فضفضة شخص غير....
إحساس غريب أحس فيه الآن وأنا أنتظر في المحكمة في إنتظار الطلاق...
كيف إنها النهاية وكيف أحلامي قدامي تنتهي... وأنا الي انهيتها بنفسي انا عارف اقدر اغير الوضع وانا عارف اني احبها وهي تحبني..
يا رب أصعب قرار في حياتي وكيف انفصل عن الي احبها، احس اني تركت روحي نهاية التوقيع على الورقه
رحمتك يارب نفسيتي غير والمشاعر توجع كيف تستغني عن نصفك الثاني ونصفي الاول ما تسمحله كرامته.
على كثر ما إعتقدت إن الرجال قوي وصلب بس أبعترف بصراحة أنه ضعيف عند الحرمه وفرقاها يعني انه يعيش بجسد بلا روح بمعنى الكلمة انا اكتب وما قاعد ارتب كلام ولا اراجع الي كتبته ومسترسل بالكتابه باي شي يخطر على بالي وواصل من قلبي ماهو من العقل.
لما اتذكرها اول ما اقوم من النوم وكيف كانت جنبي لما يرن الجوال ويفز قلبي على نغمتها لما اشوف ملابسي اتذكر تعليقاتها عليها لما امر شارع اتذكر يوم انا وياها فيه والمطاعم والكوفيات والاسواق وكيف كانت تعلق عليهم ولله احس انها انا وانها بداخلي وقاعد افكر بكل شي تفكر فيه رحمتك يالله..
دايما اسال نفسي سوال كيف اقدر انساها كيف اقدر اغير كل شي حولي في دنيتي وهو يذكرني فيها حتى اني شريت اشياء جديدة من بعدها واقول ياليتها شافتها عشان تباركلي فيها هذي بالله كيف انساها.
من طلعت على الدنيا والناس كلها يقولون الرجال اقوياء وما تهزم الحريم الحين اقولهم عيشوا مرجلتكم زي ما تبون وانا اعيشها زي ما ابي!
كل منا يحط الحدود في كل شي عشان كرامته واحترام الناس له لانه يعز نفسه ويكرمها واذا كان الشخص الي تحبه اكثر من نفسك كيف يصير الحال...
بعد خمس دقايق موعدي وادخل عند الشيخ..
ويمكن بعد هذي اللحظة الوحيدة والشجاعة منشوي الحين الي كاتبه كنت محتاج اقوله لاحد بس ما قدرت كابت في صدري وذابحني بشكل رهيب ومأثر فيني كثير، مرات كثيرة وانا ماشي اطالع بالحريم من غير قصد وهم مستغربين من نظراتي لهم والحقيقة انا سرحان افكر فيها واقارن واسرح بتخيلاتي كيف انها احسن من هذولا كلهم وكيف ممكن اعيش مع وحدة غيرها رغم ان الي بيننا انتهى تقريبا بس بداخلي مفتخر بالاحساس هذا.
تعلمت درس مهم وانا صامل عليه ان شاء الله اني اتصرف بواقعية وبترك المثاليه وابتديتها من الرسالة ذي وبلاش تصرفات مثاليه وبلاش كلام منمق والله يستر على الجميع ويحفظنا.
إنتهى
07-03-2011, 02:57 PM
ضوابط المشاركة
العرض الشجري