ساعدوني بمشكلتي ابي ارجع مثل ماكنت .. تكفون الله يخليكم ..
بسم الله الرحمن الرحيم
السلآم عليكم ورحمة الله وبركاته
أخباركم / اخواتي أخواني ..؟ عساكم بخير .
انا بنت عمري 16
والله ماني عارفه كيف ابدئ لآكني أبقول لكم قصة حيآتي من البدايه علشان تساعدوني
المهم إني بنت مثل كل بنت عايشه حياتها عندي صديقه من أول إبتدآئي خلصت الأبتدائي كلها بشكل سليم والحمدلله وطبعآ من المتفوقين بقوه وأخذت الطالبه المثاليه كذا مرا ..
جيت متوسط صديقتي راحت لمدرسه ثانيه .. وانا تعرفت على صديقت صديقتي انا اعرفها لآكن بشكل سطحي .. المهم انها صارت صديقتي بس مااعترف لها او افضفض بكل شي سوالف عامه بس
تعرضت للظلم بسنه اول متوسط من معلمه بدون سبب وربي ماسويت لها شي ابد مجرد اول لقاء معي فيها طلبت مني اني اوزع البطاقات اللي عباره كـ إهدآء منها للطالبات اعطتني وقالت روحي وزعيهم ع الفصول ونفذت .. يعني معقوله انها تظلمني علشان السبب ذا ماعمري شفت احد يسوي معروف وينظلم علشانه والمشكله اني ماسويته من نفسي .. يوم عن يوم وصلت حدي واشتكيت عليها تصير معي مضبوطه كم يوم وترجع لمشاكلها .. ماعلينا منها المهم اني تعقدت من الدراسه وصرت اغيب كثير جدآ كل اسبوع لو مااغيب فيه تجيني حاله اكتئاب خلآص لآزم اغيب غصب ..
وسنه عن سنه ينزل مستواي الدراسي .
بسنه ثاني متوسط تعرفت على بنات نت إدمان عليه بشكل مجنون .. صرت اجلس عندهم وانا ماافهم وش يتكلمون عنه .. مليت كل يوم كذا .. حنيت على اهلي الا تحطون دي اس ال وزعلت ليييين ركبوه ..
من هينا بدا الضياع .. بدايته من المنتديات كنت ارد ع المواضيع وبعدها تحول لسوالف الزوار مع البنات والأولآد وبعدها صار مسن ماتعديت المسن وقفت حدي .. بعد كذا تطورت للعب البلياردو وصرت حافظه الداخل والطالع بالروم وطول وقتي عليه ياما كنت اقول اني مستحيل احد يلعب علي واحبه لأنه كذب بس للأسف ماكنت قد العباره ؟؟ جاني واحد اعرفه بالروم من زمان يعجبني اسلوبه وأخلآق وماقد شفته يغلط على احد
قال لي انه يحبني وانا صدقت ........! بتبادليني نفس الشعور وكذا .. قالي ابقول شي بس اخاف تزعلين قلت والله ان تقول .. قالي ابي رقمك علشان اذا بدخل ارسل رساله وتدخلين .. بدون تردد او تفكير اعطيته رقمي .. وتطور صار يرسل اشعار وكل يوم يسأل عن اخباري بالرسايل .. وبا يجيني الشك قلت يمكن احد يعرفني يلعب علي .. رحت قلت له انت تعرفني وكذا قال لآ تبين كلميني سمعي الصوت تعرفينه ولآ وتطور لمكالمات ماعمري كلمته الا مرا وحده وعن جد مااعرفه .. وتعلقت فيه كثير ..
المهم كنت اسولف مع واحد بالقيمزر واعرفه من زمان بعد قال لي انتي تحبين .؟ قلت: ايه قال مين : قلت له اسم هذا اللي احبه بالقيمزر ..
وقال لي هذا يلعب عليك وانا اعرفه من قبل يسوي نفسه ماعنده حركات وووو إلخ
عاد انا ماصدقت وبعدا المهم اني تأكدت انه كذاب بطريقتي الخاصه والمشكله انه يحلف ويقسم انه يحبني وماعمر احد دخل قلبه غيري ..
ماعلينا منه ..
صرت احب الشخص اللي قال لي عنه ..
وضليت معاه سنتين دايم يطلب مني اكلمه بالجوال كلمته كذا مره بعدها قلت له لو عندك اخت وشفتها تكلم وش بتسوي فيها قال اذبحها ومن بعدها قلت احلم اكلمك اجل انت بنفسك اعترفت انه خطأ ..
هو قال من البدايه مايهمني شكلك ولآ اكلمك ولا ذا الحركات اهم شي اني احبك ومابيك تخليني ..
بس المشكله ان دايم يتقلب مزاجه يوم يحبني ويوم يقول انا بموت انا تعبان وانا واسلوب غامض طبعآ هذا كله بالفتره هذي وانا صابره ليييييييييه لأني احبه وهو الشخص اللي يمكن انه يحسسني بالحب ويسكن في البلد اللي احبها .طلب مني صورتي واعطيته صوره وحده بس هذا اللي قهرني عن جد انا غبيه غبييييييه بقوه ..
والله إني من تعرفت على النت وانا ماصرت اركز بصلآتي او حتى اني اقرا قرآن قبل أنآم او اني اختم القرآن او اني اروح المسجد كل يوم برمضان .........!
النت امتلكني صار حياتي كلها هذا اللي همني بس ..
انا فيني عين على ايش ماادري ؟ شفت حلقه لـ الشيخ العريفي يقول لك كيف تعرف ان فيك عين ولقيت التعرضات اللي تجيني مثل ماقال .؟
حاولت اقرا قران قريت ليوم واحد كم صفحه وتراجعت بعدها ..
المهم اني ابي اتوب حق ربي ابي ارجع مثل ماكنت بعيده عن المعاصي وقريبه من ربي وشاطره بدراستي
بس كييييييييف ؟ لو اقول له انا تبت لربي بخليك وإذآ كبرت اخطبني من اهلي ؟ أخآف يهددني بالصوره ويقول أني كذابه ويهددني انه ينتحر ومدري وشو ..............؟
الله يخليكم ساعدوني وربي تعبت من التفكييييييييييير تعبت ..
واعذروني اذا الكتابه فيها اخطاء لأن نظري ضعف بسبب النت وربي كرهت اليوم اللي عرفته فيه
كل أملي فيكم أنتظركم .. لأني ان مالقيت حل بستمر باللي انا فيه .........!
04-12-2010, 01:48 AM
ضوابط المشاركة
العرض الشجري