انا انخطبت لولد عمي والحمدلله تمت الموافقه وكل الامور طيبه وحددنا موعد حفلة الخطوبه ولما قربت موعد الحفله بكم يوم حجزت مفتشه لتفتيش جوالات الكاميرا وقلت لأخت خطيبي انشري الخبر بين بنات العائله اني بمنع جوالات الكامير وفعلا قالت لهم ان الكميرا ممنوعه وصار يجيني الكلام من كل صوب صارو يقولون ليش تمنع الكميرا من زين شكلها هي وخطيبها ان شاء الله يتطلقون وما تتم فرحتهم والله نبي ندخل الكاميرا عناد فيهم ونصورهم انا لما جاني الكلام طبعا طنشت وقلت حسبي الله ونعم الوكيل
مع العلم ان علاقتي كانت فيهم مره طيبه كنت اعدهم زي خواتي بس هم الله يهديهم كبرو الموضوع هالشي من حقي لاني عروس ومن حقي امنع جولات كاميرا
بس زادت المشكله لما جاني خبر ان وحده تهددني بتخرب زفتي وبتدخل الجوال غصب وتبي تسوي هوشه معي على الكوشه انا بصراحه عصبت قلت ابي اكلمها واشوف ايش مشكلتها يعني اذا ما عندها جهاز ثاني راح ادخل جوالها لأنها بنت عمتي وماله داعي المشاكل كلمتها وقلت لها يافلانه ترى جوالات الكاميرا ممنوعه وقالت لي كلام والله العظيم وصخ واستحي اقوله من ضمنه اني انا حقيره وتافهه وما تستحين وان شاء الله تتصورين وتنفضحين حاولت اخذ واعطي معها بالكلام بس هي تقول انا بس ابي اخرب حفلتك
وقالت لي ترى لو ما دخل جوالي انا وبنت خالتي بنطلع عليك كلانم انك طردتينا وانا والله العظيم ما طردتهم ولا تكلمت عليهم قلت بنت خالتك انا بدخل جوالها الكامير لأنها ضيفه بس انتي والله لو على قص رقبتي ما يدخل جوالك لأنك تهددين
اما بنت عمي الثانيه كلمتها وقلت لها ان جوالات الكاميرا ممنوعه قالت لي اساسا انتي وحده مالك قدر بالعائله لو فيك خير ما تمنعيتن جوالات الكامير انتي اساسا مالك اي قيمه عندي ولعلمك انا بحضر بس عشان خاطر عمي والا انتي وحده مالك داعي بالعائله
واتفقو البنات اللي كلمتهم اني انا قلت لهم لا تحضرون لأني بطردهم مع الباب
وانا والله العظيم ماقلت ها الكلام صارو كل عماتي زعلانين مني على زعمهم اني طردت بنا تهم وانا والله العظيم مظلومه حتى عمتي صارت تتكلم فيني قدام الرجال اني طردت بناتهم
والله العظيم اني ما تكلمت حسبي الله ونعم الوكيل
حسبي الله ونعم الوكيل مع العلم انهم الحين صارو ما يسلمون علي وفضحوني بين الجماعه ولااهل
والله اني مظلومه بس مدري وش اسوي
امي وابوي حلفو علي اني ما تكلم وانسى الموضوع بس وش اسوي بالقهر الللي بقلبي والضلم اللي شفته
ابي رايكم بالموضوع ؟
مع العلم ان الخطوبه تمت من شهر وعدت على خير ؟

__________________
سبحان الله وبحمده
سبحان الله العظيم

راينا في ايش?
دام الموضوع منتهي وعدا على خير الحمدلله!!!
والبنات ليش يسوون معك كذا?يعني انتي مااستفزيتيهم بالكلام?
وليش الكل واقف ضدك ومحد مصدقك?!
ووش هي الفضيحه اللي فضحوك بها بين الاهل?

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

يااختي ادعي عليهم بصلاة الليل والله ينصرك يارب

__________________
اللهم فرج همي

هل انت تتكلمي عن الماضي ( حفلة الخطوبه ) ؟
ام المستقبل ( حفلة الزواج ) ؟

اعتذر على السؤال ولكني ما فهمت !

مبروك الخطوبة وماادري عن ايش تبين المساعدة ؟

اقتباس:

المشاركة الأصلية كتبت بواسطة noriin راينا في ايش? دام الموضوع منتهي وعدا على خير الحمدلله!!! والبنات ليش يسوون معك كذا?يعني انتي مااستفزيتيهم بالكلام? وليش الكل واقف ضدك ومحد مصدقك?! ووش هي الفضيحه اللي فضحوك بها بين الاهل?

ابي رايكم هل انا على صواب لما كلمتهم وقلت لهم لا تجيبون الجوالات ام على خطأ
والبنات ليش يسوون معك كذا?يعني انتي مااستفزيتيهم بالكلام?والله ما ادري بس اللي اعرفه اني علاقتي كانت معهم زي العسل

وليش الكل واقف ضدك ومحد مصدقك?!فيه بعض من الاهل وقف معي ودافع عني بس البعض واللي كلمت بناتهم زعلو
ووش هي الفضيحه اللي فضحوك بها بين الاهل? والله ما ادري وش الفضيحه صدقيني انا وحده اخاف الله بكل شي والحمدلله انا وخواتي ما عندنا السوالف البايخه
بس هم قصدهم على الفضيحه يقوقون او مره نشوف عروس بنفسها تدق وتحذر على جوالات الكاميرا
وانا ابي اعرف هل انا مظلومه او ضالمه

__________________
سبحان الله وبحمده
سبحان الله العظيم

اقتباس:

المشاركة الأصلية كتبت بواسطة شوكه بين ورد يااختي ادعي عليهم بصلاة الليل والله ينصرك يارب

والله ادعي بكل وقت حسبي الله ونعم الوكيل
جزالك الله خير اختي على المرور

__________________
سبحان الله وبحمده
سبحان الله العظيم

اقتباس:

المشاركة الأصلية كتبت بواسطة ابو حكيم 1 هل انت تتكلمي عن الماضي ( حفلة الخطوبه ) ؟ ام المستقبل ( حفلة الزواج ) ؟ اعتذر على السؤال ولكني ما فهمت !

انا اتكلم عن الماضي حفلة الخطوبه من شهرين فقط حدثت هذي المشكله
اما الزواج السنه الجايه والله يستر

__________________
سبحان الله وبحمده
سبحان الله العظيم

اقتباس:

المشاركة الأصلية كتبت بواسطة ركاد مبروك الخطوبة وماادري عن ايش تبين المساعدة ؟

الله يبارك فيك
ابي اعرف هل انا على حق او لأ؟
وكيف اتعامل مع البنات في الايام الجايه مع العلم انهم قالو ولا نعرفك ولاتعرفينا ؟

__________________
سبحان الله وبحمده
سبحان الله العظيم

من المفترض اختي ان اهلك من قاموا بهالشغله وبدون علم احد


وصار التفتيش مثل مايصير في كل الحفلات


وبدون مايشيلوا فيك ويحطوا


ودام هذا صار وانتهى

خذيها نصيحه


لاتركضي ورى الكلام ولاتحطي نفسك بمواقف تجيب لك كلام انتي في غنى عنه


ترى كلام الناس مايرحم


اللي صار صار وانتهى ولاتحطي ببالك مصير العالم ينسوون


الناس ماعندهم الا الكلام ولو مالقوا كلام بيألفوا إلا من رحم ربي


الله يتمم فرحتك ويكفيك شر الناس

__________________