه بسوء و تشتم فيه و تستقل منه
و تشوفه ما يسوى ولاشئ ، لإنه أمي بنظرها الرجال هوو اللي يضرب و يكسر و يسب و يشتم
بس الرجال الحنون و اللي يخدم زوجته في البيت ، هذا مو رجال ،، هذه نظرة أمي

ليتني ما فهمت أمي و جلست على عماي ..


حق الزوج مقدم على حق الأم عند ربنا زي ماقريت

أزعل أمي و أكسب حياتي مع زوجي ؟؟؟؟؟؟
أنا بأحاول أراضي أمي ، و ما قصدت أزعلها بس أوول مرة أتكلم و أقول اللي في قلبي وقتها و كلامي كله كان صحيح
و لو ما تكلمت وقتها ، كنت راح أتعبى بداخلي على زوجي و ممكن كنت طلبت أتطلق من زوجي ،، لإني وصلت لمرحلة
وقتها تعبتتتتتتتتتتتتتتتتتتت و ما قدرت أوفق و كانت حياتي مع زوجي على الحافة ،،

لإني دايما كنت أبحث عن رضا أمي على حساب نفسي و حساب زوجي وووو إلخ
بس عمرها ما رضيت عني ، مع إنه أخواتي و أخواني كانوا يقولوا إنها من وراي تمدح فيا و تقولهم إني أحسن وحدة فيهم
بس أمي دايما كذا ، قدامي تمدح في وحدة من أخواتي و تقول أحسن منك و قدام أختي تقول أنا أحسن منها
و قدام أخوي تقوله أخوك أحسن منك و زي كذا ،، وو كل واحد يبدأ يحقد على الثاني و يكرهه

بس الحمد لله إني تغلبت على المشاعر هذه و ما عمري كنت أخد كلامها بشكل جدي و ما أخليه يأثر فيا
ماعرف ؟ يمكن تأثرت بأبوي الله يرحمه و كان دايما أبوي يعزز ثقتنا في نفسنا و يعلمنا كيف نقول (لأ) بصراحة و بدون خوف

معليه تكلمت كثير ، بس يمكن ألقى الحل معكم
هذه أمي و ما أقدر أتكلم قدام أحد عن أمي

بس هذه المشاعر جالسة عندي و بتجلس لحد ما أموت
و أبغى خلاص أفتك من الذكريات التعيسة

تم النقل إلى القسم الأنسب..

جلست مع نفسي ، و سألت حالي ؟؟؟؟؟؟
زوج أختي يبهدل فيها و يشتمها و يشتم أهلي قدامها و ما يحترم أهلي و لا يقدر أمي و كم مرة تكلم عن أمي
بس إنه غني ماشاء الله و أهله معروفييين .. بس أمي تحترمه و تحبه و تقدره

زوجي عمره ما جرحني بكلمة و يحترم أمي و اهلي و إن كانت فيه ، بس أهووووووون من عيوب زوج أختي و غيره
و كلها الحمد لله تعدلت تقريبا بعد الزواج و زوجي دايم يقول لولا الله ثم إنت ما كنت تعدلت
(الغريب إنه زوجي يشوفني أميرة و يمدح فيا و الناس تمدح بأخلاقي و تعاملي و حتى في الجامعة تكرمت عشان
الأنشطة و سلوكياتي ، بس أمي تقول دايما الله يعين اللي يتزوجك ، إنت ماحد يستحملك وووو إلخ ؟؟؟)

و أمي تشوف زوجي ولاشئ ،، و بعد ما فهمت أمي ،، عرفت إن أمي تحب الفلوس ، مادية ..
لإني جلست أشوف الناس اللي أمي تحبهم و تحترمهم و تقدرهم و اللي ما تحبهم .. أمي تحب المظاهر كثييييير ..
و يهمها كلام الناس .. صح تحبنا بس تجرحنا ، تذلنا ، تقهرنا ، تستفزنا ؟؟؟؟؟ ليه ؟؟؟؟؟؟؟؟؟



حصل موقف مرة ..
أمي سمعت بالغلط إنه زوجي أعطاني ( كف ) ،، فهمت بالغلط من أختي ،، إنه زوجي أعطاني (كف) لأول مرة ..
أختي تفاجآت و قالت لي و هي مستغربة ، إنه أمي فرحتتتتتتتتتت مررررررررررررررررررررررة و انبسطتتتتتتتت
و قالت و الله زوجها رجااااااااااااااااااااااااااااال ،،

أختي انقهرت و جلست تدافع عني قدام أمي ، و تقول لها : يا سلام ؟ يعني لوو أعطاها كف كنتي راح تنبسطي ؟؟؟
قالت لها أمي : ايوة .. أخيييييييييييييييرا صار رجال زوجها ؟؟؟؟؟؟؟؟؟؟؟؟؟؟؟؟

عشان كذا بأقول لكم .. ليتني ما فهمت أمي ..
و الحمد لله إنه الموضوع انفهم غلط ..



فقمت أنا علشان أخلي أمي تحب زوجي و تحزن عليه .. و عشان لا تفرح و تنشر وسط الناس إنه زوجي أعطاني كف
و الشئ هذا أصلا ما صار .. و لإني بديت خلاص أفهم أمي مضبووووووووووووووووووط ..

قلت لها ، لا .. أنا اللي أعطيته كف ، مو هووو ..
(لإني أعرف أمي تخاف من كلام الناس و ما راح تقول لأحد الشئ هذا تخاف الحريم يقولووا ما عرفت تربي بنتها)
قامت تخاصمني و تقول كويس اللي متحملك زوجك و احمدي ربك ، و من يومها أمي قلبها على زوجي
إنه كويس متحملني .. و كنت من زمان أخطط إني أخلي أمي تحب زوجي


و الحمد لله دحين صارت تحبه (بتخطيط مسبق من راسي)،
يوم من الأيام زعلت زوجي و خليته بالقصد يتصل على أمي و يشتكي لها عني .. و من يومها صارت تحبه و تعزه
بس تحب تستفزني بالقصد و تكرهني فيه ، ماعرف ليييييييييييييييييه ؟؟؟؟


يوم كان زوجي يمدح فيا و يدافع عني ، ما كانت تحبه .؟؟؟؟