راحت شهور طويلة وانا من دكتورة لدكتورة بعد ما تاخر حملي
كانوا يقولولي ماعندك شي بعدها طلع عندي هرمون الحليب
وتعالجت ومستمرة في العلاج
لكن المساله طولت ومافيش عندي سبب يمنع الحمل ويكون قوي
كلها مسائل تنحل
لكن مشكلتي بدات مع جوزي هو الان شبه مقتنع ان الموضوع اكبر من مجرد سبب بسيط خصوصا ان عندي في عيلتي اتنيين متجوزين من سنيين طويلة وماخلفوا
عمتي مثلا ما خلفت 30 سنة جواز
بحس لهجته معايا تغيرت وكل شوية يلمح لي بكلام يجرحني والله من جوا
خايفة جدا على حياتي وبيتي ومستقبلي معاه
امبارح كنا قدام التلفزيون والشيخ بيتكلم عن التعدد فسألني انتي رايك ايه بالتعدد قلت له لو في سبب قوي ليه لا
قال لي وايه هو السبب القوي بنظرك وسكتنا بعدها الاتنيين سكون طويل
كان باين من كلامه انه بيحضرني للاكبر وهو جوازه
مش عارفه اتصرف ازاي والمفروض اعمل ايه
خايفه اكلمه بصراحة افتح على نفسي باب اصلا ما كان مفتوح وادخل براسه حاجة مش موجودة
واخاف اسكت لحد ما الاقي نفسي امام الامر الواقع وهو متجوز وانا ربنا يعلم ايه هيكون مصيري
29-08-2010, 04:58 PM
ضوابط المشاركة
العرض الشجري