مبرووك عليكم الشهر و جعلكم سالمين

أعضاء المنتدى أبي أحد يطمن قليبي
طليقي يبي يلتحق بالبعثات للدراسه كمحرم لبنت أخته و يبي ياخذ ولدي معه ... ولدي عمره خمس سنوات ... هل يقدر يسويها ولا لا ؟؟؟

في ناس طمنوني وقالو لي أن السفاره الأمريكيه ما تعطيه فيزا للولد بدون أمه لأنه تحت الحضانه لازال ...
اللي عنده خبر ولا كلام يريحني قولو لي صج ما يقدر و لا يقدر؟؟؟


وشكرا

__________________
(أمن يجيب المضطر إذا دعاه و يكشف السوء)

الله يريح بالك يااااااارب

لاحبيبتي مااتوقع انه بياخذه ابدا


لانه توه صغير وصعبه يتحمل مسئوليته من نوم واكل وشرب وتعب

اكيد حبيبتي بيتركه عندك لاتخافي وربي تعاطفت معاك

الله لايحرمك من ولدك ياااااااارب العالمين

__________________
لااله الا انت سبحانك اني كنت من الظالمين

تسلمين عالمرور
لكنه عنده القدره على تحمل الولدهو كل يوم بيجي ياخذه بالساعات
ويمكن بس عناد فيني يسويها
هو يحب الولد مووت و الولد متعلق فيه بزياده و الله يستر

__________________
(أمن يجيب المضطر إذا دعاه و يكشف السوء)

لا مايقدر لان الولد الحين بحضانتك ولما يكمل سبع سنوات يخير الولد واذا اختار ابوه ذيك الساعه يقدر ياخذه
اتوقع كذا

شموخي تعداك مشكوره يعطيك العافيه بس أنا ابي احد يأكد لي مو توقعات ..
هذا كلام احنا نعرفه لكن في حالة السفر بيتطبق ذا الكلام هل الفيزا بتنطلع لطفل من غير امه هذا اللي ابي اعرفه ..

وين تفاعلكم يا جماعه ابي احط راسي و انام مرتاحه

__________________
(أمن يجيب المضطر إذا دعاه و يكشف السوء)

الحل الوحيد وعن تجربه انك تستغفرين طول الوقت وكثيييييييير اسمعهم يقولون
ان الاستغفار يبدل من حال لحال .. و ان طليقك يطفش من الولد ويرجعه لك بس انتي لاتبينين انك مهتمه..

ويااااااااااارب ياكريم بأسمائه الحسنى وصفاته العلى انو يكون موضوع سفره سبب ليجمعك مع ولدك وتعيشين معاه
وهو طليقك يلهى بدنياه ..

أنثى بس غير ... ما قصرتي و يعطيك العافيه ....
ومشكووره جزاك الله خير

أعضاء المنتدى محد عنده جواب أكيد الي يطمني لو أحد فيكم بس عنده معرفة كيف نظام الفيزا و السفر لا تبخلو علي

جزاكم خير

__________________
(أمن يجيب المضطر إذا دعاه و يكشف السوء)

اتصلي بالسفاره واسألي

__________________
http://live.gph.gov.sa/
اللهم اني استودعك اولادي

green22

صح كلامك أتصل عالسفاره

بس بأختصرها لك ما بقدر اتصل لحد الآن مو قادره اتصل عليهم ووصيت كل من لاقيته يحاولون يتصلون و للآن محد رد لي خبر


مااقدر اتصل لأن في تحفظات و قوانين ببيت ابوي مااقدر اطلع عنها ... بلاها الحين نتكلم فيها

لو احد يساعدني و يتصل و يسأل تكون حلت اكيد


ومشكوور

__________________
(أمن يجيب المضطر إذا دعاه و يكشف السوء)

ولدك مضاف في جوازك ولا له جواز مستقل ؟؟

بحثت ألحين حتى دار راسي ..وقرأت شروط استخراج الفيزا ولا قدرت اطلع بشئ ..
لكن ما لي إلا أدعيلك ان الله لا يفرق بينك انت وولدك ..

__________________