/
السلام عليكم ورحمة الله وبركاته

بصراحة ترددت كثير في كتابة هذا الموضوع ..
لكني مالقيت حل غيره / استشير وآخذ أرائكم وتنصحوني باللي ممكن يفيدني
انا متزوجة من خمس سنين / وعندي ولد وبنت ..
زوجي مايقعد في البيت / ما أشوفه يجي يتغدى ويروح ومايرجع لي الا آخر الليل تعبان ينام
كنت احس ان فيه شي غريب ..وسألته وتهرب كالعاده باجابات ادري انها موب صحيحه بس اسكت
مره تأخر بالرجعه لليوم الثاني وقلقت اتصلت عليه لقيت جهازه مغلق وعلى هالحال يومين لين فاض بي وماعاد قدرت استحمل من القلق / كلمت اخوه وقلت له اخوك غايب وجواله مقفل دور عليه
تفاجأت بعدها بكم ساعه باتصال من اخوه انه بالسجن هو واصحابه اللي يروح لهم ويسهر عندهم والقضيه انهم انمسكوا بسالفة تعاطي مخدرات .. كل اللي معاه طلعوا بواسطه الا هو بقى بالسجن سنه
وماراح فيها الا انا وعياله / تكتمت على الخبر يوم سألوني اهلي عنه وقلت لهم مسافر بدورة شغل كل هذا عشان لايطيح من عينهم وما أخرَّب بيتي واشتت عيالي
كنت اواسيه وهو هناك واخفف عنه وانا بالعة الضيم .. قلت بيطلع ويتغير ويمكن خيره
طلع وما أحس ان فيه تغيير الا للاسوء صح ترك التعاطي وماعاد احس فيه اللي كنت احسه قبل
بس مهمل بيته وعياله ومهملني ..اخلاقه براس خشمه / مايتحمل مسئولية شي ابد
مايودي ولايجيب ..
ابي مشوار للسوق عطاني فلوس وقال دبري نفسك يودونك اخوانك او روحي مع اخوي الصغير انا مااحب الاسواق
اذا طلبت روحة لناس قال ماني فاضي عندي شغل ,, خلي اخوانك يودونك
حتى اذا مرضوا عياله ما يوديهم للمستشفى مع العلم انه موب قاسي احس انه حنون
لكن ماادري ليه كذا تعامله.. يقول انه يحبني بس مااحس بهالحب ولا بأي تصرف
لا يشاركني بتربية عياله / مايقعد معي / مايسولف / مايحس بي اذا تضايقت / واذا يوم جلس بالبيت يقابل التلفزيون لين يجيه النوم وينام..
يشهد علي الله ماكذبت بحرف عليكم .. اني اهتم بنفسي عشانه اهتم ببيتي وعياله لكن احس هالشي ما يأثر فيه ولا يحرك مشاعره .. مليت من الوحده طول اليوم بالبيت لحالي .. احس انه عايش لنفسه .. وانا الصدق ماعاد فيني صبر مثل قبل
صرت اعصب وانا ماكنت كذا / جاني القولون العصبي بسبب الكبت ..
لاتقولون تناقشي معه / لان ورب الكعبه بح صوتي من كثر ماناقشته ولا حياة لمن تنادي
اذا شافني عصبت وبكيت وزعلت عليه بيوم / يهديني لين ارضى وبس يحس ان الوضع رجع تمام رجع لنفس تصرفاته
مليت وربي ملييييييييييييييت .. ولا ادري وش اسوي
ان علمت اهلي بيزعلون وياخذوني من عنده ويقولون اتركيه / وانا ويلي عيالي ماابي اشتتهم حتى لو خلاهم معي وانا متأكده مابياخذهم لانه موب قد المسئوليه ولايبي الا وناسته بس
الا ان الطلاق بيأثر عليهم .. وانا جربت يوم انسجن كيف يسألون عنه وهم صغار شلون الحين بعد ماكبروا وفهموا كل شي
ابي نصيحتكم الله يخليكم .. وش الحل اللي تشوفونه سليم
وشلون اتصرف معه
اتركه واتطلق وآخذ عيالي .. او اسكت واعيش بهم لين اموت ..
ساعدوني الله يسعدكم
.

وعليكم السلام


هل تظنين أنه ترك التعاطي أم رجع له ولو بشكل أخف من قبل .....

فسبب إهماله هو امتداد لمشكلته السابقة قبل سجنه ....


وقبل تذكيره بعدم إهماله لكم ، هل ذكرته بالله ورغبته
بالتوبة وترك التعاطي وعالم الإدمان وشجعته
أن حياته ستكون أفضل من وضعه الحالي لو تاب إلى الله،
وسيكون بسعادة لو ترك الإدمان ورجع لربه
لأن هذه الحياة متعبة وليس لها معنى

والتذكير ليس مناقشة ومحاولة إشعاره أنه مخطىء
بقدر ما هو همسة وحضن دافيء وقرب في جو هادىء

حاولي تشجعيه للإستعداد لرمضان - الله يبلغكما إياه -
بصيام الأيام القادمة إستعداد وتعوداً لصيام رمضان ....





عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

السلام عليكم اختي

لا تزعلي مني بس انا برأي انك تطلبي الطلاق افضل من العيشة الي عايشتيها وبالنسبه لخوفك من تشتت اطفالك فهم بهذه العيشة بكل الاحوال مشتتين.... ولا تضحي بسعادتك على شانهم لان حتى هم ممكن يلومكي لما يكبرو لانك ما تطلقتي ويعتبروكي السبب باسلوب حياتهم الخطأ لانك ما تطلقتي




الله يصلح حالك وحالنا واحوال جميع المسلمين .

__________________


قال رسول الله صلى الله عليه وسلم: ( لا تدخلون الجنة حتى تؤمنوا ولا تؤمنوا حتى تحابوا..)

اسال الله ان يفرج همك يارب اختي العزيزه انا من رائي ان لاتطلبي الطلاق لان الان عندك اولاد والطلاق صدقيني مو حل انا اقول حاولي تهتمي فيه حاولي انك دايم تكونين متكشخه له دائما حاولي تسوي له مفاجئه لدخوله البيت ادري وربي اني حاس فيك لكن حاولي تغيرين من روتين البيت شوي حاولي تسمعينه كلام حلو حتى لوشفتي منه خطا اهتمي فيه انتي وهتمي في منظره وذوقه وذكريه بالله عز وجل وحاولي دائما تتناقي معاه برى البيت مو داخل البيت دايما يكون نقاشكم خارج المنزل في مكان هادي اسال الله ان يفرج همك وان يهدي زوجك ويصخره لك يارب العالمين وعليك بادعاء اخر اليل قومي وصلي لك ركعتي وطلبي الله عز وجل الله يوفقك ويسعدك يارب

اللي مثل زوجك ، لازم ترمي المسؤولية عليه غصب
مو دلع و حركات و لبس وو إلخ ، ما ينفع معاه

هدديه بيوم إنك تتركيه و اجلسي في بيت أهلك ..
بيني له إنك خلاص ما راح تتحملي الحياة معاه ، و إنك خلاص ما تبغيه .. خوفيه
زوجك ما يمشي إلا بالخوف

__________________

مشكلتك واضحه ومعروفة

وهي أن زوجك إيقن أنك أنت المرأة والرجل بنفس الوقت

أو بمعنى آخر أنتِ الزوج والزوجة بنفس الوقت

فهو يعلم بأنك تستطيعي أن تقومي بدور الزوج في كل شئ

لذلك هو يتكل عليك في جميع الأمور

الحل:

كوني زوجة فقط

وأهتمي بنفسك وابناءك فقط

وأتركي أموره وأمور البيت عليه واصري على ذلك حتى لو أدى الأمر إلا أن تهملي أموره وأمور البيت وأنت تتفرجي وتقولي له أنت المسؤل



مع ملاحظة أنه لو بدء في الإهتمام والقيام بواجباته كرجل وكزوج مسؤل عن عائلة

عليك أن تمدحيه وتشجعيه وتشعريه بأن مايقدمه عظيم جداً



اعانك الله

لابد تحسسينه بعمق المسئوليه الملقاة على عاتقه تجاهك وتجاه أطفاله والا ماراح يتعدل فيه اي شيء انصحك بالشده واللين في نفس الوقت واذا ما أنت قادره تصبرين وحسب قولك انها ماراح يحرمك من أطفالك أشتري راحتك والله يهدينا جميع .

شوفي انا من رايي الششخصي وقفي حمل لاتحملين اكثر من كذا ... وتحملي على اجر ... ان تطلقتي مدري كيف الوضع .... يعني لاتعليق لكن الي اقدر اقوله لاتحملييييييييييييين وقفي حمل خلي حبوب الحمل تحت الوساده ... وهو اذا شافها راح يسال قوليله رب الي عندك يكفوننا انا مااقدر شغل بيت وراح يتفهم وضعك وشكرا لك ....

احس انه عايش لنفسه
انت كمان عيشي لنفسك ما دام الطلاق ما رح تقدري علي اذا وهو بالسجن ما طلبتي الطلاق اكيد هلا ما رح تطلبي وما بنصحك ابدا تطلبي لانو ظروفك صعبة وعندك اطفال ولانو بصراحة اكتلر مو حابسك وبيعطيكي مصاري وبخليكي تروحي وين ما بدك يعني حياتك بدونو رح تخسري اشياء كتير فانا راي التفتي شوي لحالك يمكن احكي كلمة والاعضاء يزعلو مني بس رح احكي احسبي لحالك من هون لفترة معينة انو ما عندك جوز يعني كيف لما كان بالسجن بالعربي اعطيها طناشولا تحكي ما بقدلر الي بيقدر يعاندني وما يسأل في حالي انا بخلي يدور حولين حالو خلي يركض ركض وراكي كل اشي اعملي بأنانية في كتير من الاحيان المرأة الانانية مطلوبة اما المعطاءة محطوطة عالرف ليش لانو بأي وقت الرجل برجعلها حسب فضاوتو

__________________
بتزكر كيف كنا مبارح وكيف صرنا اليوم