مساء الخير

وعيدكم مبارك

ملخص حكايتي .. متزوجه من 19 سنه
وعندي 5 اولاد وبعد هالعمر طلقني بدون مااعرف لمدة ثلاث اسابيع وبعدين بلغني
هو متزوج من 8 سنوات عنده 4 بنات من الثانيه وانا متضايقه من زواجه لكن تحملت عشاني احبه كنا ساكنين ببيت ملك وباعه لانه انفصل من عمله بعد زواجه بسبب سفراته الكثيره لزوجته لانها كانت في بلد ثاني
بعد ماجابها لبلدنا قلت له لا تسكنها بنفس الشارع لاني انسانه اجتماعيه وماابغى اشوفها بين الجيران
وماابغى اشوف سيارتك عندها ولاتشوف سيارتك عندي تجنب للغيره

طبعا راح سكننا مع بعض
كانت تحاول تغيضني بدخولها قسمي وكنت اطلب منه انها تحترم نفسها
ماحاولت اكلمها احترام له
وهي بالعكس تصرخ بصوت عالي عليه عشان نسمعها

واهله بالمقابل يحبوني اكثر ومفضليني عليها لانها ماتحترم احد
وهذا شي قاهره

( علما بانه طلقها مرتين ورجعها )
الشعره اللي قصمت ظهر البعير هي ان بنت اخته تزوجت وعزموني اهله وماعزموها
طبعا هو ما جا للفرح مؤازرة لها

بعدين رحت لاهلي كم يوم عشان اريح اعصابي
لما رجعت لقيت البيت مكركب واغراضنا مكسره
ماتكلمت معاه بناتي صارو يسالون ابوهم ليش كذا قال اخواتكم الصغار سوو كذا معليش( يقصد بناتها)
قالو هذول مش اخواتنا احنا ما نحبهم
صار يصرخ عليهم بصوت عالي عشان تسمع زوجته انتو ماتسمعوا الكلام انا مفضلكم عليها بس انتم ماتقتنعون
مسكت كتفه احاول اهدئه وقلت وطي صوتك ( بصوت هادي) صرخ علي قال هذا كله بسببك انت خربت الاولاد علي وكرهتيهم فيني عاجبتك عيشتك معاي والا انقلعي بيت اهلك

دخلت غرفتي وما كلمته

بعد ثلاث اسابيع كان جالسها عندها ناداني وقال انا طلقتك ذاك اليوم ولا تجيبين طاري لاي احد
ولا حرجعك الا اذا كتبتي لي ايميل عن الاشياء اللي احبها واللي اكرهها لانك صرتي ماتسمعين كلامي وغيركذا مالك رجعه

قلت مابين الازواج ايميلات بيننا غرفة نوم تكلم ونحل مشاكلنا
قال انا انسان مو فاضي لك ولخرابيطك
وبهذي الفتره توفى زوج اختي الكبيره ولا عزاني ولا كلمني
...
انا عارفه ان طلاقي عشان شي واحد عشان يرضيها وانها هي افضل مني وعشان يعوضها انها ماراحت الفرح

ولما قال لاتقولي لاحد عن الطلاق عشان مااحد يتوسط بيننا عشان ينتشر خبر طلاقي وتنبسط ويحبوها اهله
لكن اهله قالو له حنا مارح نستقبلها وفعلا ما شافوها من ذاك اليوم ولا كلموها بالتلفون
الحين صار لي سنه من اتطلقت وانا عند اهلي واولادي عند ابوهم


الحين الاخ طالب انه يرجعني
وانا محتاره ودي ارجع عشان اولادي تعبوا من المرمطه بيننا
بنتي الكبيره صار يجيها خطاب وترفض عشان انا موعنها
بناتي الصغار انحط مستواهم بالمدرسه لانه مااحد يتابعهم
وانتقل لهم قمل من المدرسه لا نه مافيه اهتمام بهم
ولدي سقط بالمدرسه مع العلم انه كان متفوق

