بسم الله الرحمن الرحيم

السلام عليكم يا احلى اعضاء انشالله انكم جميعكم يخير....


رح فوت بالموضوع عطول ... مشكلتي مع بنتي الي عمرها 3 سنين وتأخرها بالنوم ما اعرف شو السبب بس ما تحب تنام بدري ابدا حتى لو فاقت بوقت باكر بالصباح كمان تسهر .. والمشكلة الاكبر يا اخواني انه الموضوع مأثر على حياتي الزوجية كثير وصار الوضع لا يطاق صراحةً وكل ليلة انا و زوجي نتخاصم بسببها ... تخيلو انها تنام بعد والدها بساعات وهذا اكتر شي يدايقه يعني حتى ما نقدر نسهر انا واياه لوحدنا مثل باقي الازواج ...

اتمنى انكم تساعدوني لانه الموضوع اكثر من مجرد سهر طلفه صغيره وانا اخاف يجي يوم اخسر زوجي بسببها


ناطرة ردودكم..........

__________________


قال رسول الله صلى الله عليه وسلم: ( لا تدخلون الجنة حتى تؤمنوا ولا تؤمنوا حتى تحابوا..)

حاولي ما تناميها طول اليوم بس يجي الليل بتكون بدها تنام
وازا حاسيتي انها نعست العبي معها او غسليلها وجها
وربنا يكون بالعون
انا احيانا بعاني من نفس المشكلة
بس لما بنتي تنوي تنام بتنام لو شو ما اعملها وانا بلعب معها بتنام ههههههههههههههههه
الله يهديهم الصغار

__________________

وعليكم السلام ورحمة الله

اختي هاي مشكلة بنعاني منها جميعا

يعني الواحد بيتحمل اولاده طول الوقت بس لما يزيد الموضوع عن حده بيصير الزعل

انا شخصيا كنت اعاني من هالمشكلة

وهي مزاج ابني ذو ال عامين غير المكتملين وحبه للسهر وتولعه بامه . وهذا لا شك مزعج بكل النواحي

المسالة تحتاج الى تعويد الطفل على برنامج نوم

هالبرنامج سهل جدا نخلي الطفل يمشي عليه لكن بحاجة الى الصبر ثم الصبر ثم الصبر

يعني مو تتخيلي انه خلال اسبوع مزاج بنتك رح يتغير ورح نرتاح

ابني من النوع اللي بيصحى قبل الديك يعني بكير كثير

ومن النوع اللي بقاوم الرغبة بالنوم مقابل ما يشوفنا مع بعض انا وامه سواء برا البيت او جوا البيت

قلنا اوك ...

اصحى بكير ....بنتحمل

اما لازم تنام بالنهار ساعة عالاقل

وقت نومة النهار لازم يكون بين الساعة 10 صباحا وال 11

يعني بيصحى عال 6 بيلعب وبيخرب شوي بالبيت

بيفطر وبيقاهرنا شوي

بيصحينا وعال 10 بنحاول نخليه ينام

وبنفي الوقت بالليل كمان لازم ينام

يعني عال 10 ليلا لازم يكون نايم

اول ترة تغلبنا كثييييييير

خصوصا انه نجبره ينام الصبح

وكمان ينام بكير

لكن مع الاصرار والصبر تغير مزاجه وتغير نظام نومه

صار ينام عال 10 يصحى عال 7 ينام عال 11 صباحا يصحى عال 1

يلعب وينبسط لل 10 نرسله على النوم رغما عنه

وهيك تعود والاهم ان مزاجه تغير ونومه صار بشك يلائمنا جميعا

اسف عالاطالة بس الطفل بحاجة للتعويد على الشيء الصح فقط مع الصبر

تحياتي لك

__________________

اذا عودتيها ما تنام بعد صلاة الظهر راح تشوفي نتيجة حلوة

اذا صحيت بكير خليها تنام ساعة بس فترة الضحى ...ووقت العصر خليها تلعب لعب جسدي مرهق بداخل البيت أو حديقة البيت وبيكون أفضل خارج البيت بحديقة ومراجيح ...المهم تبذل جهد جسدي
حددي وقت مناسب لنومها ...مثلا 8 المسا ... الساعة 7 تعطيها حمام دافي وبعدها وجبة عشا مشبعة وبعدها تجلسي معها بمكان هادي جدا وخفيف الاضاءة وتحكي لها قصة بصوت هادي وببطء ... وبعدها اطلبي منها تغمض عيونها واوعديها بشيء جميل هي تحبه تعمليه معاها أو تعطيه لها في الصباح اذا نامت وظلت نايمة للصبح ..واجلسي بجانبها الى أن تنام ,,,

طبعا راح تبدأ تسألك كل الاسئلة وتحكي معاكي بكل المواضيع اللي هي تعرف انك بتحبي تحكي معها فيها ...خليكي أذكى منها ولا تنجرفي معها بالكلام وأجلي كل الاجوبة للصباح ... واذا قاومت أكثر أظهري لها بداية زعل وجدية وحزم ... وما تملي خليكي معاها حتى لو مر ساعة الى أن تنام ..

