السلام عليكم جميعا
اببداء بالموضوع مباشره انا متزوجة ولي ثلاث سنين من زوج يحبني بجنوووون وتوني والد وجبت اجمل طفل وعمره شهرين كان لي تجربه من قبل من زوج سابق نتج عنه ولد عمره 9 سنين ولزوجي الحالي ايضا تجربه زواج سابقه نتج عنها 3 اطفال بنتين وولد البنتين عايشات معاي وربيتهم ومااعتبرهم الا بناتي وولدي كمان معاي اخذته اربيه الين يخلص ابتدائي المشكله في قصتي انه زوجي يكره ولدي كره اعمى ولا يتحمله ولا يطيقه ولايبيه يلعب مع بناته ولاحتى مع اخوه الجديد كل مااتناقش معاه ليش يسوي كذا يزعل ويقول انه ماسوى شي وياخذ لك اكثر من اسبوع زعلان ولا هو سائل فيني اقوم بواجباته من الالف الا الياء الين اتعب نفسيا واروح له واراضيه وانا اصلا ماسويت له شي
بالاجازات الطويله اودي ولدي للرياض عند اهلي علشان نفسيته تتحسن ويبعد عن جو زوجي اللي فيها دكتاتوريه عليه اما على بناته معطيهم منتهى الحريه رغم انه اعمارهم وحده 10 سنوات والثانيه ست سنوات وولدي تسع سنوات
بس يسافر ولدي ويبعد عني كثير اتعب وافقده ويبان علي بس احاول امشي الحياه عكس زوجي اذا بعد عني ولدي يحاول يشيلني من على الارض يبيني له ولبناته بس

الاسبوع هذا زوجي اخذ بنته الكبيرة ام 10 سنوات وجاني يقلي ابي اروح اتمشى معاها لحالنا طبعا انا ماقلت شي واخذها من الساعه 4 العصر الا الساعه 9 بالليل انا زعلت لعدة اسباب

انا يوم تزوجته مارحنا شهر عسل تقديرا ظروفه مع بناته لانه امهم ماتبيهم
مااروح مكان الا هم معاي عكسه مع ولدي حتى المسجد ماياخذه
بعد الولادة قلت له وين بتوديني شهر عسل قام زعل وجلس كم يوم مايكلمني
لما جو انا ماعطيتوا انتباهي وناداني وماجيت يمه قام طلع ولا جاء الا بنص الليل زعلان هو من غير سبب وانا زعلانه منه كثييير قولوا ايش رايكم لو كنتوا مكاني

كثير تعبانه وكثير احبه ويحبني