لكن كيف اهلي رافضين لانه مافيه سبب لطلاقي وع قولتهم اللي خلاه يرضيها بطلاقك ممكن يرضيها بشي اعظم انت مو لعبه عنده


والله محتاره ودي ارجع عشان بناتي وانا بصراحه عاتبه عليه وشرهانه عليه

ساعدوني بحل ارجوكم

وادعوا لي بظهر الغيب ان الله يلم شملي باولادي بغير ضراء مضره ولا فتنة مضله

اسال الله ان يفرج همك
ويلم شملك مع اولادك
ويهدي لك زوجك

__________________
‏​‏‏​‏يَحيا المؤمن بيَن أمرين + ( يسر وَ عسر ) ، وَكلاهما " نِعمة " لو أيقَن !ففِي اليسر: يكون ☇ الشكر ♥ [ وَسَيَجْزِي اللَّهُ الشَّاكِرِينَ ]*وَفي العسر : يكون ☇ الصَبر ![ إِنَّمَا يُوَفَّى الصَّابِرُونَ أَجْرَهُمْ بِغَيْرِحِسَابٍ ]

آمين يارب العالمين

الله يكون بعونج اختي

استخرتي شئ اكيد ان شاء الله

ادعي الله ما تقرري قرار الا يكون لج خير فيه ولعيالج

يارب يلم شملكم ع خير من دن ضرر

بس تافهه <<اسمحي لي ع هالكلمه بس سبب طلاقة بالبساطه هذي
شعنده احس عنده الطلاق مثل اللعبه


ان شاء الله ترجعين وعلميه ان رجوعج مو له لعياله



الله يسعدج ويحقق لج ما تتمنين

والله مادري وش اقولك الله يفرج همك طيب اختي ليه مايجي عندكم بالبيت

وإذا فيه احد كبير بالعايلة ممكن يسمعله يفهمه ان الطلاق ماهو بالسهولة هذي


وإذا اعتذر وحس بغلطه ارجعيله الله يسخره لك ويكتبلك الخيييييييير

واوصيك بقراءة سورة البقرة فالشياطين تنفر من البيت الي تقرأ به سورة البقرة

وايضا الزمي الاستغفاااااااااااار الله يشرح صدرك ويسر امرك

قلبي معاك اختي بس صدقيني مدام هنتي عليه وطلقك مره برد يعيدها اذا رجعتي له مره ثانيه.
الطلاق صاير موضه هالايام.

هذي المشكله ان الطلاق صاير موضه وافيدك انه بعد طلاقي تزاعلوا مع بعض زعله قويه ووداها لاهلها 7 شهور وطلعت عليه كلام انه راعي بنات ومسن ومن هالكلام ومع ذلك رجعها ليش ماادري لانه لو طلقها هاي المره ما تحل له

جزاك الله خير رح اداوم عليها باذن الله

جزاك الله خير يالغلا
انا خايفه ارجع يقوم يطلقني لانه مادام هنت عليه المره الاولى اهون عليه مرات
ولو اطلقت مره ثانيه رح انهار لاني مااستحق لقب المطلقه ..كنت مستشارة صديقاتي بامور الزواج
وكنت اوفر لهم ادوات الدلع لازواجهم ..والكل استغرب من طلاقي وانا بنفسي استغربت منه لانه عمره ماصارت بيننا مشكله ..كان يدور ع مشكله عشان يرضيها وما صدق انه يلاقي شي عشان يصرخ بوجهي وكان يعلي صوته عشان تسمعه وتنبسط

حسبي الله ونعم الوكيل

وهو الفكره اللي ماسكها علي انه انا كرهت الاولاد بابوهم وكرهتهم باخواتهم ( من الثانيه)

واني كرهتهم بابوهم

معقوله ان فيه ام تكره اطفال بابوهم

حسبي الله ونعم الوكيل