بسم الله الرحمن الرحيم
السلام عليكم
انا متزوجه صار لي سنه ونص وعندي بنت عمرها شهرين.
كرهت زوجي ماحب اشوفه اتمنى يجلس برى البيت كثير
رغم اني اول اعاتبه على جلوسه برى البيت اما الحين استانس ادا جاء يطلع .
حياتي روتين في روتين. وفوق هدا عايشه مع اهله والي مشاكلهم معي ماتخلص
حتى حياتي الجنسيه ارغب فيه بشده وهو يتهرب كنت احاول اسوي له ليالي رومنسيه ولاكاني سويت شي يجي وينام.
ويجلس على النت كثير وخصوصا وانا نايمه!
حتى طلعت نفاس تخيلو وفي تلك اليله راح يسهر مع الشباب في الاستراحه!!!
وانا جالسه انتظره ودموعي على خدودي من القهر.
اكرهه اكرهه اكرهه. دايم يحاول يصرفني لبيت اهلي ليش مادري!
عمره ماوقف معي ضد اهله ويقول امي ماتغلط!!
طلبة منه خدامه رفض يقول (مامعي فلوس)!
وانتم عارفين البيبي بهاسن يحتاج رعايه خاصه وبنتي مريضه وانا طالبه في الجامعه ....
طلبت منه اطلع من البيت رافض(مامعي فلوس)!!
مصروف كل شهر مايعطيني!!!!
وفوق هدا يعاتبني كثير على اتفه الاشياء.
دايم ابــــــــــــــــــــــــكي دموعي ماتجف.
هو انسان جاف ماعنده احساس كم مره اعاتبه اصارحه اتفاهم معاه مافي فايده!!!
الي عنده حل يسعفني بسرعه
رغم اني ولله الحمد جميـــله ومثقفه وبنت ناس جدا معروفين ومااقصر معاه ابد ابد.
يكفي اني متحمله اهله عشانه..!!
لاكن للاسف زوجي مايقدر الي اسويه عشانه!!
.. أختي هونيــها , وتهون إن شاء الله ..
.. اختي .. انا ظللت بعض من كلامك باللون الأحمر .. اتمنى تنظرين لها بعين الاعتبار . ..
.. ليش زوجك يتهرب من الممارسه الجنس ؟؟ هل عناك أسباب ؟ هل يعاني من امر ؟ او انتي تعانين من أمر ؟؟
ابحثي عن الجواب . . .
.. قلتي يجلس على النت , وأنتي نائمه ؟؟
.. ليش انتي تنامين قبل زوجك ؟ ليش ما تنامون بنفس الوقت ؟؟
.. زوجك كان يعرف انك تنتظرينه وقت ما طلعتي من النفاس ؟؟
.. وليش تركك ؟؟ لازم في سبب .. صح .. وهذا الجواب تلاقينه نفس جواب السؤال الاول ,, وهو ليش زوجك
يتهرب من الجنس ؟
..اما عن زوجك يصرفك لبيت اهلك .. هذه لازم تدوري عن سببها ,, هل هو يريدك تكوني في بيت اهلك
علشان يآخذ راحته مع أصحابه في السهر , او يريد يكون لوحدة بالبيت ؟؟
..
.. اما عن المصروف .. فهذه تحتاج منك وقفه حزم معاه , لازم يعطيك مصروف على حسب راتبه طبعا , ومصروف للبيبي بعد ..
.. خصوصا انك بالجامعه .. وتحتاجي للتقارير والبحوث والمشاريع والكتب .. الخ
.. الامور التافهه يمكن هو يشوفها مهمه , وأي امر يعاتبك عليه , لا تكرريه ..
.. او انه زوجك ,, يشوف انك أفضل منه , لذلك يدور أي شيء علشان يبين النقص فيك !!
.. ما هو مستوى التعليمي لزوجك ؟
.. وما هو مستواه المادي , بالنسبه لك ؟
.. وليش تبكين ؟ هل البكاء يوجد الحل ؟؟
.. كوني لأقوى من ذلك , ولاتبكين امامه كثيرا .. حتى لا تكوني نكديه في نظره ..
.. أبحثي عن حلول لكل مشاكلك , وستتوقف دموعك , ودموعك خليها عزيزة , ولاتنزليها الا للامور الشديده والقويه ..
.. وكل ما حزنتي ويأستي ,, أستغفري ربك كثير , وأقرئي قرآن .. هي أفضل من البكاء ,, لانه البكاء يريح النفس , لكن مؤقتا ..
.. لكن التقرب لله , هو الراحه النفسيه للامد الطويل .. وهو من بيدة الحل ..
..
.. عزيزتي .. اتمنى أني لم أقسى عليك بكلمه .. ولكني احببت أن أنصحك , لأنك صغيره , وتحتاجين من يرشدك ..
.. تمنيــــــــــاتي لك بالســــــــــعادة , والتوفيق بحياتــك ..
__________________
.. كــونوا أحــرار في دنيــاكم ..
التعديل الأخير تم بواسطة Ms. Blue ; 26-10-2010 الساعة 08:54 AM
السبب: تعديل التظليل ^_^
25-10-2010, 05:38 PM
ضوابط المشاركة
العرض المتطور