السلام عليكم ..

نخش فالموضوع علطول

بقولكم عاللي سار فالاسبوع اللي فات ..

اول شي كنا عادي بنكلم بعض عادي .. المهم انا في بلدة واهلي في بلدة تانية .. وكانو اهلي حيجوني للبلدة اللي عايش فيها عشان يونسوني شوي .. فـ قلتلها يمكن ما اكون معاكي كتير وقالتلي طيب

المهم اهلي وصلو عندي كان يوم الاتنين .. وجبتهم ووديتهم الفندق .. بعدها اتراسلنا مع بعض ( نتكلم بالبلاك بيري )

كلمتها كانت زعلانة .. قلتلها اشبك .. قالتلي خالتي اكتشفو انو عندها سرطان فالثدي ( الله يشفيها يا رب ) ..

انا حاولت اخفف عنها شوية وسويت اللي عليا يعني .. وبعدها قلتلها معليه بس حاخرج مع اهلي ..

المهم احنا متعودين نكلم بعض دايما قبل ما ننام بالجوال .. لما رجعت تاني كنت تعبان وارسلتلها معليه حانام دحين .. ونمت

بعدها اليوم التاني اتراسلنا بالبلاك بيري برضو .. كلمنا بعض شويا فيه وبعدها برضو خرجت مع اهلي

ورجعت تعبان ونفس الموضوع ارسلتلها ونمت ..

اليوم اللي بعدو اللي هوا كان ربوع .. كنا مخططين مع اهلي اننا نروح البحرين .. وانا قايلها قبل كدا ..

فـ بس واحنا رايحين الجسر اتراسلنا برضو ومزحت مزح تقيل شوية معاها .. يعني عارفين ايش الحاجات اللي فالبحرين وقلتلها اني حسوي كدا وكدا بس بقصد اني اخليها تغار شوية واغيظها يعني .. بس ما ردت بعدها .. وبعدها قلتلها لما نوصل البحرين اكلمك ( على بالي في شبكة هناك بس طلع مافي )

المهم رحنا البحرين ورجعنا الجمعة بالليل .. برضو كنت تعبان ما ارسلتلها شي داك اليوم ونمت ..

المهم جا السبت اتراسلنا فيه بالبلاك بيري وسألتها عنها وعن خالتها وحاولت اني ما اقصر ..

وخرجنا مع اهلي يعني بنستغل انهم موجودين وقاعد معاهم .. فـ خرجنا ورجعنا نفس الشي تعبانين وارسلتلها وقلتلها اني حنام ونمت .. واتكرر الشي دا لين يوم التلوت ( موعد سفر اهلي ) ..

فـ بس بعدها جا الربوع واتصلت عليها .. لما كلمتها هزأتني وقالتلي انتا ما تهتم ومطنش .. سايبني كدا ومو معقولة ما عندك دقيقة وحدة تسأل عني فيها .. وكمان كلمتني عالكلام اللي قلتو عشان اخليها تغير وقالتلي في احد يمزح كدا ؟ ما تدري كيف الحالة الي كنت فيها واني كنت فالمستشفى .. وتقولي محا تعقل وتغير من نفسك ( لاني كم مرة امزح معاهاا مزح تقيل شوية ) انا بعدها حاولت ابررلها وقلتلها اني كنت معاكي وبحاول على قد ما اقدر بس اهلي كانو معايا .. بس هيا كانت بترد بطريقة مررة تنرفز .. تقولي ايوا ايوا طيب طيب انتا دايما الصح وانا الغلط ومدري ايش .. وقالتلي خلاص قفل الموضوع مابغا اسمع منك شي تاني .. قلتلها لا محا نقفل كل شي على كيفك ! لازم نوصل لنقطة قالتلي خلاص مابغا محا يفيد الكلام معاك كل مرة اكلمك ما تسمع وتدخل من ادن وتطلع من ادن .. بعدها عصبت عليها .. وصرخت .. قالتلي ايوا صرخ عليا صرخ وبكيت وقفلت فوجهي ..

