انا سجلت بلمنتدى عشان ودي تقولولي تجاربكم في هالفتره وكم استمرت ؟
زوجي اصدر قرار انه راح يطلقني ولي اسبوعين عند اهلي سبب المشكله مو كره فيني بس يكره اسلوبي لاني مااكل ولا اسولف كثير وطبعي هادي , رغم ان اهلي الحين عرفو بمشكلتي مع اني لي 3 سنوات متزوجه وعندي طفله , صدمني لانه قايل اذا وصلت اهلك وماتعدلتي بطلق بس هو الان ماجرب بعد ماعرفو اهلي , انا اعاني من تانيب ضمير لانه هددني قبل ولاقدرت اتغير يمكن محتاجه مساعده من اهلي ينصحون ويوجهوني كنت مثل التايهه , وادخلو اهله بلموضوع بس هو مسكر المجال ومو حاب ياخذ ويعطي وقالي بلسانه لا اهلي ولااهلك يقدرون يمنعوني انا اخذت قراري وانتهى الموضوع بحجت انه اعطاني فرص ولا تغيرت !



تكفون تتوقعون خلاص بيطلقني ولا تهديد
وكيف كانت فتره الانتظار بصدور الحكم بنسبه للمطلقات

الله يعينك اختي الغالية ترى والله الطلاق صعب خصوصا إذا بينكم اولاد


وماهو عذر انك هادية يطلقك !!


بس انتي استغلي هالعشر بالدعااااااء وان الله يحنن قلبه عليك


واكثري من الاستغفار

وانتي بامكانك تغيري من نفسك وخليه هو يساعدك اقري كتب

واحضري دورات

الله يعينك ويسر امرك ويسخرلك زوجك

__________________

الله يعينك ويفرج همك
اختي انتي انوي التغير وتوكلي على الله
وان شاء انه بس تهديد
واثبتيله انك تغيرتي عشان يبعد فكرة الطلاق

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

(سبب المشكله مو كره فيني بس يكره اسلوبي لاني مااكل ولا اسولف كثير وطبعي هادي)

هل هذا سبب يدعو للطلاق .. أنا أدري بأن الانسان طبع .. والطبع غلاب

نعم المشاركة الوجدانية مطلوبة والانسان برتاح لما يفضفض .. بس ما تصل للطلاق

مشكلتك سهل حلها .. وهو التجاوب بقدر الإمكان حتى ولو على حساب نفسك والمجاملة ولو من غير نفس .. لكن مشكلة زوجك وقراره الحاسم كيف يتراجع عنه ..

السبيل الوحيد هو الاتصال عليه واستسماحه بأنك بصدد التغيير نحو الأحسن .. وأطلبي منه مساعدتك في ذلك.

عجيب أمر زوجك وهل هذا الأمر يستدعي إلى الطلاق؟؟؟

يبدو لي إن زوجك استخدم معاك أنواع الحلول لتتجاوبي معه ولكن دون جدوى,

أختي أتوقع هذا التهديد - وليس الطلاق فعلا - هو مجرد حل - والعلم عند الله - فلذلك حاولي بقدر

المستطاع التغيير في طباعك وأتوقع بأن طلبه ليس طلب تعجيزي وإنما يحتاج لمن يشاركه حياته فعلا..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

اختي الفاضلة لا تفكرين بالطلاق حاليا
فكري بحل المشكلة

بكرة او بعد كم سنة راح تندمين لانك ما عطيتين نفسك فرصة ثانية

انتوا بينكم بنت

وما اعتقد ان في مشلكة انك هادية المفروض يفرح على الاقل افتك من الحنة ومن الهدرة

بس الرجال ما يفهمون

راجعي نفسك وحساباتك وقرري وشوفي هل يستحق اعطاء زواجكم فرصة ثانية


الطلاق في زمنا هذا صعب اشوي

اول شئ انتي اشلون اهلك ينظرون للطلاق
في بنات واجد عذبوهم اهلهم وحبسوهم في البيت

والناس وكلامها ما يرحم

والرجال تقولين ذئاب بشرية ماصدقوا سمعوا يسمعوا عن مطلقة الا هجموا عليها

أشكركم على ردودكم وتفاعلكم معي وحبيت أوضح لكم إني حاولت مع زوجي قدر الإمكان
أرسلت له رسائل على الجوال والإيميل وأهلي تدخلو وحاولو يصلحون كلمو أمه وراحو لها في البيت
ولكن ما فيه تجاوب من قبله نهائي يقول أنا خلاص منتهي من الموضوع عطيتها كم فرصه من قبل
ولا تعدلت والحين خلاص لازم ننفصل بالرغم أني بكيت وكتبت له خلاص عطني أخر فرصة أتغير وأنا
عارفه خطأئي وتوسلت له وقلت إذا مهو عشاني على الأقل عشان بنتنا اللي مالها ذنب بمشاكلنا
ولكنه وحتى هذه اللحظة رافض فكرة الإصلاح وقرر الإنفصال ...؟؟؟؟
وش رأيكم أنتم كيف بالله التعامل مع هذا الإنسان اللذي سيظلمني ويظلم طفلتي إن فعلها وطلقني ..!!!!!
اليست الحياة الزوجية التي كانت بيننا ملكا"لنا جميعا"وليست له وحده ؟؟؟
فلماذا إذن يصدر القرارات والأحكام لوحده أليس من حقي أيضا"المشاركة في هذا القرار اللذي سيغير
مسيرة حياتنا جميعا"وإلى الأبد ....؟؟؟؟؟

أصلا هذا مو غلط أساسا .. هذا طبـــــــــــع .. المفروض يتأقلم عليك ..
عجيب الطلاق بهالسهولة يعني .. على الاقل على شان بنتكم تعيش بينكم ...
الله يصلح احوالكم ؛

حبيبتي اتركيه لاترمين نفسك عليه شكله مصمم
انتي سويتي اللي عليك واهلك بعد
اللحين الجأي لله وادعيه
والله يوفقك