السلام عليكم ورحمة الله
اخواني اعضاء المنتدى الكرام انا شاب عمري 29 جامعي واعمل منذ 4 سنوات ومرتاح ماديا ولله الحمد انتمي لعائله محافظه وقررت قبل فتره اني اتزوج وبدات عمليات المسح الجغرافي من قبل اهلي لكل من يخصنا وبما اننا عائله (دقه قديمه تغلب العادات فيها على الشرع) كان لزاما علي اني اتزوج انسانه مااشوفها (مافيه شوفه شرعيه) المهم في يوم عمتي واللي تكبرني ب5 سنوات ذكرت لي بنت من جماعتنا وسالت شيخ هل يحق لي ان ارى صورتها بما انه لايوجد لدينا رؤيه شرعيه فذكرلي الشيخ دام نيتك زواج وفيه وسيط من اهلك فلا حرج وفعلا شفت صورتها وهي شافت صوري بكل حالاتي حصلت مكالمه جماعيه بيني وبينها وبين عمتي وعرفت منطق البنت وهي كذلك وكلمت الوالد والوالده واهلي وكلهم وافقوا وماظل الا الخطوه الرسميه وهي الخطبه ولكن :

1- في المكالمه اللي تمت بيننا ذكرت لي بالفم المليان انه يافلان والله اكون صريحه معاك انت لست فارس احلامي في الوسامه وفي جسمك وغيروه ولكن فيك امور خلتني انسى الوسامه طيبك وصدقك وتحملك للمسؤوليه ومخافة الله وبدات تعد من الايجابيات طبعا انا اكيد ضمنا تاثرت ولكن كتمتها لانه انا ايضا ماكانت فتاة احلامي في الشكل ولكني اشتريت اخلاقها والتزامها واهلها الطيبين .

2- قبل كم يوم سافرت سفرة عمل 48 ساعه وهي ماتركت عمتي متى يرجع وليش تاخرت طيارته (يعني تبدي اهتمام غريب عجيب) حتى انها صرحت لعمتي اكثر من مره بانها تحبني وتموت فيني ولاتريد غيري في الدنيا

3- في هذه الفتره تكلم عمتي 50 مره باليوم عدا الرسايل وتسال وين راح وايش اكل وايش يسوي الحين ويعني كل شي كل شي...لكن امس كلمت عمتي وسالتها عنها قالت والله قبل شوي اتصلت فيني 20 مره ورسايل وردي بسرعه ولما كلمتها قالت غيري التلفزيون على ام بي سي طالع احمد عز فدددددددددددددددديته يجنن حلو رومنسي ويااااااااااااااااااااااااي ومن هالكلام انا لما سمعت من عمتي طبعا طرطعت وبصراحه عمتي غبيه مالمفروض تقولي هالكلام خصوصا وانا هي اختارت هالبنت ولما بديت انتقد عمتي قالت عادي طيب انت كل يوم تعجب بمذيعات العربيه والجزيره ومحد كلمك.

المووووووووووووووووووهم...............الان سؤالي هو :

1- معقوله اذا انسانه تحب واحد وهي مهتمه فيه تنظر لشخص اخر حتى لو كان ممثل تافه وسخيف ولاتنسون عمرها 25 سنه يعني ماهي صغيره او مراهقه ومتخرجه من الجامعه بعد.

2- وخصوصا انتم اخواني الرجال بالله عليكم لو كنتوا مكاني ماهي ردة فعلكم (اخترت الرجال لاني عارف النساء يدافعون عن بعض وانه عادي وماصار شي وانت مكبر الموضوع) وهل هذا شي عادي ام انا شخص غير سوي.


منتظر ردة فعلكم ضروري لاني بصراحه افكر اني اقدم على خطوه لا اعرف ماهي عواقبها ..


اقسم بالله مستغرب يوم تكلمنا المكالمه الجماعيه وجدت انسانه مثقفه وتفكر تربي اولادها بطريقه حضاريه محافظه وكثير جذبتني وثاني يوم احمد عززززززززززززززززز من وين طلع لنا هذا خرب كل الطبخه بجد انا مصدوم مررررررررررره مصدوم.

،

ههههههههههههههههههه طبخه سامجه !

مابي ارد عشان مادافع !

بسكت واشوف وش يقولون مع انه عندي راي ~

بما انه عايشين بمجتمع نسائي ومعـانا بنات متزوجات ويحبون ازواجهم لحد ...... { الثماله } !

ولــــــ ك ـــن !!!!!!!!!!!!

ماراح اكمل .................

نشـوف راي الشباب !


