السلام عليكم ورحمة الله وبركاته ..

انا ما اعرف للمقدمات وبدخل بالموضوع دايركت اسمحولي ..


انا امي تكرهني وما تحبني .. من انا وصغيره .. ما كانت فاضيه لي .. وكله مع اخواني .. كانت تطلع وتاخذ اختي واخوي اما انا لا ..

كانت صف اول ابتدائي تخليني .. اغسل .. واربي لوحدي .. وكله تضربني .. ضرب مو طبيعي .. ماكانت تضرب حد مثل ما تضربني .. لدرجة انه اختي الصغيره .. صارت ترمي علي النعال ..

محد يحبني غير .. ابوي .. ولولاه كان انا ميته ..

كانت دايمن تطلع مع صديقاتها .. وهم مو محترمات .. وكانت تخون ابوي .. يوم يسافر تكلم تلفون .. وكنت اسمعها واصيح تحت الفراش من القهر .. مع اني كنت طفله ...


ويوم صرت بمرحلة المراهقة محد كان يوجهني ولا يعلمني .. كنت كله اقعد فالبيت ..
ماكنت اعرف شي عن المراهقة من الاساس لولا صديقاتي .. الله يخليهم ..
كانت الخدامه هي امي ..
يوم كنت اروح مع الخدامه كانو شباب دايمن يضايقونا وهي ولا تدري ..
وانا الحمدلله انسانه نظيفه وما ارضى بالغلط والحمدلله .. حفظت نفسي ..


كانت الخدامه تنام معاي بنفس الغرفه .. ومره .. خليتها تنام بجمب سريري ..

عصبت وسوت لي مشاكل .. وخبرت ابوي .. ويوم قلت لابوي انا ما عندي حد سبتني ودايمن تسبني ..


حتى يوم بنطلع مكان بعيد .. تتعذر تسوي لي مشكله عشان ما اروح ..

انا ما اشرفها يعني ..

مع انه الكل يمدح فيني خوالي وابوي .. واعمامي .. بس انا استغرب ..

احترت اصدق من !!


يوم وصلت الثانويه .. قاعده تحاول تعوضنا الايام اللي راحت وابتعدت عن صديقاتها .. بس ..

هي .. مو قادره تفهمني .. ودايمن تفهمني غلط


حتى يوم اسولف معاها سوالف عاديه تقولي كذابه .. المشكلة تكون سوالف عن الكليه .. والبنات ..
صرت اكره اقولها شي واسكت ...

اتم بغرفتي بالايام .. بغرفتي .. ومرات امرض وانا ع الفراش ولا حد يسال عني حيه ميته ..
ومره قلت لها هالشي قالت محد قالك ما تقعدين بالصاله ..

كيف وانا مريضه !


والحين هالفتره ..

تخيلو ..

صارت مشكله .. عشان شغل البيت ..

نظفت البيت وكل شي قالت وصخ وما عجبها مع انها كانت تشوفني وانا انظف ..

وقالت ما تبيني انظفف معاها ابد لين تجي الخدامه


تخيلو

هي واختي ينظفون البيت .. وكل ما مريت بالصاله .. تسبني سبه وتستهزىء فيني واختي تضحك معاها ..

سكتت ..
تتصل الصبح على خالاتي وابوي المسافر وتسب علي .. وتستهزىء فيني ..

حتى عند اخواني .. تقول سب خايس .. انا استحي اشوف وجيه اخواني ..

آه بس ..

والله اني اكتب ودموعي على خدي

صار لها اسبوع تتمشى هي وعيالها وانا فالبيت لوحدي .. حتى ما قالت بنت ولوحدها فالبيت ولا خافت علي


مره من المرات شربت دوا .. وتعبت .. وتميت ارجع

ابوي مسكني .. وحن علي .. وهي تصارخ وتقول بتفضحنا هذي ..

ادري الانتحار حرام ..


وانا خلاص ما افكر ب هالشي عشان الله وابوي


اختي خذت فراشي من غرفتها ورمته برع .. مع اغراضي .. : )

مع انه اختي توها بسن المراهقه .. بس كل شي تبيه تسوي لها .. وتوثق فيها


وانا اللي ما عمري سويت شي .. هذا جزاي ! !


حالتي النفسيه .. ما يعلم فيها الا الله .. انا احس اني لوحدي ومحد معاي ..

والله ضاقت بي الدنيا .. : " (


بس ما قول غير حسبي الله ونعم الوكيل ..


انا ادري اني طولت بس انا محتاجه اكتب لكم

وعليكم السلام والرحمه
في البداية أسأل الله العظيم أن يفرج كربتك قريبا

شوفي أختي احيانا يكونون الامهات ماخذين موقف من بناتهم يمكن انتي سويتي شي ما كنتي تقصدينه واخذت بخاطرها عليك والكثير من الامهات ما يعرفون المصارحه بينهم وبين بناتهم

ايش رايك انتي تبدين معها اولا؟ يعني انتي تعالي وصارحيها قوليلها يمه انا كذا وكذا وكذا وقولي كل اللي بخاطرك وقوليلها انا احبك واحب اخواني بس انتي معاملتك معي مو كويسه يماه انا زعلتك بشي قوليلها مستعدة ابوس رجولك عشان ترضين علي وكذا .. وان شاء الله بترتاحين

بس لا اوصيك يا اختي لا تحاولين ترفعين صوتك عليها او اذا قالت كلمة نرفزتك حاولي تمشينها وخليك بارده عشان توصلين لحل ..

