كيف تختار شريكة حياتك ؟؟؟ للمقبلين على الزواج فقط

30-07-2010, 09:29 AM

Mr.Smile

عضو مميز

تاريخ التسجيل: Jul 2009

المشاركات: 406

كيف تختار شريكة حياتك ؟؟؟ للمقبلين على الزواج فقط

السلام عليكم ورحمة الله وبركاته

اتمنى ان يكون الجميع بخير صحة و حال

للاسف بدأنا نسمع ونرى
جزء من رجال في مجتمعنا متزوجين
ولكن في المقابل جالس يخون زوجته مع بنات ساقطات

طبعاُ في الاخير توجد هناك اسباب
نحن لا نعمم على كل المتزوجين
ولا نقول كل متزوج يسوي الشي هذا

بس هناك اسباب ادت الى ان المتزوج صار يشطح

______________________
فاصل اعلاني

_____________________

المهم في بداية رحلتي عن البحث عن عروس
فل اوبشن ( جنوط + كشافات + نيفقيشن )
مع دفع رباعي

دخلت جرير ادور كتاب عشان اعرف اختار
وخصوصاُ ان محسوبكم انسان مهرف الحس <<< مهرف وليس مرهف

وكنت اقيس حياة الاخرين اللي حولي و احاول اني ادرس منها

مالكم في الطويله
اشتريت كتاب اسمه
( كيف تختار شريكة حياتك )
عاد انا من يوم ماشفت الكتاب على طول اخذته معاي
على اني رايح جرير اشتري شاحن لاب توب
(( المشكله اني نسيت الشاحن )) و (( اشتريت الكتاب ))

الكتاب بصراحه كان فله .. ويعجبني فيه تمسكه بالقيم الاسلاميه

ولكن الكتاب كان فقط ينظر الى جانب الرجل و اهمل جانب المرأه <<< قفلت اخلاقي

ولكن قلت مو مانع اني اتناقش معاكم حول هذا الموضوع

__________________________________

المشكله التي واقعين فيها
هو اشياء كثير جداً .. منها ماهو اجتماعي ومنها ماهو استهبالي << احيانا ابو العريس يكون نكبه

يعني راح نضرب امثله من الواقع

صديق عزيز يشكي حاله دوماً مع زوجته
قال ياابتسامه انا ابوي نكبني في زواجي
على انه عندي 3 ابناء و الرابع في الطريق
بس الى الان ماني مرتاح في زواجي

اللي عرفت منه انه لمن جاء يتقدم وجاء وقت الشوفه الشرعيه
يقول توني شفت العروسه وما ان رجعت للمجلس اللي كان ابوي و ابوها مع بعض
الا اشوف ابوي صافق مبلغ 30 الف عربون حجز <<< على مايقول

طبعاً صاحبي انصدم زياده لانه ماكان يبي يوافق
وجاك ابوه زاد الطين بله <<< عاد عندهم كلمة الرجال مافيها تراجع <<< ذابحتهم الرجوله
الولد جالس في خيص بيص
قال .. ان شاء الله لمن اتزوج ارتاح معاها <<< كـان يأمل نفسه
يقول يوم الملكه ويوم جاء الشيخ .. راحت الاوراق عند البنت عشان تكتب شروطها
(( عبت الورقه ))
اكمل دراستي + اتوظف لا لقيت وظيفه + بيت شرعي
هو يقول من حقها .. بس انا من اول مصدوم و الحين كلمنا الناقص

طبعاً هذه احدى الاسباب

--------------------------------
وفيه اسباب كثيره اجتماعيه
الحجر على بنت العم
عيب ان الولد يتزوج الصغيره قبل الكبيره

ومنها
مافيه رؤية شرعيه <<< عادات و تقاليد
يعني تاخذ البنت مع البيعه <<< ماتعرف كيف هي

بعض العوائل ماتخليك ولا تسمح لك انك تكلمها ( بعد ماتملك عليها )
ويجلس الزوج في حالة يرثى لها

وفي الاخير
اقول لكل متقدم على الزواج
لو عندك شروط معينه في داخلك تتمناها
لا تتنازل عنها و اصبر الين ما يجيك الفرج من رب العالمين
لانك لو تنازلت عن اي شرط في داخلك بكره راح تتمناه وتضطر انك تدور على وحده اخرى

يعني اضرب لكم مثل صغنون
واحد يحب انسانه طموحه جدا .. او لها موهبه في شي معين
هذه الامنيه في داخله ماراح تنظفي الا بعد ما يلقى البنت اللي يريدها
ولو اخذ غير ذلك .. مع مرور الوقت راح تطيب نفسه ويتمنى زوجه فيها المواصفات اللي يبغاها

يعني هذا مثال صغنون جداًُ
بس لا تتنازل

وفي نفس الوقت الكلام هذا للبنت
لا تتنازلين تحت شعار ماحد راح يجيني
خذي لك واحد فيه المواصفات اللي تتمنينها

