السلام عليكم ورحمة الله وبركاته
أنا متزوجة صارلي سنتين و7 أشهر ..زوجي في بداية زواجنا كان طيب وحنون ولسانه حلو..له وقفات ما أنساها في فترة وحامي لما كنت أرجع وأمرض كان يخاف ومرة تعبت كثير من عيادة لمستشفى اسهال وزوع الله يعزكم وطحت من طولي جلس يبكي وخايف علي..يحاتيني واجد إذا مرضت يستأذن من دوامه عشان يجي يطمن علي ويرجع ..لما ولدت كان واقف عراسي وأمي تقولي ما اتحرك من مكانه كا خايف علي وماسك إيدي.....طيب ما يبخل علي بشئ أبدا ...ولا زالت له هالمواقف
مشكلتي معاه إذا صار حلاف بينا يتلفظ بألفاظ قذرة جدا معاي..كان فالبداية يجي يعتذر بس كنت أكابر وما أرضى بمرة..لأن كلامته تهدم بيوت من قوتها..إذا تأخرت عن البيت وهو موجود بيرسلي مسجات سب من الخاطر كأني رايحة ألعب ما رايحة مشوار مهم...دايما يقولي أنا طيب وزين بس لساني قذر إذا عصبت والمفترض تساعديني أتخطى هالشئ بس والله ما اقدر ما أقدر ...أجلس ابكي وأنهار عالأخر من قسوة ألفاظه علي وقذارتها مرة أغمي علي من كثر الزعل والهم اللي فيني وظلينا عشر أيام ولاجى يراضيني طحت من طولي وجلس يبكي فوقي ويعتذر ويبوسني ويقولي ما بعيدها أوعدك أوعدك...بس كلام الليل يمحيه النهار... كل ما صار سوؤ تفاهم يرجع لنفس عادته...عندنا ولد الله يحفظه بس أختلف معاه فتربيته لأنه راخي عليه جدا وأنا إذا حزمت عليه شوي عصب علي وسبني وقال روحي داوري بالسيارة أنتي ما تنفعي تكوني أم ما فيك بارض لطفل واحد أيش بتسوي لو معاك عشرة....والله تعبت من هالوضع يحاول يطنش وينسى كل شى ويبدأ من جديد بس أنا ما أقدر لازم يتوب ويحس بكرامتي بعد...