السلام عليكم جميعا,,,بدايه انا لسا جديدة عالمنتدى وهذا اول موضوع لى واناماحب المنتديات كثيرلكن سبب تسجيلى هناانو لمست فيه ناس ناضجه من مواضيعهم وحسيت بارتياح له,,,,,,,,بدخل بصلب موضوعى علنى اجداستشارة اومشاركه اواحساس اودعاء بس اتمنى الى يدخل مايبخل على باى دعم يقدرعليه والجزاء من ربى سبحانه اسئل الله ان يفرج عن الجميع ويحقق الامانى دنيا واخرة يارب,,,,,,انابنت عمرى 27 سنه لم اتزوج وكل ماتقدم شخص لم يناسب او امشى بالسالفه وبعدين تتبين لى امور اكرهها واتركه وهكذا الموال حتى كرهت هالشى وبديت افقد الامل خلاص وارضالانوشى متعب للنفسيه انك تدخل بموضوع اواجه اشكاليات واتنازل عن اشياءوبالنهايه مايتم لكن الحمدالله ولله حكمه فى ذلك ,,,اخرالمطاف تقدم لى مطلق زواجه الاول شهور بسيطه طلقها بحجه انو مارتاح وماحبها ولكنى غضيت الطرف وقلت اهم شى يكون كويس ورجل ومو مشكله مطلق تجربه ومر فيها وانتهت مستواة التعليمى اقل منى مستواة الاجتماعى والاسرى اقل ولكنى قلت مقابل انى اعف نفسى واعف هالرجل اتنازل لان الامور الحمدالله مامست اخلاقه اودينه وكتمتها بقلبى ومشيت بالسالفه برغم اشكاليات واجهته من بعض من اهلى ماكانو مقتنعين بخطوبه كذا ولكنى مشيت بالموضوع وتنازلت وللعلم من داخلى ماكنت مبسوطه او مقتنعه بس بصراحه تعبت من الانتظار والرفض اعرف ان هذا التفكير خطا وان الموهم حسن الاختيارلكن الخوف وخطب ماتتم ارعبتنى وخلتنى امشى بالموضوع حتى جت الشوفه وشفته؟؟؟وليتنى ماشفته حسيت بضيق وعدم ارتياح لدرجه طلعت ابكى مدرى شالحكايه؟؟؟مع انه مو شين عادى لكن مافهمت شعورى ايش بالظبط وقلت يمكن ترسبات كلمت شيخ وقال احتمال نفس تخلي مواضيعك ماتتم او سبب عدم ارتياحك للشخص هذا وزاد هم ووسوست ىزيادة بس قلت الحمدالله بكمل الحكايه وصرت استخير وتغاظيت عن كل شى وكتمته وقلت بوافق برغم تحذير بعض من اهلى ومشيت طالما ماوصل الموضوع لدينه واخلاقه ووصلت للفحص وكل شى سويته لكن لشى الى قهرنى حيل وماقدرت اتحمله هو برودة هالشخص وتمطيطه للسالفه بشكل غريب,,,يعنى يغط ويروح وبعدين يرجع يتصل وحنا ننتظرة ماحنا عارفين ايش سالفته والان من بدايه الحكايه ممكن 5 شهور والموضوع جالس يتمغط يروح ويرجع حسسنى بالاهانه!!احرجنى قدام اهلى!!هو الشخص الى اخترته برغم انه مافيه مواصفات والمفترض يفرح ويحمد ربه ويحسسنى بفرحه وحماسه!!شفت العكس تماما قل اتصالات قل مبالاة!!طب ليش والله قهرنى يخلينى ادخل واشوفه ووانشغال وقلق وهم كل الفترةواسوى فحص ومرمطه وبالنهايه كذا تصرفاته!!برود اهمال لامبالاة عجزت ادور تبرير ثانى
!!انا تحملت اكثر من شى لكن ان الموضوع يوصل لكرامتى وانه مو متحمس لللزواج لااااااااااااااااااا لى هنا كفايه فقررت انى ارفضه لانى جد تعبت نفسيا والله بس ماخفيكم بداخلى حسرة انى عشت الجووتخيلت انو خلاص هذا النصيب وتجاوزت اشياء كثير وقررت الارتباط ليش كل مانويت سبحان الله تنتهى السالفه من قبلى يصير شى !!الحمدالله على كل ال هل ممكن هذا نتيجه استخارتى ودعائى !!انا بدخلى قر وحسرة من تصرفه مع العلم ان كان ببداي زواجه السابق نفس التصرفات تمطيط ولا مبالاة سواها معهم لحد ماطلقها هذا الى خوفنى !!انا بقهر منه بنفس الوقت قاعدة افكر انو الغى تفكير الزواج نهائى من راسى لانى كم تجربه ادخله خطوبه وتفشل واحلم وتنتهى اسكر باب الزواج واريح حالى واهلى ولا ايش؟ارجووووووووووووووووووووووووووكم مو معتادة اكتب شى يخصنى بشى علنى كذا بس للظروف احكام ابى الكل يشارك الى لها خبرة تزوجت وانفصلت والى مثل كذا صار والى له خبرة بالحياة ارجوكم ابى رايكم ماتبخلون فيه وادعيتكم,,,,,,,,,,,,,,الف شكر وجزيتم خير غادة
06-05-2010, 03:12 PM
ضوابط المشاركة
العرض العادي