وبشررررري عن النتايج حبيبتي

ذكرتيني بحكاية سندريلا




عزيزتي..

ربما يكون سلوك والدتكِ مفهوماً لو كان هذا مسلكها معكم جميعاً ـ أنتِ وإخوتكِ ـ فعندها قد نقول إن والدتكِ إنسانة عصبية أو قاسية أو لا مبالية.

ولكن أن تعطي من حبها واهتمامها لإخوانكِ كلهم إلا أنتِ .. فهذا أمر غير منطقي إلا إن كانت هناك خفايا لم تفصحي عنها.

أما أن تكرهكِ وتهملكِ وتتحامل عليكِ هكذا دون سبب .. فهذا أمر غير منطقي.


هناك حلقة مفقودة.

__________________


اللهم طِيبَ الأثر .. وحُسْنَ الرحيل.

غاليتى ما فى أم بدنيا ماتحب عيالها ربما تكونت بينك وبين أمك فجوه منذ الصغر
ويمكن شخصية أمك من الشخصيات الحازمه لابد تخرج من دائرة الألم وتبحث عن
نفسك أنسى الماضى وفكر بمستقبلك تعامل مع أمك بكل حب تفربى أليها حتى
لو مانفع تأكد سوف ينفعك عند ربى أنتى صغير ه والحياة أمامك لا تجعلى الألم ومشاكل
مع أمك تحول بينك وبين نجاحك أحتسابى عمل البيت ولا تنظرى لنفسك أنك ضحيه
بل أجعلى نفسك بطله تعامل مع مشاكل بقوة أستمتع بحياتك وغير طريقة تفكيرك عن أمك
طورى شخصيتك وتعامل كيف تقدرى ذاتك ولا تنتظرى من أحد يقدرك أهتم بالقراءه فى تنمية الذات
سوف يساعدك كثير بتجاوز الأزمات أتمنى لكى التوفيق

ربما لا تكون امك وانتى ابنة زوجها من زوجة اولى اخرى

لانها طبيعية مع اخوتك وتعامك معاملة مختلفة تماما

حاولى ان تجلسى معها وتسأليها لماذا هذه المعاملة الجافة وماذا تريد ان تفعلى حتى ترضى عنك .

ربنا يهديها لكى .

ربما كانت لك في الماضي تصرفات المعذره "بلهاء" أو "لاتشرف" حسب قول أمك ومن تلك الأيام فقدتي الثقة بنفسكِ وأصبحتك تخطئين كثيراً ولاتشرفين والدتك حسب قولها وهذا خطأ كبير من والدتك بدلاً من أن تأخذ بيدكِ وتعلمكِ خطوة بخطوة ..

فهي الآن سببت لكِ حالة نفسية وربما تستمر لفترة طويلة .. نسأل الله أن يفك كربتك وتتغير معاملة والدتك التي لم تحسن تربيتك بالشكل الأمثل وذلك حسب كلامكِ وطرحكِ هنا ..

النقطة الثانية هو الشكل .. ربما أنت أقل جمالاً من أخوانكِ وأخواتكِ .. ولذلكَ هي تعاملهم بشكل أفضل وهذا إحتمال ضعيف ولكن جائز لأن بعض الأمهات نظرتهن سطحية ويرتكبن أخطاءً فادحة في حق أبنائهن ..


النقطة الثالثة .. عليكِ بأن تتفاهمي معها أو تدخلي أياً من خالاتك (أخواتها) وذلك لكي تشعر بذنبها وتشعر بالرحمة تجاهك وتبكين أمامها وتوضحين لها كل الأمور منذ الماضي وحتى الآن وبشكل محترم وسلس ومؤدب ومن ثم تركضين إلى حضنها ..

الله يفرج همك ويعيينك والله ياختي حزنتيني عليك بس خليك قوية

اذكر وحده من صديقاااتي امها كانت تعاااملها معاااامله قااسيه لدرجه انها تمنعها من مصروووفها وتتكلم عليها

وتسبها وتخلي اخوانها يتكلموون عليها وتمنعها من كل شي عكس اخوانهاوكانت تطبخ وتغسل وتكنس وماتريحها نهااائياوتتكلم عليها قداام الناس وتسبها

وكلام كثيييير يصعب اني اكتبه

ومع ذالك مرت الاياام والشهور والسنيين والله العظيم الام هي اللي رجعت لبنتها والام هي اللي تحتااج بنتها تفتح قلبها وتعلمها ع جمييع اسرارها

لان البنت صبرت والحمد لله اشغلي وقتك مع صديقااتك والمنتديااات والالعاااب لا تخلي الشيطااان يلعب عليك

هي امك صدقيني تحبك بس تلاقين طبعها كذا واهتمي بشكلك واطلعي وفرفشي والله الدنيا حلوووووووووووووه

اذا بتظليين تحبسين نفسك بالغرفه صدقيني بتجيبي الامرااض لنفسك ومااراح احدبينفعك استانسي

وحااولي تتقربي من امك والله يوفقك ويحنن قلب امك وطمنيني عليك بانتظر ردك حتى لو ع الخااااااااص

__________________
لاحول ولا قوة الابالله العلي العظيم واتوب اليه وسبحان الله والحمد لله