السلام عليكم

ولله الحمد والمنة قررت أخيراً الزواج وطلبت من الأهل أن يبحثون لي عن بنت الحلال.

أقترحت أحدى أخواتي زميلتها الدراسية الجامعية ومدحت لي أخلاقها وتفوقها وجمالها. أخواتي الأخريات جلسوا معها ومدحوها بكل خير.

بعد الخطبة طلبت من أبوها الرؤية الشرعية ووافق وواعدني على يوم.

المهم بعد الجلوس مع أبوها قام وأحظر البنت، طبعاً كانت صدمة لان تصوري في جمالها ماكان في محله (الجمال موضوع نسبي اللي يصلح لي يمكن مايناسبك). المهم سألتها كم من سؤال وواضح عليه الإحراج وقامت بعد ماجاوبت على أسئلتي.

بعد ماخرجت من بيتهم كنت مصدوم ولا أدري سبب الصدمة، هل لأنها ماكانت زي اللي متصوره، أو لاني أول مرة أشوف فتاة في الخطبة (سعودي مايلام )، أو لان نفسي مارتاحت لها...

أستخرت بعد الخطبة كم من مرة وإلى الأن نفسي مترددة يامره تقول لي توكل على الله ومرة تقول أتركها وإن شاء الله بتلقي اللي تناسبك.

ودي مساعدتكم في هذا الموضوع، فهل لازم حظور الراحة النفسية مباشرة بعد الخطبة أو هذا شي طبيعي؟

والحق يقال أن أبوها وأخوانها والنعم فيهم وأحس أني مرتاح لهم، وأخواتي مرتاحات للبنت. والوالده تقول أنها مرتاحة لأهلهم.

ملاحظة: دائماً أتردد في أي خطوة كبيرة في حياتي.


وجزاكم الله خير.