اريد استشارتكم في تأخير زواجي - منتدى عالم الأسرة والمجتمع

07-08-2010, 02:30 AM

الراجية عفو ربه

عضو دائم

تاريخ التسجيل: Jan 2010

المشاركات: 96

اريد استشارتكم في تأخير زواجي

السلام عليكم ورحمة الله وبركاته

كل عام وانتم بخير وإلي الله أقرب وع طاعته أدوم

انا عايزة استشيركم في موضوع محيرني شوية وان شاء الله الاقي عندكم الحل اللي يريحني

الحمد لله مخطوبة من 8 شهور تقريبا وخطيبي ملتزم (احسبه كذلك) والحمد لله مرتاحين مع بعض
ولكن بعد الخطوبة قعد من الشغل حوالي 7 شهور ولسه شغال من شهر والحمد لله
من اسبوع والدتي كلمته ف تعجيل الزواج وقالت له انا هساعدك ف اللي ناقصك
ولما تقبض جمعياتك رجعلي الفلوس ع مهلك وعمرنا ما هنختلف ف الامور ديه
وطبعا والدتي عملت كدا عشان عايزة تفرح بيا ولانها واثقة فيه والحمد لله
ولما قالت له كدا فررررررررررررررح جداااااااااااااا ووافق
ولكن رجع بعدها بيوم قالي مش هينفع انا افكرت ف الموضوع ولقيت لو اتجوزت وعليا جمعيات العيشة هتضيق علينا اوي
انا والله ما لومت عليه خااااااااااالص لاني مقدرة موقفه كويس واي راجل بيحب يتجوز ومفيش عليه ديون عشان يعرف يصرف ع بيته كويس وكمان هو لسه ف الشغل ف فترة تدريب ومش متثبت

بس اللي مخوفني ان الكلام اكيد مش كلامه
هو كان فرحان وقالي هنسيبها ع ربنا وامور الزواج دي بالبركة
ماما بتقولي اكيد والدته اللي رفضت وخصوصا انه الولد الوحيد وهي اصلا مكانتش بتفكر تخطب له ابدا (ع حسب كلامه معايا) ولكن محبتش تزعله وكدا
بس ماما بتقولي ربنا يستر انا حاسة انها هيعز عليها يطلع من بيتها ومعاملاتها معايا واضحة اوي
انا اصلا تقريبا معرفهاش ولا شفتها الا يوم قراءة الفاتحة ولما نزلنا نجيب الشبكة ويوم الخطوبة
والباقي انا بتصل اسأل عليها
اما هي ف حالها جداااااا من ناحيتي وبحس انها مش عايزانني اتقرب لها
ولما بتصل بيها ساعات مش بترد وبنتها تكلمني تاني يوم تسأل عليا وتقولي احنا مقصرين ووووووو وهي متكلمنيش..... وطبعا بنتها بتسال لما خطيبي بيقولها وامه عمرها ما عملتها وكلمتني
المهم خطيبي النهاردة قالي هنأجل الزواج سنتين

قالي انا خايف ع دراستك
مع انه الاول كان بيقولي انا اللي هذذاكر لك وكدا بس نتجوز
كدا الخطوبة هتطول اووووووووي وانا مرعوبة
يعلم ربنا ان لما بتيجي سيرة الزواج بخاف جداااا من المسئولية وكدا
بس برده فترة الخطوبة لما بتطول مشششش حلو والمشاكل ممكن تظهر

اخر حاجة ومعلش طولت عليكم

ف عيد الام طبعا كان لازم اجيب لها هدية وتكون فرصة اتقرب لها
اشترينا لها الهدية وكلمناها ف التليفون انا ووالدتي وقلت لها عايزة اجي اسلم ع حضرتك وكل سنة وانتي طيبة ..............
المهم قالت هنشوف يوم ونتفق عليه وكدا عشان اروح ازورها
ولحد النهاردة اليوم لم يحدد بعد

طبعا وعمرهم ما عزمونا ف بيتهم رغم اننا عزمناهم يوم الخطوبة
فأنا قلت لوالدتي نعزمهم ف رمضان ع الفطار وتكون فرصة نقرب منها شوية ويمكن لما تعرفنا ترتاح لنا اكتر
بس والدتي مترددة وخايفة ومش عارفين ايه الصح نعزمهم ولاا؟؟؟؟؟؟؟؟؟

وانا اسفة عارفة اني طولت عليكم بس فعلا الموضوع مخوووووفني جدا
قولواا لي اعمل ايه نعزمهم ولا بلاش
وموضوع تأخير الزواج لسنتين قدام اتصرف فيه ازاي ؟؟؟؟؟؟؟؟
وجزاكم الله خيرا

__________________

التعديل الأخير تم بواسطة أم داليا ; 07-08-2010 الساعة 10:57 PM السبب: تعديل العنوان لبيان المضمون

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه