السلام عليكم ورحمة الله وبركاته

هذي اول مشاركة لي في هذا المنتدى القيم لكني متابعة له منذ وقت طويل واشكر جميع الأدارين والمشرفين والقائمين على هذا الصرح العامر بالخير والشكر موصول لكل الأعضاء الذين هم أخوة صادقين وناصحين منصفين

ابدا بالمشكلة وهذي نصيحة لكل من يتقدم لها شاب للزواج وهو ليس من اقاربها


اختي في مشاكل مع زوجها من عشر سنوات والسبب تتوقعون شنو ........


في قيمة المهر اثناء الخطبة



زجها لايقرب لنا ولانعرفه وحنا من الشرقية وهو من الرياض ولما تقدم لـ ختي في الخطوبة سأل الوالد كم ندفع لكم مهر وكم تبون ذهب شنو الهدايا الي تطلبونها


الوالد طيب والقاعدة عنده يشتري الرجال مو فلوسه واقلهن مهرا اكثرهن بركة

قاله الوالد حنا نبي على عواليدنا وتقاليدنا وحالها حال خواتها ادفع لنا بس المهر اللي تقدر عليه ولا نبي منك اي شي زيادة وانا اجهزه لك من أ الى ي

تم الأتفاق ودفع 35000 الف ,,,,,قام الوالد سحب منها خمسة الاف ورجعها لزوج اختي وقال اعتبرها هدية مني ومعونة مني لزواجك


وجهزنا اختي وتزوجت ودخلت بيت زوجها بكل جهازها كامل مكمل ( مكياج وعطورات وملابس وشنط وذهب وكماليات حتى الأبرة والخيط ) وهذا طبع ابوي في كل زواجاتنا



ومن يومها وزج اختي يعيرها ويقول ابوك رجع لي خمسة الاف وتنازل عن باقي جهازك

( ابوك باعك لي برخيص )


ياناس كلامه صح ولاغلط


ليه صرنا في زمن انعكست فيه الموازين ونقلبت النظريات وختلطت فيه المعاير


يعني عشان ابوي رجال يخاف الله ويبي الستر لبناته بزوج الصالح صار بايع بنته برخيص


ولو طلب مهر بذيك القيمة وطلبات مالها اول ولااخر وعرس في اكبر قاعة بيصير مقدر بنته وعارف قيمتها


وين الشباب اللي يتحججون بغلاء المهور عشان مايتزوجون

وين اللي ينادون يتيسير الزواج والجمع بين راسين بالحلال



وينكم عن الرسول ( صلى الله عليه وسلم ) اللي زوج احد من الصحابة على سور من القرأن وأخر على خاتم من حديد واخبر ان كثرة البركة في قلة المهر والنفقة

تعالو وشوفو الحقيقة لشباب هالايام .....


لما تعاون الأب مع الزوج ويسر له امور زواجه صار بياع بنته برخيص


والله قهر وقمة القهر ,,,,,اختي مسكينة دوم دمعتها على خدها وتشكي نذالة زوجها


يا أخووووات يا أبااااااااء يا أمهاااااات يا بنااااات اذا تقدم لكم رجال غريب ماتعرفونه ولا يقرب لكم لاتتعاونون معه وثقلو عليه الطلبات عشان يعرف قيمة البنت ويقدرها وكل ما تذكر خسايره في الزواج يعرف انها غالية وماجت بسهولة



اما اذاكان من اقاربكم ومن دمكم فتعاونو معه بس بالمعقول يعني لاافراط ولاتفريط وخير الأمور اوسطها

عسى الله يفرج هم اختي وكل مهموم