حاولت اتصل عليها ما ترد ..

بصراحة مني عارف كيف اقنعها يعني اني حاولت قد ما اقدر .. مرة مهي راضية تقتنع .. وانا المشكلة حاس اني ما سويت شي يعني ..

هيا مكبرة موضوع المزحة .. وانو عشان كم مرة امزح معاها وهيا تزعل .. بس يعني انا كدا واسلوبي كدا ماعرف كيف اغيرو .. وكمان يعني المزحة قصدي فيها اني افرفشها شوية واضحكها شوية ..

شورو عليا كيف اتعامل معاها ؟ واقنعها يعني ؟

شورو عليا الله يخليكم كيف اراضيها ؟ =(

انا بشوف الحق مع خطيبتك

وانت بديت حتى شوف كلامك " يعني عارفين ايش الحاجات اللي فالبحرين وقلتلها اني حسوي كدا وكدا بس بقصد اني اخليها تغار شوية واغيظها يعني "

واغظتها !
والمشكله بتحس ماسويت شي .. تخيل لو انها قابلتك بهالمزح الثقيل واغاظتك واثارت غيرتك صدقني بتزعل .. وصعبه تقول انا اسلوبي كذا وماراح اغيرو ( حلو ان خطيبتك تشوفك تتعدل للافضل مثل مانت تتمنى انها تتعدل مو بس تتقبلك بكل شي فيك )

مافي الا انك تعترف بغلطتك وتعتذر بصدق ..
وحلو حتى لو انك مشغول اكيد في دقيقه ترسل فيها مسج بتحس فيه انك مانسيتها

لو كل شخص عامل شريك حياته بنفس المعامله اللي يتمناه لاخفت المشاكل ..

والله يوفقكم

المشكلة لما اعتذرلها تقولي طفشت من كلمة اسف وسامحني وتقولي خلاص مابغا الفلم يتعاد كل مرة ومدري ايش ..

يعني بصراحة حسيت اني عاجز وطريقة كلامها كمان كانت بتخليني ابان اني مرررة عاجز ودا الشي قهرني ..

حاولت اقنعها يعني وقلتلها انو مزحة برضو مهما جات وراحت مزح ما قصدت بيه شي .. وكمان اني حاولت اكون معاها قد ماقدر .. بس مهي راضية تقتنع ..

ايش اقولها عشان اقنعها ؟

اخوي انت غلطت من هالنقطه المزح وربي بهالامورجد موحلو لازم تفهم هالشي
وحاول انك تراضيها وتتفتهم معاها
ولازم تغير من اسلوبك مثل ماانت تتمنى انها تغير فيها شي موحلو
والله يوفقكم ويهنيكم يارب

واللة ياخوي انت غلطت من مزحتك وحتى لو اهلك جمبك اشدعوة مافي مجال تكلمها ولا 10 دقايق او مسج حلو تسئلهاعن احوالها انا اقول عشان تراضيهابلاش الكلام جيب لها باقة ورد كبيرة حمراء اكتب لها كلام حلو بالبطاقةاكتب فيها وعد انها اخر مرة تزعلها ارسل مسجات حلوة انك مشتاق ليها اهديها اغنية عن الاسف ترف يابابا ترى احنا البنات رضانا سهل وربنا معاك

مم مع رأي الاخوات,,
هي ظروفها صعبه وكانت محتاجه لك..
ع الاقل كان خليت اهلك يكلمونها ويسئلون عن خالتها لان مب شي هين يعني مفروض حسستها انو انا واهلي معك!!

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

يا جماعة انا قلتلكم اني باكلمها عالبلاك بيري .. يعني بنتراسل مع بعض ..

بس ما جاتين فرصة اكلمها لاني كنت مشغول جدا مع اهلي طول الوقت تقريبا .. وكمان انا كان ورايا دوام .. وهيا في اجازة وبتخرج وبتسهر .. وانا ماقدر اكلمها لانها بتكون خارجة مثلا .. بس اني كنت برسلها فالبلاك بيري من فترة لفترة .. وبحاول اطمن عليها .. بس هيا تقولي انو ما يكفي .. طب عارف يعني بس دا الي قدرت عليه .. ولما اهلي سافرو رجعت اكلمها زي اول يعني

وعلى طريقة كلامي .. المشكلة مهي راضية تقبل العذر وتقولي لمتى حتقعد كدا ولازم تغير من نفسك واسلوبك .. كلامها يقهرني بصراحة .. يعني اغير من نفسي لما يكون شي مو كويس .. بس انو الشغلة كلها مزح في مزح .. وانا طريقة كلامي دايما كدا .. وطول عمري كدا محا اعرف اتغير يعني بسرعة .. ولما اقولها اسف تقولي كل مرة تقولي كدا ومدري ايش .. طيب ما عجبك لا كدا ولا كدا ايش اسوي انا ؟!

ودحين كلمتها عالبلاك بيري برضو .. قلتلها لما ترجعي البيت كلميني .. قالتلي مابغا اكلمك لا تستناني ؟

مررة نرفزتني ...

ايش اسوي معاها =( ؟

بينكم شي رسمي؟

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

اخوي انت عارف نفسك انك غلطان ليش تكابر وتقول السالفة مزح

اوكي مزح بس بصراحة جارح

الله يهديك ومصيبتك تعتذر وانت مش مقتنع انك غلطان ... وهي صادقة صاير فيلم كل مره ينعاد من حقها تمل

بسبب اعتذارك الغير مقنع هدمت جسر الثقة بينكم

انا اقترح تخليها تدش المنتدى وتقرأ الموضوع

والحل اللي اقترحه عليها هي هو المرووووووووونة

انت شكلك انسان تحب المزح وايد ومافي امامها الا انها تسمعك وتطنشك ولاتاخذك على محمل الجد

ونصيحتي لك كثر التهريج في سوالف الخيانة بيهدم الثقة بينك وبين زوجتك ولاتعود لسانك على ذكر مثل هذي الافكار

النقطة الاخيرة مسألة الوقت هذي انا معاك فيها بشكل نسبي

دام انك متواصل بالبلاك بيري فالسالفة كلها ان هي محتاجة جهد مضاعف منك خاصة بالنسبة لظروف خالتها الصحية الله يشفيها ويعافيها والسرطان الله يجيرنا دايما يعفس العايلة بأكملها

أنت بس حاول انك تعوضها في الايام القادمة وتجي على نفسك حتى لو انشغلت حاول انك ماتنسى تتصل لو دقايق

.. اولا .. ما احب تقول هذه الجمله .. تراها تبين اللناس انه البحرين فيها بلاوي ,, وانه بلدكم مرره مافيها .. وماخفي أعظم !!

(( يعني عارفين ايش الحاجات اللي فالبحرين ))

.. يعني الا في البحرين تراه موجود عندكم , بس مخفي .. !!! وانت بهذا الجمله عطيت الاخوة الاعضاء فكرة مو حلوة عن البحرين !! والاعضاء الا هنا ,, من جنسيات مختلفة ..



.. ثانيا ..

بمزحك الثقيل مع خطيبتك .. حسستها بعدم الامان .. والبنت المخطوبة المتزوجه .. تحتاج الأمان في علاقتها مع الزوج والخطيب ..

.. وانت اعترفت انك تمزح معها مزح ثقيل .. ياريت توقف منه .. علشان ما تخسر قلبها .. وتحطها في دوامة الشك ..

.. الحين .. تتركها يوم يومين تهدا .. وتوعدها انك أبدا ماراح تمزح مزح ثقيل , وتقول لها كلام يضايقها .. وتكون قد كلمتك ..

.. وترى كلمه ( آآسف ) اذا تكررت كثير ما يكون لها طعم ..

.. تمنيــــــــــــــــاتي لكما بالسعاده والحب والتوفيق ..

__________________