كيف أكون دلوعه ؟؟

[القطه الصغيره]

مرحبا اخواتي واخواني
انا امراه متزوجه وجميله جدا الحمدلله
ونعومه وحساسه
بس ما بعرف كيف اكون دلوعه
ممكن تساعدوني ؟ كيف ممكن اكون دلوعه بالحكي وبالفعل ؟
ارجو المسااااااعده

[ناآاني]

بما انج بنوته ونعومه اكيد انج دلووعه بس مو حاسه !!!

[ياس_نو]

المشكله الدلع مايطلع حلووو إلا لما يكون فطري وعفوي ..

مرااا وحده تقول زوجها كان لوحده وشاف فلانه اللي ذكروا اسمها الاخوات وهي تدلع بالتلفزيون
غير القناة قال كلمه تدل على اشمازازه من الاسلوب ..


ابحثي عن الافكار الومنسيه تساعدك على اكتشاف دلعك ..

[بنت ناس^_^]

لاتتصنعين شي بليييييييييييييييييييييييز بلييييييييييييييييييييز
ااكره شي الاصطناااااااااع..
يعني غصب يطلع الدلع مساخه..
خليك ع طبيعتك كثير احلى

[حلم وتحقق....]

خلج على طبيعتج

[ام-وقاص]

لا تصطنعي الدلع ابددددد .. يطلع شكلك باااااااااااااااااااايخ !!
النعومه اهيه الدلع حبيبتي .. خليكي ناعمه , و مو دفشه , و على طبيعتك .. و البسي لبس اكثر نعومي .. بس يكون ستايلك .. لا تصطنعي الدلع , موب حلو ابد

[good man2000]

ممكن اي حد يوضح ما معني "بنت دلوعه" علشان افهم و يكون له الاجر و الثواب ..

[مش مجرد كلام]

	الرسالة الأصلية كتبت بواسطة good man2000 ممكن اي حد يوضح ما معني "بنت دلوعه" علشان افهم و يكون له الاجر و الثواب ..

يعني تقول ياااااي

[شوكه بين ورد]

تدري الدلع من طبيعة المراه ومافي مراه مي مدلعه

[بتلات ورد]

صراحه الدلع مو في كل البنات .. وقليل من يقدر يفرق بين الدلع والنعومه والرومنسيه والمرح


اعرف أربع خوات جميلات وناعمات ماعدا اختهم الخامسه اقل جمال ونعمومه لكنها دلع دلعها في كفه ودلع خواتها كله في كفه وحده

دلع البنات نوعين ... سلبي وايجابي
بنت دلوعه (بالمفهوم السلبي ) = تتكل على غيرها حتى لو طاحت بكلة شعرها ممكن تتأفف لانها بتتعب تجيبها مايعه تعصب وتزعل وتبكي على شئ تافه تظهر تصرفات لتلفت الانتباه لها تحاول تصادق مثيلاتها عشان ما تتعب في موازنتها لنفسها وتهتم اكثر من الازم بشراء الكماليات اللي تساعدها على الدلع
فالزواج هي زوجه متعبه جدا
كيف تعرفها ؟ فالغالب فمها مفتوح باتساع معين تكثر من الترميش وتمايلات جسمها كثيره بطئيه ومتقصده
بنت دلوعه (بالمفهوم الاجابي ) = تتكل على نفسها تصادق الكل دايما تحب تصرف على دلعها باسراف او بدون اسراف تؤمن بادن الدلع في داخلها فهي لا تحتاج الى كماليات تظهر دلعها .. يزداد دلعها حين ترتمي بحضن ولي امرها سواء كان اب او اخ او عم او زوج ..
كيف تعرفها ؟وجهها فيه بشاشه فمها مبتسم تحب المرح والدلع و تمايلات جسمها تكون خفيفه وعفويه
في الزواج هي الآسره لقلب الرجل وعقله على حد سواء ..

الاخت صاحبة الموضوع سامحيني لا استطيع افيدك .. فـ دارسة الدلع راسبه
لو كان طلبك في كيفية جذب زوجك رومنسيا فالاجوبه كثيره وواسعه
اكتشفي صفات في نفسك وابرزيها اكثر ..

.. هذا تعريفي المتواضع للدلع لمن طلب التوضيح / وأخيرا قد أصبت وقد أخطأت ..

// بتلات ورد }ًٌَُّ{}ْْ~