بسم الله الرحمن الرحيم
تحيه طيبه
بدخل بالموضوع على طول واتمنى تتجاوبون معي لان بجد مستغربه ومتألمه حيييييل
من ست اشهر تملكت وطول هالمده خطيبي مارفع على السماعه ولاسأل عني ابد بالرغم انه المكالمات والزيارات عندنا وعندهم شي طبيعي والكل يسويها
لكن امه تتصل كل شهر مرة تسلم علي امي
بصراحه الموضوع ما ازعجني كثير بالبدايه لكن لما فكرت في اشياء صارت حسيت بأن الموضوع مختلف
ومو مثل ما انا تصورت
اول الامر فكرت
انه يستحي لكنه قدامي بالعكس جريء في تصرفاته يوم الملكه,
قلت يمكن مايبي اخذ وعطا ومد وجزر خصوصا مانسمع عنه من حالات طلاق بهالفترة
او يمكن مايبي يخسر فلوس على الاتصالات والهدايا اثناء الزيارات,ويمكن ثقل منه وتحجيم لشخصي مع انه كان معجب فيني حيل
او انه صاحب تشرطات وتحفظات على البنات من حيث اللبس او الطلعات او العمل والدراسه ومو حاب تنكشف شخصيته من بدري
لكن هل هذا مسوغ لانه ما جاب لي ولا لنفسه دبله ولا لبس بشت يوم الملكه <<<لبسني طقم الذهب بس
تبون الصراحه شكيت انه يحب احد من بنات عائلته ومايبي يجرحها ويحسسها بفرحته
خصوصا انه في وحده تقرب له يوم الملكه كانت برا الصاله واقفه ورفضت تلبس عباتها يوم قا لوا العريس بيدخل تقول لاااا ليش يدخل ماله داعي او قولوا له ينتظر شوي وكانت واقفه في الممر اللي بمر منه انا وياه في دخولنا للصاله
وكل من قالي عنها قال انها كانت حيل مضطربه وكأنها كانت تبيه يشوفها َّ<<<< الكل مستغرب منها
ارجوكم ساعدوني افهم وضعي ليش كذا قاعد يصير معي؟؟ وياترى شكي بمحله ؟؟
ماابي حد يجاملني لو كنتوا بمكاني كيف بتتصرفون ؟؟
احس اني كرهته قبل ادخل بيته ,,هذة مو بدايه يبداها مع شريكه عمره حتى لو انه مايحب المكالمات يدق بالشهر مرة على الاقل ,,ماني عارفه كيف بسلمه نفسي واكون بين يديه بيوم وهو جرحني بهذة الطريقه وكان سبب في دموعي وشماتت خواتي وقريباتي وصديقاتي فيني في وقت المفروض اكون اسعد انسانه .
سامحوني على الاطاله هذا حصاد ست اشهر من الغيض والبكاء
ودمتم بوووووووود

واضح انه مغصوب عليك

ولاتزعلي من كلامي بس تصرفاته تدل على كذا


عشان كذا انتي فكري كويس افسخي الملكه احسن من انه يطلقك بعد العرس

واستخيري وفكري

بس والله ان احس تصرفاته ماااااااش يعني مو متقبلك كزوجه لان ع الاقل لابد يكون تواصل بينكم خصوص في ذي الفتره

__________________

ليه ما تسأليه ؟؟؟ أو تسألي أحد قريب منه ...أخت له تكون تفهمك مثلا

__________________

أختي ...

لا نستطيع أن نحكم عليه ... كما حكمت عليه أختنا نور الكون.

كل شخص لديه خلفية أجتماعية وعُرف أجتماعي .. يجب عليك فهم هذا لكـي لا نحاسب الشخص لذاته.
و آحتمال يكون من شخصية الزوج ... وطريقة تفكيره. الاحتمالات كثيررررة.

لذلك الذي سوف يقدم النصيحة يقدمها بما يناسبك بدون الحكم على الآخر (الزوج).

أنصحك تشغلي نفسك بأشياء تحبيها إذا جاءك هذا الشعور.

بالتوفيق ...

