بسم الله الرحمن الرحيم
مساء الخير لكل الاعضاء
حبيت اخذ ارآئكم بموضوعي واتمنى ماتبخلون علي بنصائحكم
انا عمري داخله على 27 واختي اللي اصغر مني متزوجات وانا الحمد لله جاني خطاب بس اللي عاطل واللي مطلق واللي صايع وافضلهم ولد قريب لي عمره 37 ماعليه كلام في كل شئ بس مشكلته متزوج وعنده عيال وكان يبغاني من عمري 15 ومن قبل لايتزوج وكان معروف عند اقاربنا انه يبغاني بس كان ينتظر يخلص دراسته واول ماتوظف سمعنا خلاص انه ناوي يجينا فتره بسيطه نسمع انه خطب وحده ثانيه استغربوا اهلي الوضع كان عندي عاااادي يمكن لأني كنت صغيره وعرفنا بعدين انه قريب ثاني لي قاله اني محجوزه له وفعلا خطني هذا الشخص بس رفضت هذا وعمري 18 المهم بعدها تزوج قريبي وبعد زواجه بسنتين سأل اذا انا بوافق عليه ورفضت وقبل 3سنوات سمع ان اختي انخطبت جا على طول وخطبني ورفضت لأنه متزوج وللحين متمسك فيني وانا والله لو غيره وهو متزوج مافكرت فيه لو عطاني كنوزالدنيا
هذي قصتي ولاتبخلون علي بردودكم
وآسفه على الاطاله