واضبي على النظام هذا واحرصي عليه واصبري شوي لانها راح تحتاج ايام ويمكن اسابيع حتى هي تتعود على النظام الجديد .بالاول اجبريها وبعدين بيصير الامر أسهل وبتتعود .

ذكرتيني بأيام قصص أولادي ...لحد الان يتذكروا قصص ما قبل النوم ..وأكثر قصة تثير ضحكنا الان كانت كالتالي

كان في رجل بدو يروح الدكان وصار يمشي ويممممشيييي ويمشيييييي ويممممشيييييييي ..وأظل أعيد بالكلمة الى أن يناموا ههههههههههههه

حاولي تطلعين برا مكان فيه مراجيح والعاب وخلي بنتك تفلهااااااااااااااا الين تتعب من العب وارجعوو ساعه معين اقصى حد ممكن يكون الساعه عشر عشيهاااااا واحسبي لها ربع ساعه بالكثيييييييييير من نفسها راح تنام وخليها تتعود على كذا

وفهمي زوجك انه لازم يتعاون معك بتربية الاطفال ....كيف وشلون مادري بالظبط بس اكيف فاهمه القصد

تصدقي اختي انا اعاني نفس المشكله مع اولادي الله يهديهم كل الاولاد كذا
بس انتي سوي مثل ماقالوا الاخوات

__________________
اللهم فرج همي

صراحة انا لو مكانك بخسر نفسي مش زوجي اتأزم انا وبكتئب من نهفات الصغار الي زي هيك
الله يعينك ويسااااااعدك
لازم حل جذري وفوري وسريع
لعدة اسباب اولها عشان مابنفع السهر لهيك عمر وعشان تتعلم مو كل شيء بكيفها خير بتنام بعد رجال كبير وبساعات !!
وعلشان نفسيتك وعقلك انت كمان الواحد ميسدق ينامو ويرتاح شوي من غير شر
وعلشان جوزك
اختي اشتريلها سرير الو حواجز
هيئيها وحاولي تلعبي معها قبل النوم وخفتي الاضاءات وهيك امور
بعدين
حطيها تنام لو بتنام هاليومين 2 بالليل ابدي من الساعة 12 ومع الوقت تدرجي لما تنجح ف النوم 12 ارجعي لل10 وهكذا لغاية متصير 8 او 9 بالكتير

جمدي قلبك وخليها تبكي معلش ماحيصيرلهااشي
اولها روحي كل خس دقايق احضنيها وهديها ونيميها
حترجع تبكي
مع الايام خليها 10 وبعدين كل 20 دق مع الوقت كم يوم حتتعود انو لو شو معملت ماحد حيسال فيها ومصيرها النوم ومالهاش خيار وحتسكت

نأمل انو ماتكون بنتك من الحالات المستحيلة المعجزة صحبتي بنتها سنتين و 9 شهور وليومك هادا مش قادرة تسيطر على نومها ششوو معملت وماحد بعرف السبب

الله يهديها الك استغفري بنية انو تتقبل النوم بدري وحتشوفي الامر تيسر وتسهل

وكمان اعطيها اول فترة ينسون هيك اعشاب في خاص للاطفال جيدة وبتساعد عالنعس ولما تتتعود عالنوم بدري بطليها لانو مو منيح طول الوقت تاخدهم

ارجوكييي كوني حازمة والموضوع حينتهي ماتخافيييي لما تبكي والله ماحيصير شيء الاطفال بحس مابنعطو وجه اعطيهم شوية وجه بياخدو عليكي وبتحكمو فيكي يعني بحس لو يوم خبصتيلهم النظام ولا يومين خلص بصيرو بدهم هيك كل يوم عمزاجهم


ماتتهاني

سامحيني كترت كلام بس انقهرت علكي كتير وضع فظيع لجميع الاطراف انت وهية و جوزك

__________________

حبيبتي

اتمنى منك تجاوبيني ع هلسوال
وهو

كيف نظام بنتك يعني متى تقوم من النوم الصبح ومتى تناااااااااااااام !!!!وانتم متى تناموا ؟؟؟

الله يعينـــــــــــــــــــــــــــــــــــك بصراحه مأسااااه وحتى ادا فاقت الصباح تسهر مره ثانيه في الليل !!!

عندي طفل عمره الان عشر شهور
وربي قالب حياتنا فوق تحت
لانوم بمواعيد ولا صحيان بمواعيد
كل شيء على مزاجه
ويحب يصحى ويزعق في الاوقات الخاصه بيني وبين امه
والله يا انا اصارخ عليه واضربه بس قلبي مايعطيني
لازم الصبر الله يعين شكلها دين ونسدده الضاهر كنا مبهذلين اهالينا واحنا صغار

__________________
لن يكون شيء في الكون الا ما اراده الله سبحانه وتعالى فلاتبتئسو ولاتحزنو بل اصبرو وتفائلو