كيـــف تعملي ( دونات ) دائريه ومرتبة ؟؟

[Ms. Blue]

.. هلا بالحريم السنعات

.. كنت افحط هنا بالمنتدى .. ولقيت بموضوع دونات الكرسبي كريم .. انه المعظم سئل صاحبة الموضوع

عن شكل الدونات الدائري والمرتب ..

.. فقلت أخبركم عن طريقتي في عملها بشكل دائري ومرتب


.. أمس جربت طريقه الأخت ( مجرد رومانسية ) لعمل الدونات .. وكااااااانت تجنن وحلوة والكل اتجنن عليها ..
.. مع انه العجينه احتاجت مني طحين اكثر من الا أخت قالت عليه .. وانا ضفت ( روح الموز ) من عندي .. وعطاها طعم مميز .. احتاروا الجميع .. شنو النكهه المميز فيه ..

..لكن وقت تشكيل العجينه .. كان خاطري تكون دائرية تمام .. ومرتبه ..

.. فشغلت المُخيــخ تبعي .. وطلعت بفكره ..

.. فردت العجينة .. وقطعتها دوائر عادية .. وبطرف الكاس << ما عندها قطاعة .. وبعدين فكرت

بشيء ممكن أقطع فيه وسط الدونت .. وفكرت وفكرت

.. وفتحت درج المطبخ ولقيت


.. ( ملعقة حليب الاطفال ) .. تعرفوها ؟؟

الملعقه البلاستيك الا تجي مع حليب الاطفال الرضع ..

.. وقطعت فيها وسط العجينة .. وكانت قطاعه شطوره ..

.. وصار شكل الدووونت حلو ودائري وومرتب ..


.. أدري انها قصة طويله ,, بس حبيت أفيدكم بخبراتي المطبخيه خخخخخ


.. ** .. ملاحـــظة : توجد قطاعة خاصة بالدونت .. والا تعرف وين يبيعونها .. تشتري لي وحدة

[أم يوسف2]

هذا سؤااالي الدايم

كيف نخلي الدونات مرتبة و اللقيمات كمااان

بس ماعندي ملعقة حليب برجع افتح الدرج وادور شي ثااني

تسلممي على الافادة الحلوة

طب عندك طريقة لترتيب اللقيمات

[ام لؤي34]

	الرسالة الأصلية كتبت بواسطة noora هذا سؤااالي الدايم كيف نخلي الدونات مرتبة و اللقيمات كمااان بس ماعندي ملعقة حليب برجع افتح الدرج وادور شي ثااني تسلممي على الافادة الحلوة طب عندك طريقة لترتيب اللقيمات

هلا بالامور ة نورة ممكن تستخدمي بدل املعقة الحليب غطاء علبة الماء الصغيرة ولصاحبة الموضوع مشكورة وانا فعلا بعمل بالكاسة وبالنص غطاء الماء بعد مااضعه بالطحين

[رحيل دائم]

انا كمان بس كون بحاجة لقطاعة خاصة للبسكويت والدونات اذا عملت شي مرة بستخدم الكأس الصغير
يسلمو و كتير

[أم يوسف2]

يسلموووووا ام لؤي فكرة حلوة ..

مشكورررة ياقلبي

[ندى_1406]

أختي تقطع الدونات من الوسط بغطاء أحد الأدوية يجي صغير وطرفه حاد

الله يسعدك غاليتي

[Ms. Blue]

	الرسالة الأصلية كتبت بواسطة noora هذا سؤااالي الدايم كيف نخلي الدونات مرتبة و اللقيمات كمااان بس ماعندي ملعقة حليب برجع افتح الدرج وادور شي ثااني تسلممي على الافادة الحلوة طب عندك طريقة لترتيب اللقيمات

.. اهم شيء يا ( نوورا ) عرفتي كيف تعمليها دائريه ومرتبه .. ( امانه تدعي لي بالفرج وزوال الهم ) ..

.. اما عن اللقيمات .. فأنتو بالسعوديه مقاديركم مختلفه عنا أحنا بالبحرين ..

.. وانا ودي أسوي اللقيمات بطريقتكم ..

.. احنا لقيماتنا تتكون بس من طحين وخميرة فوريه , وماء دافي .. والاهم يكون الزيت ساخن وغزير .. وتحطي العجينه بالملعقة , وتكون يدك شوي عاليه .. علشان تزل العجينه , وتسرح وتمرح في الجو وبعدين تنزل تتحمم بالزيت *_^

..**.. لما تعملي الدونات , وتقطعي وسط الدونات , راح يتكون عندك عجينة دائريه , لا ترميها , أقليها بالزيت مع الدونات , شكلها يجنن وهي كوره ومرتبه راح تكون .. تقدري تغمسيها بكاكو سائله او عسل ومكسرات , او سكر ناعم , يعني على حسب ذوقك وابداعك ..

[أم يوسف2]

الرسالة الأصلية كتبت بواسطة Ms. Blue .. اهم شيء يا ( نوورا ) عرفتي كيف تعمليها دائريه ومرتبه .. ( امانه تدعي لي بالفرج وزوال الهم ) .. .. اما عن اللقيمات .. فأنتو بالسعوديه مقاديركم مختلفه عنا أحنا بالبحرين .. .. وانا ودي أسوي اللقيمات بطريقتكم .. .. احنا لقيماتنا تتكون بس من طحين وخميرة فوريه , وماء دافي .. والاهم يكون الزيت ساخن وغزير .. وتحطي العجينه بالملعقة , وتكون يدك شوي عاليه .. علشان تزل العجينه , وتسرح وتمرح في الجو وبعدين تنزل تتحمم بالزيت *_^ ..**.. لما تعملي الدونات , وتقطعي وسط الدونات , راح يتكون عندك عجينة دائريه , لا ترميها , أقليها بالزيت مع الدونات , شكلها يجنن وهي كوره ومرتبه راح تكون .. تقدري تغمسيها بكاكو سائله او عسل ومكسرات , او سكر ناعم , يعني على حسب ذوقك وابداعك ..

ايه عرفت الدونات .. ربي يفرج همك و يسعدك و يبعد عنك كل سؤ و يحميك و اسرتك ياااارب

بالنسبة للقيمات انا مو منالسعودية ... و طريقة امي مثل طريقتك

تطلع حلوة مقرمشة و كل شي بس اشكالها تخوف ..

[Ms. Blue]

.. العزيـــزة نورة ..

.. الظاهر انك تعملي عجينة اللقيمات , مرررة سائله ؟؟

.. الافضل انها تكون شوي متماسكه يعني لا سائله صعب تمسكينها , ولا مرره متماسكه كانها عجينة فطائر ..

.. خليها تكون ( مايعه ) << ما تعرف كيف توصفها .. المهم أنك تقدرين تمسكينها . . وحطيها بزيت غزير , وساخن ..

.. والبعض يصب اللقيمات بيدة , والبعض بالمعلقه .. والاهم انه يدك تكون عاليه شوي عن مقلاة اللقيمات ..

يلاا رمضان السنه لازم تسوين لقيمات حلوة ومرتبه وكرويه ..