اصنـــاف النساء ....
بسم الله الرحمن الرحيم
شلونكم .. شخباركم .. ان شاء الله مبسوطين ... وعن المشاكل مبتعدين ..
اليوم الله يطول بعمركم ع طاعته عندي موضوع بسيط .. وفرفوش .. سيم سيم انا
بقولكم القصه =>
كنت مع زوجي بالسياره > احلفي ...
شغل ابو الشباب كاسيت جديد فرحان فيه فديته ..
هالشريط كله قصائد شعبيه ..
الا وتعجبني قصيده عن اصناف النساء .. اللي انا وحده منهن
صراحه مرررررررررره اعجبتني كل شوي اقوول عيدها خخخخ >> غثيثه من يوم يومي
المطلوب :::
كل وحده تشووف هي من اي صنف ...
والرجال بعد كلن يشووف زوجته من اي صنف ...
رجاء .. رجاء .. رجاء .. المشرفين الكرام لاتحذفون الموضوع
اولاً لانه مو منقوول ومن اعماق مخيخي المتواضع ..
ثانياً للفرفشه فقط لاننا ملينا من المشاكل والخناق ..
نبدأ القصيده ركزواااا زيـــن ...
بعض النساء تجلب ع بيتك الخير *** والبعض منهن لك تجيب النكاده
والبعض منهن مثل وصف النواوير *** ومع العقل والزيــن فيها الركـاده
البعض منهن تستر الحال تستير *** لو هي تعيش العمر صبر وجلاده
والبعض منهن عقلها يوزن النيـر *** ومعها ع تـــــاج الرزانه شهــــاده
بعضهن احلى من حليب المغاتير *** واحلى من الطائف ونفحة بــراده
في مجتمعها تمشي بحسن تدبير *** عقل(ن)رزين وفي حلاها زياده
وبعضهن ينومسك عند المسايير *** والبن في الدلــه تضبط قنــاده
والبعض منهن فكرها بالدنانيـر *** قشرا وشوشتها سواة العـــراده
والبعض منهن مايكب المشاويير *** وفيها التغطرس والغبـــاء والبلاده
والبعض منهن عايش دون تفكير *** وان شفتها ماانت قوي السعــاده
والبعض منهن دايم اقدامها تسير *** ع امـــها والام راس القيـــــــاده
وتنفذ اللي تسمعه دون تأخير *** وترسم مخططها لفرض السيـــاده
وليا حصل من بينكم شئ صغير *** تفيد من هو ماطلبها الافـــــــــــاده
وتوافي اهلها بكل التقاريــــر *** لين الرجل يعاف شـــــــربه وزاده
راحت طموح وبلشوه العصافير *** ومن همهم حارب منــام الوساده
وان جاء يرجعها عيونه مطايير *** قالوا قبل ترجع تجيب القــــــلاده
والباقي موب لازم ....
معلومه بسيطه فيه الفاظ مدري وش معناها ... يعني لااحد يسأل
قلت لزوجي انا من اي صنف قال انتي ابخص
وبعد عدة محاولات قال من هالصنف .....
وبعضهن ينومسك عند المسايير والبن في الدله تضبط قناده ...
يلا راضيه فيه احسن من غيره
اللي مايعجبه الموضوع لايعلق رجاء ....
وسلامتكم ..
__________________
اللهم اغفرلي ولوالدي وللمسلمين والمسلمات والمؤمنين والمؤمنات الاحياء منهم والاموات....
التعديل الأخير تم بواسطة انتظر الامومه ; 23-11-2010 الساعة 02:17 PM