السلااااام عليكم جميعً
أبي أدخل بالموضوع علطول لأني ماعرف بالمقدمات
أنا عمري 32 سنه وغير متزوجه ولا عمره أحد خطبني غير عيال عمي يوم كنت صغيره وأمي رفضتهم
أخواتي الكبار كلهم متزوجات وباقي أنا ووحده من خواتي أصغر مني بـ 10 سنوات أختي الصغيره تنخطب بس هي ترفض يمكن تخاف أنها تجرحني لأنها تعرف أني أتمنى أتزوج رغم أني أحاول فيها وأقنعها بس هي ترفض يمكن لأنه يبان على وجهي معالم الحزن
للعلم مافيني عيوب وكل من شافني مدحني وقال عني مابي خلاف بس أستغرب ليش حظي كذا ليش للحين محد تقدم لي !!
اقسم بالله أني صرت دايم أدعي أني أموت وأفتك من الدنيا
وداااايم يتردد علي منام غريب أني أدور على عبايتي ولا جزمتي وما أحصلها وأحلم أن كفوفي مقيده مربطه أحلام غريبه !!
تخيلو أبوي كل ماجا طاري الزواج يقولي لو تزوجو بنات الناس كلهم مابتتزوجين أنتي
ورب البيت أنها سكين بقلبي الله يفرجها علي وعلى كل بنات المسلمين
وأخواني نظراتهم لي شفقه ولمن يجي طاري العوانس يلتفتون لي وأخجل وأنزل راسي كأنه شي بيدي أني أكون عانس
أكابر وأقول أني توني بعز شبابي لاكن الواقع خلاص أنا تقريباً بسن اليأس
حلمي اشيل طفلي وأضمه ويقولي ماما الله لايحرمني من الامومه ومن الضنى اللي بسني عيالهم يدرسون وأنا للحين مو متزوجه نسأل الله المغفره
ماباقي الا شوي وأقول يمه تكفين دوري لي على زوووج
حاليا أنا بمرحله يأس عجيبه يأست من كل شي مادري ليش حظي كذا رغم اني أحسن خواتي معامله لأمي وأبوي ومع هذا هم حظهم أحسن من حظي
دايم أفكر ليه أنا حظي كذا ليه وليه وليه وليه وأتخيل لو اختي الصغيره تزوجت وش بيكون حالي وش بتكون نظرة أهلي والناس لي أستغفرالله ياربي
ياااااااااااااااااااااااااااالله لو تشيل همومي الجبال أنهدت الله يرحمني برحمته
اللهم أحيني أن كانت الحياة خيراً لي وتوفني أذا كانت الوفاة خيراً لي
أتمنى ماكون ضايقتكم وثقلت عليكم بس شي بخاطري وحبيت أفضفضه لعل وعسى أنه يهدإ خاطري
مابي منكم غير الدعاء الله يجزاكم الجنه لعل منكم من لو أقسم على الله لأبره
حسبي الله لا اله الا هو عليه توكلت وهو رب العرش العظيم
حسبي الله لا اله الا هو عليه توكلت وهو رب العرش العظيم
حسبي الله لا اله الا هو عليه توكلت وهو رب العرش العظيم
20-12-2010, 04:18 AM
فضفضة عانس
ضوابط المشاركة
العرض الشجري