شكرا لتفاعلكم
نور الكون<<<الظاهر اني برجع استخير
beta2ا<<< استحييييي مستحيل اسأل احد من اهله ما اقدر
falhung <<يسلمو

إختي نور الكون كيف حكمتي بالسرعه هذي انه مغصوب عليها؟ خليك محضر خير مع اني متأكد ان نيتك ولله الحمد سليمه

إختي السائله دموع القهر...
ألف مبروك حتى لو كانت متأخره والله يبعد عنك القهر هذا اول شيء, أنا ما الومك لو اخذت بك الأفكار يمين ويسار لكن لاتخلي للشيطان عليك مدخل. التواصل مطلوب ولكن يجب ان يكون مُقنن. وفي حالة زوجك وأنا راح افرض احتمالات لاتعبر عن وجهة نظري كشاب ولكن محاولة قراءه لشخصية زوجك لإيجاد مبرر لهذا العزوف عن التواصل.
اتوقع والعلم عند الله ان السبب الوحيد هو كثرة المشاكل والطلاق الناتج عن التواصل بالهاتف, زوجك شاب ويعيش بمجتمع شبابي ولك ان تتخيلي عدد الأصدقاء ممن حوله كتجارب شخصيه مروا بها مثلاً او من خلال قراءاته على النت اللي تغذي هذا الجانب عنده.
خلي تفكريك دائماً إيجابي وليش ماناخذها من باب انك اعجبتيه ومن شدة تمسكه فيك مايبي اي شيء يكون سبب بانه يخسرك حتى لو كان شيء هو يرغب فيه بس خايف من تبعاته؟ الرجل يحكم بعقله ويغلّبه على عاطفته واتوقع لسان حاله يقول" ليش افتح على نفسي باب وهي بالنهايه راح تكون ببيتي..اتحمل واصبر شوي في سبيل عدم خسارتها"
ويمكن يكون خجول وله نظره خاصه في هالأمور؟
أو مايحب احد يملي عليه اشياء وهو يحب يرتب كل شيء "للزواج" بنفسه من غير تدخل احد وهذا الشيء راح يتضح من خلال قرب موعد الزواج وتأثيث البيت وهل راح يستشيرك فيه ويخلي لك القرار ام لا؟ برأيي انك تنتظري لين تقرب ذيك المرحله وهو يمكن يبيها سبب للتواصل واذا ماحصل التواصل زي ماقلتلك انسان يحب يرتب اموره بنفسه

خليني هنا اتكلم عن وساوس الشيطان لك. بخصوص البنت اللي من عيلته وقوفها مايعني بالضروره انها تبيه بس فيه ناس طبيعتهم كذا ينتقدون كل شيء ع الطالعه والنازله ومايستسيغون اي شيئ.

اتوقع مكالمته لك من عدمها بيكون شيء خاص بينك وبينه ولو يحب وحده ويخاف على مشاعرها كيف بتعرف انه على تواصل معك؟! مع ان اليوم التواصل يعتبر من المُسّلمات!

انتظري وهدي بالك وحاولي تعرفي متى رغبته بالزواج وساعتها بيبان لك كل شيء

أتمنى لك التوفيق اختي

هدي يالغالية ..

حبيت اقولك عن مثال يشبه خطيبك عندي بعاىلتي , أحد أقربائي ما رفع السماعه على زوجته بعد ملكتهم الا مرات قليله وتكون لأسباب خاصة لسكنهم وكذا ,(مع انه كان جريئ معها بشبكتهم ) وكان رده لما سألوه ليه ما يكلم خاصة ان العائلتين عندهم عادي الاتصالات بين الزوجين قبل الملكه ؟!... قال انه ما يبي يحرج البنت وكل شي بوقته أفضل .
واللحين هم متزوجين ومبسوطين بحياتهم .


يالغاليه انسي سالفه ( مغصوب ), لان مافيه رجل بهالوقت ينغصب , اذا البنت ما تنغصب كيف بينغصب الرجال ؟!..


بودي أقولك ابدي أنتي بالاتصال بس مو للسؤال عن حاله وكذا (لا) , خلي اتصالك علشان تسألينه على امور مهمه لزواجكم وحياتكم . (بس عن نفسي مو مرره حابه الفكرة , اتخوف من ردات الفعل).
أو تخلين امك تجس النبض من امه ويصير بينهم وتعرفين السبب ؟!..
أنتي شوفي الحل المناسب .

ربي يريح بالك .

__________________

لا عاد يا نور الكون على طول حكمتي على الولد ان تصرفاته مااااش انا اشوفه مو مااااش بالعكس هي قالت مع انه كان معجب فيني حيل وقت الملكه اجل مافيه خلاف والولد طبيعي ميه بالميه ..

عزيزي سيف الله يريح بالك ويبارك فيك يالطيب
عزيزتي هد وء المشاعر يسلمو يالغاليه انا مهديه بس الله يستر
ومن ناحيه الاتصال عليه يبطي عظم كبريائي مايسمح لي
نسمات نورتيني وبعدين انا ماتضايقت من نور الكون لانها صريحه بس حلها جدا صعب

حبيبتى والله شي مو طبيعى ولامرة اتصل عليكى طول فترة نصف سنة احس في ان بالموضوع
اتصلي حبيبتى واسالي عنه وازا خجلانة ابعتيله مسجات لوم وعتاب

__________________
ادعولى ربي يرزقنى الذرية الصالحة