بس فيه نقطه لازم نوضحها

(( ما يجيك واحد شاكوش مابه من الوسامه شي ووجه تقول مدعوس بكفر سياره ))
وانواع الحفريات <<< عارف ان الاعضاء هنا كلهم حلوين
ويجي يقول <<< انا ابي وحده بيضاء و حلوه وتكون دكتوره و يحط لك شروط
وفي الاخير يلوم ( الشعب السعودي )

والعكس صحيح
وحده ماطقها من الحلا شي
وتبي واحد مثل <<<< يشبه لفلان اللي امه رومانيه و ابوه روسي

ولكم خالص شكري و تقديري
اخوكم
ابتسامه

(( للعلم انا كتبت هذا الموضوع في منتدى اخر بمعرف اخر ))

__________________

ياااارب احفظ لي زوجتي واجعلنا تحت حفظك و لطفك

30-07-2010, 10:57 AM

عاشق سحر

موقوف

تاريخ التسجيل: Jul 2010

المشاركات: 66

سؤال : هل في السعودية او دول الخليج لديكم الامكانية ان تسكن مع زوجتك في منزل خاص بك ؟؟ اي لا تسكن مع اهلك في نفس البيت؟؟؟

تحياتي الطيبة

30-07-2010, 01:18 PM

Mr.Smile

عضو مميز

تاريخ التسجيل: Jul 2009

المشاركات: 406

على حسب الوضع المادي لكل عائله و على حسب راتب الشخص

فيه عوائل تساعد ابنها المتزوج في امور الزواج كااااااافه ..
ويتزوج ولم يبقى لديه الا راتبه .. فلو كان راتبه 5 الاف ريال
راح تكفيه ..

اما بعض العوائل ليس لديها امكانيه في مساعدة الابن في الزواج ..
ويكون الزوج راتبه على قد حاله
والله هذه حاله صعبه جدا

__________________

ياااارب احفظ لي زوجتي واجعلنا تحت حفظك و لطفك

30-07-2010, 04:52 PM

التائـب..!

عضو جديد

تاريخ التسجيل: Jul 2010

المشاركات: 32

طيب انا برد لاني مقبل على زواج

بصراحة موضوع رائع وبأسلوب فكاهي..واهم شي الفاصل الاعلاني...

فعـلآ بعض العادات والتقاليد مالها في الاسلام نصيب ولكن مازالول الشيبان متمسكين فيها وانا شخصيآ واجهتني مشكلة الشوفة الشرعية فوالدها الله يرحمة كان رافض الشوفة بتاتآ ولكني اعرف ذوق اختي

وتوكلت على الله

تحياتــي..

30-07-2010, 08:13 PM

دكتور المنتدى

عضو نشيط جدا

تاريخ التسجيل: Jun 2010

المشاركات: 426

لاتعليييييييق العادات والتقاليد فوق كل شي والعيب بالرجال مو في البنت

01-08-2010, 01:23 AM

عاشق سحر

موقوف

تاريخ التسجيل: Jul 2010

المشاركات: 66

فوالدها الله يرحمة كان رافض الشوفة بتاتآ

طيب ليش والدهه رافض انك تشوفهه ؟؟
وهل تقبل انته تتزوج وحدة متعرف عنه اي شي؟

02-08-2010, 04:05 AM

ابتهال الخير

عضو نشيط

تاريخ التسجيل: Mar 2009

المشاركات: 121

انا مقبله على الزواج ومكلتي بعد كم يوم

بس خايفه الي احس فيه مايكون طبيعي .. لاني كل ما افكر في الموضوع اتهرب منه

خايفه اكون مطلقه قبل الدخوول خااايفه اكون ظلمت نفسي

مشكور على موضوعك وحمستني اشتري الكتاب باذن الله

على العموم اذا تقدر تحط لنا مقتطفات من الكتاب عشان نستفيد:14:

التعديل الأخير تم بواسطة ابتهال الخير ; 02-08-2010 الساعة 04:10 AM

03-08-2010, 05:17 AM

اجياد العلي

عضو دائم

تاريخ التسجيل: Mar 2010

المشاركات: 99

لست مقبله على الزواج دخلت الموضوع بالغلط اذا اقبلت ابقولكم \\\\تورطت\\

03-08-2010, 06:57 PM

Mr.Smile

عضو مميز

تاريخ التسجيل: Jul 2009

المشاركات: 406

بشكل عام انا انصح جميع المقلبين وحتى المتزوجين ( ذكور و اناث )
قراءة كتاب ( نساء من الزهره ورجال من المريخ ) للمؤلف جون غراي

كتاب في قمة الروعة

__________________

ياااارب احفظ لي زوجتي واجعلنا تحت حفظك و لطفك

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه