السلام عليكم

أتمنى من اللي يعرف الجواب أو عنده أي اقتراح انه ما يبخل علي باقتراحه ...... عن جد محتاجة شوركم

أحتاج طريقة أأمن فيها مصروفي اذا تغيرت علي الدنيا .... زوجي مقتدر ماليا ..واقدر حاليا اني أطلب منه يأمني لكن ما أضمن باكر ... احتمالية انه يتزوج احتمال كبير ووقتها ما ادري كيف بيتعامل معاي ... صحيح انه عندي أولاد كبار لكن بعدهم ما تزوجوا وما ادري اشلون بتكون زوجاتهم ..هذا غير اني أخجل اطلب فلوس من أي أحد حتى زوجي فمابالك بزوجة ابني مثلا ....

غيرة زوجي علي وظنه الدائم اني اذا كان معاي فلوس بروح لشخص غيره يكون شاب وأصغر منه راح تمنعه يوافق على أي اقتراح بتملكي لأي شيء ...
أبي طريقة تدخل علي مبلغ بسيط كل شهر ... يعني مصروف اكل ولبس وسكن متواضع وبس عشان اقدر اقنعه بطلبي .. ما راح يقتنع انه يكتب شي باسمي .. يمكن يكون الحل بتسجيلي بضمان اجتماعي مثلا.

عندي حل أخير اذا مافي حلول ثانية وهو اني أسجل بالجامعة وأدرس تخصص أقدر أشتغل فيه مثل تدريس مرحلة ابتدائية مثلا لكن هذا حل شوي صعب علي بسبب العمر وبسبب ضيق الوقت ..