شاهدت حادث تاثرت به
بسم الله الرحمن الرحيم
سلام عليكم ورحمة الله وبركاته
اول شي ياخوان انا سجلت عشان افضفض الي فيني وابغاكم تشوفون لي حل
طبعا انا طالب في جامعة البترول وكل اسبوع امتر لشرفيه
واول سنه لي
السالفه
اليوم طالع من البيت انا وخويي قاعدين نتمشى طبعا في الرياض كنت اسوق ودخلنا على شارع رئيسي
وكنا نسولف وفجاءه نشوووف قدامنا حادث قويييي صار بثواني قدامنا لو انا كنت وراهم على طوووول يمكن انصدم معهم بس الحمد الله ربي ستر ودعاء الوالدين طبعا السياره الي انصدمت من نوع جمس وسياره الثانيه عاديه
انا على طووول وقفت ورحت لجمس لان السياره صارت معدووومه لدرجه ماتتخيل واشوف بنت في الجمس ماتقدر تطلع قربت من عندها وتقولي ساعدني تكفى جو شباب معنا ماقصور حاولنا نفتح الباب بس ماقدرنا والبنت تصارخ وحاولنا ماقدرنا وهذا قدر ربي
جا الدفاع المدني والاسعاف طبعا البنت هاذي ماتت الله يرحمها ويغفرلها الجنه والله يصبر اهلهم يارب
وبعدها عفت الريااااااض على طول رحت البيت واخذت اغراضي ولشرقيه
ونصبت على امي ان علي اختبار بكره
انا كاره الرياض من زماااان واتحشاها لدرجة اجلس شهر وامي تدق علي وانا اكذب عليها اقول مشغول مع الاختبارات
سبب كرهي فقدت اعز اثنين من اخوياي في حادث
قاعدين يحترقون قدامي وانا ماقدر اسوي شي على قولة المثل العين بصيره واليد قصيره
واذا جيت لرياض اتذكرهم وخاصة في اماكن كنا نجيها ونجلس مع بعض
اذا شفت الاماكن اتضايق
الزبده من موضوعي اي شي ياثر فيني اتذكره لو بعد شهرين
كل ماذكرت صوت البنت وهي تطلب المساعده يحترررق قلبي
ابغى حل
سامحوني اذا كثرت كلام
التعديل الأخير تم بواسطة اموت في اولادي ; 13-05-2010 الساعة 05:00 PM
13-05-2010, 05:30 AM
ضوابط المشاركة
العرض الشجري