والله يكتب لك الخير .. استخير اهم شي ~

،/

__________________
{ احبــــ ـــكم بلا استثنـاء ~

إنتو لسة ع البر ,,,أنا ياخوي ما أنصحك فيها

مافي بنت تلاحق أهل العريس بهذه الطريقة

حتى لو كانت رغباااااااااااااانة

وين الحياء وين الأخلاق الزينة وين الالتزام بالدين؟؟

ما تخجل وهي تسأل عنك وعن تفاصيل حياتك

يكفي إنها من الأول جرحتك وأهانتك إنك مو فارس أحلامها..هذه وحدها المفروض تردك عن اكمال الموضوع

صراحة أنا ما ألتمس لها عذر في أفعالها

على اي أساس حبتك؟؟؟وش الجرأة اللي تخليها تقول إنها تحبك وميتة عليك؟

عمتك ماغلطت يوم قالت لك بالعكس هذه خيرة من الله يظهر لك شي يخليك تفكر مليون مرة قبل ماتقدم على الموضوع

أولا وأخيرا استخير وربك ييكتب لك مافيه الخير

طالما عمتك تنقل كل شي تقوله خطيبتك فيمكن نقلت لها اعجابك بالمذيعات فحبت تخليك تنتبه لهاشي وتبطل وبعدين هل تأكدت من البنت انها فعلا تتصل وتسأل وتسوي كل ذا ولا على ذمة عمتك وبس

اخي الكريم اللي هذا اوله ينعاف تاليه ..
تذم شكلك و جسمك و تمدح شكل ممثل امام عمتك ,, لا اعتقد انها بداية جيدة ابداً و لا اعتقد ان هذه الامور ستزول من ذاكرتك او بالك اطلاقاً و لو بعد مئة سنة !
ناهيك عن انك غير مقتنع بشكلها !

انصحك بالتروي و الاكثار من الاستخارة و الله يكتب لك اللي فيه الخير

اختي dant لا ردي ابغى رايك وراي الاخوان ضروري جدا والا ليش صارلي ساعه وانا اطبع انكسروا اصابعي

اختي نصف دائره قلبتي مخي الله يجزاك خير بس على حد علمي لانه البنت محافظه ومن كلام عمتي عني (القرد بعين امه غزال) وبعد المكالمه الجماعيه كل هذه الاسباب خلتها تتعلق فيني تقدرين تقولين اول شخص بحياتها وانا الجماعه اعرفهم ناس جدا محافظين مش لاني ابي اتزوج منهم ولكن هذي سمتهم بين كل الناس.

اختي ملاك كيف تقولين على ذمة عمتك وكانك تشككين اذا عمتي صار لها شهر وهي تقنع فيني وتقولي تكفى لاتروح منك ودايم تقول سر اهتمامها فيك لانها وجدت فيك كثير امووووور ماهي موجوده بمحيطها من اولاد عمها وغيروه يعني.فليس من المعقول انه عمتي تتبلى عليها وخصوصا اني اعرف حكم العلاقه بينهم من اول هم صديقات رغم فارق السن

ياجماعه ترى انا صليت استخاره وماشعرت بشي +1 -1 =0 يعني حياد لا اني تضايقت ولا فرحت هذاك الفرح العارم حسبي الله ونعم الوكيل حتى بالاستخاره مافيه كونفيرم

ليه تعتبروه تشكيك انت كل شي تقول عمتي قالت عمتي قالت وما سمعت من البنت وطالما عرضت موضوع اسمع كل الاراء مو تشكيك من وين اعرفها عمتك عشان اشكك فيها بالعقل هي

انت استخرت؟


سؤال مهم لابد من اجابه صريحه

قال الأخ انه استخار ... ولكنه قال أنه لم يشعر بشيء ...


وهنا أقولك ليست الاستخارة ان تشعر بشيء ولكن هو ما ييسره الله لك من إمضاء أمرك وتيسيره وطرح البركة فيه أو صرفه عنك وارضائك بأبرك منه ..



وفقك الله،،

انا امشي بعبارة
"عامل الناس كما تحب ان تعامل" و "اللي بيته من زجاج ما يضرب بيوت الناس بالحجر"

يعني اذا انت معروف عنك انه عيونك زايغه و تقول انه المذيعات حلوين المفروض ما ازعل لو خطيبتي او زوجتي قالت نفس الكلام عن رجال هذا شي

و كمان البنت قالت لعمتك ما قالت لك يعني رح تستحي تفكر تقول لك شي زي كذا

و برضو البنت لما تطالع في رجال مو زي الرجال لما يطالع في الحرمه ... هيا تشوف ملابسه ... الستايل حقه ... لباقته

اما احنا الرجال ......... انت ادرى

انا اشوف الموضوع عادي وما فيه شي البنت قالت رأيها صحيح الحياء مطلوب لكن هذي خطيبتك!! و ما اعتقد انها قالت كلام غلط او خارج عن الحياء

الحرمه لما تحب رجال ما يهمها وسامته يهمها معدنه